Lʉkas 12:15 - Kálar Nzyɛ̌m : Ejwán é Sáá

¹⁵ Nye ó: «Gwá di gá le ocwóó. Syɛ́hláá gá nzɔ́ɔ́ bísâ, mimbi mímyɛ̂h, ebě, twiʼ mʉ̂r, yé aduho ɨ́ bisá mʉ̂r waá dí e byé bí, byé damá buo.»

Kálara Zyɛ̌m Edwán é mpʉ̌n

¹⁵ Nye ó: «Gʉa di ga ncye! Syɛhla ga zɔɔ bɨsa mɨmbi mimyɛh, ebe, tiʼ mʉr, yé aduho é bɨsa mʉr waa ndɨ e bye e, byé dam buo yáa bim.»

Lʉkas 12:15 Iomraidhean Croise

Markus 7:22

medyɛ̂n, nzɔ́ɔ́ bísâ, ebébe é léme, mikóo, bimolá nzam le ekomo, nzwíí nkěh, nkɛ́á nyʉ̂l, sɔ́ɔlʉ pɨ̂ʼ.

Lʉkas 12:16

Yésʉs ntɔ̂ʼ sâ bé kɨkɛna ó: «Nyʉ́ʉ́ mʉ̂r á be ó, le okúm le ogbaa le ombeʼ o nyʉ̂l ti e bipemé. Byé á si bu gúmo.

Lʉkas 16:14

OFarizyɛ̂n, bé á be ó lɨ́ ejóʼo mílɔ̌b myaá mímyɛ̂h, ntɔ̂ʼ táare épya nyê, ebě, bé á be ɨ́ buú kpɛ̌l mɔnɨ́, ntaa sʉ́ŋa.

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

Lʉkas 8:14

Bâʼ bʉ̂r, bé ó mpʉ̌ mpeʼ dí ɨ́ mindwínɨ́nɨ́ yɨ́. Bé lɨ́ ejóʼo ntémé lɔ́ɔ waá. Píe tɨ̂, bé mû jaá yêʼwo ó, njɨ sí yɨ̂, le okúm, le ogbaa ndu e bigwɨ́má bí twiʼ yɨ̂. Bisâ byaá mû bé ɨ́ milémé myɔ́ɔ́ ó ɨ́ lárádá. Bé abe e nkul ekǎ sâ bísyɛ́ɛla bimpâ.

1 Korɛnt 6:10

mindíblʉ̌, bʉr o bígwɨ́má, minyʉnyóʼ, bʉr o mélwɨ́ɨ, baá dí edɛn bímɔnɨ́ byé onkán bá: bʉr baá, bé álîʼ e nkɔb nyɔ́ɔ́ ɨ́ Mpóʼo mé Nzyɛ̌m.

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

2 Timotɛ 3:2

Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.

Ebrœ̂ 13:5

Mʉ̌r sá alâʼ nyʉ̂l nyé lɨ́ enkpɔɔ é mɔnɨ́. Sohaa gá bím bísá bɨ́n dí ebi bí, ebě, Nzyɛ̌m á lɛ́ɛ ó: «Mé abe e nkul ejɨha gô, nkʉ̂ líʼe gó ɨ́ ntɛ̂ʼ.»

2 Pyɛr 2:14

Míh mɔ́ɔ́, mé jaá sáa ó, njɨ bʉbá bé sâʼ medyɛ̂n e bé bá. Bé abá gbala lɨ́ esâ syóm. Bé sɨ́sáá ó, bʉr o dí ɨ́ tyɛʼ bá, bé bílɨɨ ɨ́ bilám byɔ́ɔ́. Bé jaá gbâ lémé ɨ́ dwííí ó, njɨ lɨ́ ejɨ̂ʼ édû bígwɨ́má ményʉ́l mɔ́ɔ́. Nzyɛ̌m, nyɨ́ syɛm bê.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.