Lʉkas 12:11 - Kálar Nzyɛ̌m : Ejwán é Sáá

¹¹ «Jɔʼ bé ódâʼre bɨ́n ɨ́ mempáh mínjɨʼla nkʉ̂ ɨ́ mempáh mílɔ̌b, tó pur bɨ́n yɨ́, mʉr asyɛl gá bá. Ayêʼwo gá sá bɨ́n ngá lɛ́ɛ bʉ̂r ó jwɨ́ɨ ɨ́ nkar wɨ́n yɨ́!

Kálara Zyɛ̌m Edwán é mpʉ̌n

¹¹ É jɔʼ bé ódaʼre bɨn é mompah mɨnjwɨʼla mɔɔ, nkʉ é mih mo bʉr o ndɨ e nkul mojwɨ̀ʼa ɛ, to pur bɨn ɨ, mʉr asyɛl ga ba e nye mʉr tɨ, tiibe e nkar bɨn bé ófuo monyʉl mɨn e tɨʼ ɨ. Mʉr ayeʼbe mpɨha bɨn bé óbɨha be e,

Lʉkas 12:11 Iomraidhean Croise

Mataos 23:34

Sá tɨ̂ʼ ó mé dí elómlo bɨ́n ogwíha o mílɔ̌b, ndu e mipɨpɨ́ʼ mí bʉ̂r le olɛ̂ʼla yɨ́. Bâʼ bʉ̂r, bɨ̌n bé ójʉ̂ ó jʉ́ʼóo. Bʉ́ʉ́, bɨ̌n bé óbomlo ɨ́ bikolôs. Bʉ́ʉ́ ntémé, bɨ̌n bé óŋmɛ̂h míngáhá ɨ́ mempáh mínjɨʼla mɨ́n. Bɨ̌n bé ótíble bé bínkana e bínkana byɛ̂h.

Mataos 6:25

«Sâ yaá ó mé lɛ́ɛ́ bɨ́n ó: asyɛl gá bá ɨ́ lɔ̌b twiʼ yɨ́n, lɨ́ eyêʼwo méde bɨ́n ngá de yɨ́. Asyɛl gá ntémé bá ɨ́ lɔ̌b míkán bɨ́n óbwâr ɨ́ menyʉ́l mɨ́n mí. Nzê bɨ̌n bé agʉ́a ó, twiʼ, yé e nyɔm, laa méde, le ntémé ó, nyʉ̂l, nyě e nyɔm, laa míkán ɛ́?

Mataos 6:27

Nzé ɨ́ sɔ́má yɨ́n dí e nkul ekɛl élû egwár ɨ́ melú mé twiʼ yé ɨ́ lɔ̌b bá nyé dí esisyɛl ɨ́ léme yɨ́?

Mataos 6:28

Bɨ̌n bé lɨ́ eyêʼwo míkán ɨ́ yé? Paá gwá dwɛ̂ʼ gá mpʉ ménzɔ̌m dí etô le ebuʼwa ɨ́ bipemé yɨ́. Menzɔ̌m, mé abe lɨ́ eséǎ syɛ́ɛ́, nkʉ̂ lar míkán.

Mataos 6:31

Ayɨ́ syɛl gá bá, lɨ́ elɛ́ɛ ó: “Mɨná bé óde gá máa méde le máa ményoʼ? Mɨná bé óbwâr gá yé?”

Mataos 6:34

Nó, mʉr ayêʼwo gá sá ngá syɛ́ɛ ómɛ́n yɨ́, ebě, ómɛ́n ó yéʼwó nyé mʉr tɨ̂. Móhó jala ó e wé túú.»

Lʉkas 12:22

Yésʉs, nye le ompʉ́n bé ó: «Mě lɛ́ɛ́ bɨ́n ó: asyɛl gá bá ɨ́ lɔ̌b twiʼ, lɨ́ eyêʼwǒ sá bɨ́n ngá de yɨ́. Asyɛl gá bá ɨ́ lɔ̌b ményʉ́l mɨ́n, lɨ́ eyêʼwǒ kán bɨ́n ngá bwâr wɨ́.