Lʉkas 11:19 - Kálar Nzyɛ̌m : Ejwán é Sáá

¹⁹ Bɨ́n lɛ́ɛ́ ó, mě sǒ méleme ó e nzɨ̌ nkul Béelzébul dí edwe mé nyɨ́ nó, á nzé nyɨɛ dí edwě dyɛɛ́ yɨ́n nyɔ́ɔ́ nkûl eso mê? Bé bʉr o tɨ̂, bé ó dí elɛ̂ʼle ɨ́ kpɛŋlɛm ó, bɨ̌n bé e mebě.

Kálara Zyɛ̌m Edwán é mpʉ̌n

¹⁹ Bɨn bé elɛɛ ó, me edwih-dwih moleme ó, ebe, Belzebul ó ndɨ edwe me nkul waa. A zé nyɛɛ lé edwe ompʉn bɨn wɔɔ nkul edwih me? Ebe no, bé ó ndɨ elɛʼle é kpɛŋlɛm ó, bɨn bé e mobe!

Lʉkas 11:19 Iomraidhean Croise

Mataos 10:25

Mpʉ́n sâʼ mpʉ mʉ̂r á lɛ̂ʼle nye nyá á sâ yɨ́; syɛ̂l mesâ sâʼ mpʉ njwɨ́ɨ wé. Nó ó dí ejala yɨ́. Lʉ́ mbɛ̌r bʉ̂r sí jwɨrɔɔ díe ó, “Béelzébul” nó, yé lɛ́ʼlé ó, bʉr ó mbɛ̌r bʉ̂r waá bɨ́ɛ, bé ókǎ jwɨrɔɔ míe me dí ɨ́ buú bébe má!»

Mataos 4:24

Nó ó kûm nyé á nze myaŋla ɨ́ sí Sirî yɨ́yɛ̂h yɨ́. Bê nzě nze le mimbêl kwá nyé: baá bé á be lɨ́ ejaʼra le meswie le mekpaa mimbi mimbi bá, bʉr o méleme, mé á nzɨnzamra bá, baá bé á sîsile bʉ̂ʼ bá, le mimbʉ́mbʉ́ʼ. Nye nzě tiʼ bê.

Lʉkas 19:22

Sɔ́ŋ, nye e né ó: “Sá bɨ́bla syɛ̂l mesâ yɨ̂! Me ótíʼe gó lɔ̌b ɨ́ mekǎn me dí eduho ɨ́ num gô má. Go á be lɨ́ egʉ́a ó, me ɨ́ buú nyan mʉ̂r. Mě nʉa ó, sá mé á be akomo yɨ́. Go á si gʉ́a ntémé ó, mě kpɛ̌m méde ó, ɨ́ gúmó mé á be amyam mempeʼ yɨ́.

Lʉkas 9:49

Nó ó Yʉánɛs á lɛ́ɛ ó: «Lɛ̂ʼla, bɨ̌h bé á si bee mʉr lɨ́ eso méleme ɨ́ bʉr e nzɨ̌ díé lô, bɨ̌h nzě kamle nyé lɨ́ ebáʼǎ sâ nó, ebě, mʉr waá, nyé abe mʉ̂r sɔ́má gá yɨ́ná.»

Mɨlʉmlʉ 19:13

Nó ó, bʉ́ʉ́ óYúden, bé á be lɨ́ etʉ̂to mékwár e mékwár mɛ̂h, lɨ́ etô le eso mímbɨ́a mísísǐm ɨ́ bʉr. Bé á jwɨʼla lɨ́ eso mímbɨ́a mísísǐm myaá ó, lɨ́ etwóolo díé mé Tî Yésʉs. Bé á lɨlɛ́ɛ e byé ó: «Mě lɛ́ɛ́ bɨ́n ɨ́ díé mé Yésʉ̌s Pɔ̂l dí etúnǒ lɔ́ɔ́ wé nyá ó, bɨ̌n dúhaa!»

Rôm 3:19

Mɨná bé lɨ́ egʉ́a gá ó, sá yɨ́yɛ̂h Mékaná mé Nzyɛ̌m dí elɛ́ɛ yɨ́, mé lɛ́ɛ́ yé ó, lɨ́ esú é bʉ̂r o b'á tyélɔɔ metié mé Nzyɛ̌m bá. Nyě tyél bé metié maá ó, lɨ́ esú lé épɨr bʉ̂r bɨ́bɛ̂h minum, le edwe bɨ́bɛ̂h mebě ɨ́ míh mé.