Lʉkas 12:18 - Kálar Nzyɛ̌m : Ejwán é Sáá

¹⁸ Nye ó: “Me páa sâ mpʉ: me ógbɛ́ɛ ménkuna mâm. Mé okǎ lʉ́o ménkuna meswîh me dí ɨ́ buú bwaʼ má. Mé okomo méde mâm ndu e mebi mâm ɨ́ menkuna maá.

Kálara Zyɛ̌m Edwán é mpʉ̌n

¹⁸ Nye ó: “Me paʼ sa mpʉ: me ófuo gbɛɛ monkuna mam, me òka lʉo monkuna mofih, maa ndɨ é bul bwaʼ mɨmo e! Me òkoho mode mam ndwe e mobi mam é monkuna maa!

Lʉkas 12:18 Iomraidhean Croise

Mataos 6:26

Jwɛ́ʼɛ́ɛ́ gá binʉ̌n dí epiilɨ kʉ́ bí: Byé abe mémpeʼ, akpɛm, asyɛŋ méde lɨ́ bitáa. Sɔ́ŋ wɨ́n dí ɨ́ jʉ́o kʉ́ nyá ó dí edwe byé mede. Ntʉ bɨ́n dí elaa bínʉ̌n byaá lɨ́ odimé ɛ̌?

Lʉkas 12:17

Nó nyé á dî ɨ́ lémé wé ó: “Me e sá nyá? Mé akǎ be e gúmó mé káalaa mpumó nyǎm.”

Lʉkas 12:19

Jɔʼ yaá ó mé ólɛ́ɛ e lémé wâm ó: Lémé wâm, gó e mebi lwɨ́ŋlá. Mé ójala e go tâŋ mimbû ɨ́ buo buo. Gbalaa ɨ́ jɔʼ yɨ̂. Déʼ méde ndu e menyoʼ. Soháa.”

Lʉkas 12:21

Yésʉs, nye e bé ó: «Mʉr dí ekomo mébi mé lɨ́ esú lé, nye mʉr tɨ̂, nyɨɛ yɨ́ɛ ántéʼenteʼe mʉr ɨ́ míh mé Nzyɛ̌m nyá, nye ó mpʉ mʉ̂r waá.»

Lʉkas 12:24

Paá bee gá bikpáŋ bî: byé abe mémpeʼ, akpɛm méde. Byé abe e mentɔ́ɔ, abe e menkuna. Tó kœb ó, Sɔ́ŋ wɨ́n ó dí edwe byé mede. Mʉr, nye ɨ́ buo ódimé, laa bínʉ̌n.

Lʉkas 18:4

Nye á si nyɛɛ bene. Sâ gwár, nye á ka lɛ́ɛ ɨ́ lémé wé ó: “Damá jóʼǒ mpʉ mé dí adwáawǒ Nzyɛ̌m, nkʉ̂ dwe mʉ̂r dúu yɨ́,

Lʉkas 18:6

Nó ó Tî Yésʉs á lɛ́ɛ ó: «Tîʼ milɔ̌b á dwidwe bʉr mebě me mpéne nyá, paá jôʼlo gá sá nyé dí elɛ́ɛ yɨ́.

Jacques 3:15

Ntʉ ócwóó wɨ́n waá dí eduho kwá mé Nzyɛ̌m. Sá ócwóó yaá, yé duho ó ɨ́ sí yɨ̂, ɨ́ bipúno bi bʉ̂r. Yé lɨ́ eduho ntémé kwá sɔ́ŋ meleme.

Jacques 4:13

Jóʼláá gá me, bɨ̌n bʉr o dí elɛ́ɛ ó: «Mûh, nkʉ̂ ómɛ́n, bɨ̌h bé ótô nkana swîh, nkana kɛl, gúmó bɨ́h ngá lɛ̌ŋ mbû yɨ́, sâ mpɛ́ma, bi bímɔnɨ́» bá.

Jacques 4:15

Sá bɨ́n jálá le elɛ́ɛ yɨ́, yé ó: «Dâ Nzyɛ̌m sí kam nó, bɨ̌h bé ótíʼe. Bɨ̌h bé osâ sâ swîh, sâ kɛl.»