Lʉkas 11:42 - Kálar Nzyɛ̌m : Ejwán é Sáá

⁴² «Nkoó, nye ó e bɨ̌n, oFarizyɛ̂n, ebě, bɨ̌n damá bi bísâ bi dí ɨ́ twâʼwo bí mpʉ bíká ménumó, biká bí dʉ̂m ti e byaá mépulo, bɨ̌n bé lɨ́ ebánǎ dwě Nzyɛ̌m nkɔb mpwár ɨ́ menkɔb kám tɨ̂. Tó kœb ó, bisyɛ́ɛla bi mpâm le byaá bí ótîtyěl Nzyɛ̌m dí ɨ́ buú beě mbɨ̂mbɨá bí, bɨ̌n bé lɨ́ epyêh byê. Yé jala ó, bɨ̌n dwêʼ nye nkɔb bisá bín dí nyaá nyé nyɨ́. Sâ gwár, ajɨha ntémé bisyɛ́ɛla bi mpâm le byaá ótîtyěl.

Kálara Zyɛ̌m Edwán é mpʉ̌n

⁴² «A vwaʼ e bɨn, oFarizyɛŋ, ebe, bɨn dam bi bɨsa ndɨ é twaʼbe e, mpʉ bɨka monumo, bɨka bɨ dʉm ndwe e l'atuŋɔ-mbɛh, bɨn bé ebana dwe Zyɛm nkɔb ewʉm tɨ. To kœb ó, ocɨcyel le kpɛl mo Zyɛm byɛɛ, bɨn bé ebana pyeh bye. Yé ekʉ jala ó, bɨn saʼ bɨsyɛɛla ndɨ e l'ocɨcyel ɨ, le byaa bɨ kpɛl, ajɨha nteme lé edwe nye nkɔb ewʉm é bwa o bɨsa bin byaa.

Lʉkas 11:42 Iomraidhean Croise

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Mataos 23:23

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ edwě Nzyɛ̌m nkɔb kám: ká étyéelé, mpumó ájɨ́mɨ́ le ntáma. Tyé yaá yɨ́yɛ̂h, bɨ̌n bé lɨ́ epyêh métié me dí ɨ́ bwaʼ má. Mé ó dí: edû kʉ̌ tyen dí tîtyěl wɨ́, ecwɨ́a e bʉr, le edira ménkɛ̌ʼ mɨ́n. Yé á gwa jala ɨ́ páʼ wɨ́n ó, bɨ̌n lóŋlaa bisyɛ́ɛla bíbyɛ̂h: le byaá bɨ́n dí asâ, le byaá bɨ́n dí esɨsâ bí.

Mataos 23:27

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n nwɨɨla ó e mesoo me dí kɔ́ná, mindubá le epɛ́m má. Mé lɨ́ enyɨ̂n ɨ́ mbɨa mbɨa ɨ́ páʼ kʉ̌l. Tó kœb ó, mé e bidwehé bi bʉ̂r tɨ̂ʼ tʉ́ŋlʉ̌ ndu e mimbi bílœ̌ʼ mímyɛ̂h.

Lʉkas 18:12

Me lɨ́ eti méde ɨ́ sóno ngwár bijɔʼ bibá. Me lɨ́ edwe gó yô pêh ɨ́ mebi mâm mɨ́mɛ̂h mé dí ebi má, jala e nkɔb mpwár ɨ́ menkɔb kám.”

Yʉanes 5:42

Sâ gwár, me lɨ́ egʉ́a bɨ́n: me lɨ́ egʉ́a ó, bɨ̌n bé akpɛ̌l Nzyɛ̌m.

1 Yʉanes 4:20

Mʉ̂r lɛ́ɛ́ ó: «Mě kpɛl ó, Nzyɛ̌m,» nyɨɛ yɨ́ɛ lɨ́ enwim mɨ́ɔɔ́ wé nó, nye ó mʉr bibɛr, ebě, mʉr dí apǎ kpɛl mɨ́ɔɔ́ wé, mʉr nyé dí ebee nyá, nyé abe e nkul ekpɛ̌l Nzyɛ̌m, mʉr nyé dí abee nyá.