Lʉkas 11:41 - Kálar Nzyɛ̌m : Ejwán é Sáá

⁴¹ Dwéʼ gá baántéʼenteʼe o bʉ̂r sá dí ɨ́ bisʉ́á bín tʉ́ŋlʉ̌ yɨ́. Bɨ̌n bé óbee ó, bisʉ́á bín bíbyɛ̂h, byé ó mbɨ̂mbɨá ɨ́ míh mé Nzyɛ̌m.

Kálara Zyɛ̌m Edwán é mpʉ̌n

⁴¹ Dweʼ ga baanteʼenteʼe sa ndɨ é bɨfua bin tʉŋlʉ ɨ. Bɨn bé óbee ó, bɨfua bin bibyɛh, byé ó mɨfwɨʼra é mih mo Zyɛm.

Lʉkas 11:41 Iomraidhean Croise

Mataos 26:11

Ebě, bɨ̌n e baántéʼenteʼe o bʉ̂r ó dí ɨ́ jɔʼ yɨ́yɛ̂h. Mɨná bɨɛ bé ákóʼó di gá jɔʼ yɨ́yɛ̂h.

Mataos 5:42

Mʉ̂r sí gwâm gó sɔ̂ʼ nó, go e dwé nyé yǎ. Waá dí gó kʉlá nyá, go e kʉ́l nyê.»

Markus 7:19

Ebě, yé anî nyé ɨ́ léme tʉ́ŋlʉ̌. Yé ní ó ɨ́ mo, kǎ pyâl kʉ̌l.» (Ɨ́ lɔ́ɔ waá, Yésʉs á kpɛl elɛ́ɛ ó, mede mɨ́mɛ̂h, mé mû ó, bɛ̌m deŋɔɔ.)

Lʉkas 12:33

Bɛ́máá gá mebi mɨ́n. Súʼáá gá baántéʼenteʼe o bʉ̂r. Laraa gá mimpɨ́ʼ bímɔnɨ́ mi dí aswɨ́ɨ mí. Máʼáá gá okúm le ogbaa wɨ́n ɨ́ jʉ́o kʉ́, gúmó byé ngá be, adîm yɨ́, ebě, mindíblʉ̌, myé abe e nkul ekúnwo e tɨ̂. Oswôʼ ntémé, ajʉ́a byê.

Lʉkas 16:9

Yésʉs ntɔ̂ʼ lɛ́ɛ ó: «Mě lɛ́ɛ́ bɨ́n ó: nʉaa gá bibɨ́bla bí ókúm le ogbaa ó sí yɨ̂. Jwɛ́náá gá byê, lɨ́ esú ó, bɨ̌n tíaa esó e bʉr. Jɔʼ ókúm le ogbaa waá, wé ósíe yɨ́, bé odil bɨ́n ɨ́ bisaʼ ngá dǐ njʉ̌m dǐ e njʉ̌m dǐ bí.

Lʉkas 18:22

Jɔ̌ʼ Yésʉs á jóʼo nó yɨ́, nye nzě lɛ́ɛ e né ó: «Yé lɨ́ esáa gó sâ gwár. Tóʼ, tó bɛ́ma bísá bíbyɛ̂h gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Lʉkas 19:8

Nó ó Zakéyos á nze tyɛ̂b, le elɛ́ɛ e Tî Yésʉs ó: «Dâ ɛ̌, paá bee! Me múo nzě bɛ̂ʼ bísá byâm ɨ́ bipéh bíbá. Me ónʉa yɨ̂ʼ pêh, tó dwe báántéʼenteʼe o bʉ̂r. Yé bé me á bě sí sâ míkóo, nʉǎ mɔnɨ́ kwá nyʉ́ʉ́ mʉ̂r nó, me óbwóolo nyé yǎ, ntɔ̂ʼ kɛ̌l bím mɔnɨ́ yaá nzɔʼ lɛ̂l tɨ̂ʼ kʉ́.»

Mɨlʉmlʉ 10:15

Nye nzě báʼǎ jóʼo twíí ɨ́ jɔʼ mbá lɨ́ elɛ́ɛ e né ó: «Sá Nzyɛ̌m mû sí pubo yɨ́, anyamlě bee yé ó, yé ó tilá.»

Mɨlʉmlʉ 11:29

Ompʉ́n, bé bʉr o tɨ̂, bé á tíʼe ó, mʉr nyɨnyɛ̂h ɨ́ sɔ́má yɔ́ɔ́ ótyen óbûʼla bé á di ɨ́ sí Yʉ́da bá bisâ, ó mʉr nyɨnyɛ̂h súʼaa bé, dû mébi mé.

Mɨlʉmlʉ 24:17

«Píe mé á boo bɔ́ʼa e Yerʉ́zalɛm mimbû mimbû, enze mé kǎ báʼǎ nze ó mé dí tɨ̂ʼ yɨ́, lɨ́ enzě súʼǒ kúl yâm, le enzě dwě Nzyɛ̌m mindwéá.

2 Korɛnt 8:12

Ebě, bɨ́n dwé mʉ̂r yʉ́ʉ́ sɔ̂ʼ e bisʉhʉʉ nó, Nzyɛ̌m ókǎm ndwéá waá, jwɨʼ e mebi bɨ́n dí e tɨ̂ʼ má. Nye ájwɨʼ wé e sá bɨ́n dí abe e yé yɨ́.

Éfɛsɔs 4:28

Mʉr á bɨbe ndíblʉ̌ nyá, nye gwáʼaa díbe. Nye séaa syɛ́ɛ́ dí e nyɔm yɨ́, e mebó mé, ɨ́ mbi dí ó, nye díʼee e sá nyé ósúʼo báántéʼenteʼe o bʉ̂r e yé yɨ́.

Títos 1:15

Sá yɨ́yɛ̂h, yé mû ó pubá lɨ́ esú é bʉ̂r mû mipubá bá. Sâ gwár, bʉr o b'á lœʼ menyʉ́l mɔ́ɔ́, baá dína apǎ dyɛ̂ʼwo e Nzyɛ̌m bá, yé abe e sâ gwár dí pubá ɨ́ wɔ́ɔ́ pâʼ. Bisá bíbyɛ̂h, byê bé ó, ɨ́ lwaʼwo lwaʼwo, ebě, bé á si lœʼ ocwóó wɔ́ɔ́ le milémé myɔ́ɔ́.

Ebrœ̂ 13:16

Sáʼ gá bʉr oswîh embɨa. Súʼáá gá bʉr e mebi mɨ́n. Mʉ̌r sá ajɨhǎ syɛ́ɛla yaá, ebě, yé ó ndwéá Nzyɛ̌m dí ebeě mbɨ̂mbɨá wɨ́.

Ebrœ̂ 6:10

Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

Jacques 1:27

Mpǎŋ búʼó ɨ́ míh mé Nzyɛ̌m Sɔ́ŋ ɨ́ pémémé, yé ó nɛ́ɛ: mʉr tôʼ bwá bé ónyʉ̌l ɨ́ menɔɔlʉ. Nye súʼaa ntémé mikúho mi dí esia e mitúú mí. Nye díʼee e ncɛrá le bisá bí sí yɨ̂, lɨ́ esú ó, byé ayɨ́ kala nyé bilœ̌ʼ byɔ́ɔ́.