Lʉkas 11:22 - Kálar Nzyɛ̌m : Ejwán é Sáá

²² Damá jóʼo nó, jɔʼ nyʉ́ʉ́ ánkul-bituma láá nyé nyá, ntáá nyé ɨ́ dɔm yɨ́, nye ópar nyé bisá bí dɔ̂m nyé á bûbuʼla bí. Nyé onʉa byê, kab bʉ̂r oswîh.

Kálara Zyɛ̌m Edwán é mpʉ̌n

²² Wé dam bɛla dɔm no, é jɔʼ guu njɨh mʉr lé elaa nye é nkul ɨ, si ntaa nye é nkul dɔm ɨ, wé edɛn nye mokʉa mo dɔm nye a dɨ jyɛʼ taa buʼo ye tɨʼ ɨ, nʉa mobi me, kab bʉr ofih.

Lʉkas 11:22 Iomraidhean Croise

Lʉkas 11:21

«Jɔ̌ʼ nkɔ́ɔ́ mʉ̂r mû sí komlo dɔ̂m yɨ́, yé lɨ́ ebaʼle mébi mé ɨ́ puuu, akpɛ́ɛ̌ sɔ̂ʼ.

Lʉkas 11:23

«Mʉr nyɨnyɛ̂h dí abe ɨ́ nkɔ̌m nyǎm nyá, nye me ó ɨ́ nkɔ̌m kɔ́m nkɛ́ɛ́. Mʉr dí akœb mé lɨ́ esyɛŋ nyá, nye lɨ́ egbah ó gbaháa.»

Éfɛsɔs 6:11

Bwáráá gá mimbór mí dɔ̂m Nzyɛ̌m dí edwe bɨ́n mí, mbi dí ó, jɔʼ sɔ́ŋ meleme ónzě sáa édímle bɨ́n ɨ́ nzɨ̌ mikóo myé yɨ́, bɨ̌n tyɛ́bɨɨ mekʉ̌ sí ɨ́ sɨ́ŋ.

Éfɛsɔs 6:13

Sá tɨ̂ʼ ó mé dí elɛ́ɛ bɨ́n ó, nʉaa gá bisá bí dɔ̂m ɨ́ mebó mé Nzyɛ̌m yɨ́. Bébebébe móhó, wé ópyâl bɨ́n nó, bɨ̌n bé óbe e nkul elwímla. Bɨ́n óbe, sí lwímla, ɨ́ lwímla lwímla, ntaǎ sá yɨ́yɛ̂h nó, bɨ̌n bé otyɛ̂b mekʉ̌ sí ɨ́ sɨ́ŋ, apɨ́ŋla ɨ́ jɔʼ ébébe yaá.

Kolosi 2:15

Nzyɛ̌m, nyɨ́ par mísísǐm mí édúrʉ́ʉ́ le meleme bisá bí dɔ̂m bé á be e byé bí. Nye á ntaa bé ó, ɨ́ jɔ̌ʼ Krîst á dwe ɨ́ kolôs yɨ́. Nyɨ́ líʼe mísísǐm myaá ɨ́ gœr gœ́r, lúʼo nkûl, ɨ́ míh mé bʉ̂r ɨ́ kpɛŋlɛm.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.

1 Yʉanes 4:4

Bɨ̌n bɨɛ bwán bâm, bɨ̌n dumo ó e Nzyɛ̌m. Bɨ̌n bɨ́ ntaa óntɨ̂m le obɨn mé Krîst baá, ebě, Sísǐm bɨ́n dí e wé wɨ́, wé ɨ́ lele nkûl, laa waá dí ɨ́ bʉr ó sí yɨ̂ʼ wɨ́.