Lʉkas 11:49 - Kálar Nzyɛ̌m : Ejwán é Sáá

⁴⁹ Sɨ́ǎ yaá ó, Nzyɛ̌m dí elɛ́ɛ lɨ́ ocwóó wé ó: “Me ólómlo bé ogwíha o mílɔ̌b ndu e bʉr o mílʉ́mlʉ́ bâm. Bé ójʉ̂ bâʼ ó jʉ́ʼóo, tíble bʉ́ʉ́ tíbláa” yɨ́.

Kálara Zyɛ̌m Edwán é mpʉ̌n

⁴⁹ Ebe no ó Zyɛm lé elɛɛ é l'ocyoo we ó: “Me ólomlo be ogwiha o mɨlɔb ndwe e mɨlʉmlʉ myam. Baʼ bʉr, bɨn bé ójʉ jʉʼo. Bʉʉ, bé ótíile.”

Lʉkas 11:49 Iomraidhean Croise

Mataos 22:6

Baá bʉ́ʉ́, mɛ́rɔɔ ósyɛ̂l o mésâ ónɨ̌, sáŋɔɔ bé cére, jʉ́ŋɔɔ.

Lʉkas 11:48

Mpʉ bɨ́n dí ekɔ̂n mésoo mɔ́ɔ́ nó yɨ́, bɨ̌n bé lɨ́ eboʼlo tɨ̂ʼ lɨ́ otyeetye ó, osɔ́ŋ bɨ́n ó dí e mpono meswie mɔ́ɔ́. Osɔ́ŋ bɨ́n ó b'á jʉ̂ ogwíha o mílɔ̌b; bɨ̌n bɨɛ kǎ kɔ̂n mésoo mɔ́ɔ́.

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Yʉanes 16:2

Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

Mɨlʉmlʉ 1:8

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

Mɨlʉmlʉ 11:27

Jɔʼ yaá ó ógwíha o mílɔ̌b, bé á duhǒ Yerʉ́zalɛm, tô Antiôs yɨ́.

Mɨlʉmlʉ 22:20

Jɔʼ bé á jʉ̂ Étiene, mboʼlo gǒ yɨ́, me á be ó tɨ̂. Bʉr o b'á jʉ̂ nye bá, me á si kʉ kam syɛ́ɛla yɔ́ɔ́ yaá. Me ntémé ó b'á baʼle mikán myɔ́ɔ́.”

Mɨlʉmlʉ 7:57

Bé ntɔ̂ʼ bʉ̂ bítím lɨ́ ejámlɔɔ nyê, dibɔɔ mégwǎl mɔ́ɔ́, swɨɔɔ nyé ɨ́ nyʉ̂l, bɨ́bɛ̂h ɨ́ piií.

Mɨlʉmlʉ 8:3

Saʉ̂l nyɨɛ nzě gbâ nkûl lɨ́ egbǎh Mbɛ̌r-Nzyɛ̌m. Nye á tʉtô nó ó, mímbɛ̌r e mímbɛ̌r myɛ̂h, lɨ́ etô le edulo bʉ́bá le bʉrʉ̂m o b'á bûʼla bá bɨ́bɛ̂h, gbâ bé ɨ́ mbʉʼ.

1 Korɛnt 1:24

Ɨ́ páʼ bʉ̂r Nzyɛ̌m á jébe bá, damá jóʼo óYúden, damá jóʼo bʉ̂r o dí abe óYúden bá, bé bee nkûl le ocwóó mé Nzyɛ̌m ó, ɨ́ Yésʉs-Krîst.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Éfɛsɔs 4:11

Nye á be ɨ́ dwe bʉ̂r mindwéá mimbi mimbi. Nye nzě sâ ó, bâʼ bʉ̂r, bé díʼee bʉr o mílʉ́mlʉ́ mé Yésʉs; bâʼ bɨ́ɛ, ogwíha o mílɔ̌b; bʉ́ʉ́ bɨ́ɛ, otúna ó Mbɨambɨa Lɔ́ɔ; bʉ́ʉ́ bʉ̂r ntémé, otyɛ̂b bé ésôʼ ó Mbɛ̌r-Nzyɛ̌m; bʉ́ʉ́, olɛ̂ʼla o mílɔ̌b mé Nzyɛ̌m.

Kolosi 2:3

Ocwóó le ngwɨ́á wɨ́wɛ̂h, bɨ̌n bé ɨ́ jala le esáa byé ó ɨ́ Krîst tʉ́ŋlʉ̌. Byé ó Nzyɛ̌m á sol ɨ́ nye bí.

Mɨngwiha 16:6

ebě, bé á si kʉ jʉ̂ bʉr o gó á twâr bá, bé le ogwíha o mílɔ̌b bô. Metié mɔ́ɔ́, mɨ́ buú swɨɨ sí. Nó ntémé ó gó á lɛ́ɛ ojʉ̂l o bʉ̂r baá ó, bé bɛ́blaa metié yɨ́. Sá dí ejala e bé yɨ́ ó nɨ̌!»

Mɨngwiha 18:20

Bʉr o kʉ́, doʼaa gá lɨ́ etɨʼla lé. Bʉr o dí egúmo e né bá, bʉr o mílʉ́mlʉ́ bé, ndu e l'ogwíha o mílɔ̌b bé, sohaa gâ, bɨ̌n óbɛ̂h, ebě, Nzyɛ̌m, nyɨ́ tíʼě lɔ̌b, dwe bɨ́n nkam, dwe bé mebě.