Lʉkas 11:1 - Kálar Nzyɛ̌m : Ejwán é Sáá

¹ Ɨ́ lʉ́ʉ́ dʉ́o, Yésʉs á be ó yʉ́ʉ́ gúmo lɨ́ ejɨʼla. Jɔʼ nyé á sil ejɨʼla yɨ́, nyʉ́ʉ́ mpʉ́n wé ntɔ̂ʼ lɛ́ɛ e né ó: «Dâ ɛ̌, lɛ́ʼláá bɨ́h esâ mínjɨʼla mpʉ̌ Yʉánɛs Ndubʉr nyɨɛ á lɛ̂ʼle bé ómpʉ́n myaá myɔ́ɔ́ yɨ́.»

Kálara Zyɛ̌m Edwán é mpʉ̌n

¹ É lʉʉ dobo, Yesʉs a be ó yʉʉ gumo lé ejwɨʼla e Zyɛm. É jɔʼ nye a sil jwɨʼla ɛ, nuu mpʉn we ntɔʼ lɛɛ e nye ó: «Da, yeʼla bɨh esa mɨnjwɨʼla é mpʉ Yʉanes a yeʼle ompʉn be e.»

Lʉkas 11:1 Iomraidhean Croise

Lʉkas 10:42

Tó kœb ó, sá dí ɨ́ buú buǒ nyɔm yɨ́, yé ó njɨ gwár. Sâ yaá, yé ó mbɨambɨa nkɔ̌b Maria nyɨɛ pɛ́h nyɨ́. Abe e mʉr ópɛʼ nyé nyǎ.»

Lʉkas 11:2

Yésʉs ntɔ̂ʼ lɛ́ɛ e bé ó: «Jɔʼ bɨ́n dí ejɨʼla yɨ́, lɛ́yɨ́ɨ́ gá ó: “Sɔ́ŋ wɨ́h, lɛ́ʼláá bʉ̂r bɨ́bɛ̂h ó, go ó Nzyɛ̌m dí ti nyá. Jwɨ́ɨ́ yô, yé ntâʼ.

Lʉkas 6:12

Jɔʼ yaá, Yésʉs ntɔ̂ʼ bére lɨ́ ecwɨ̂ʼ kʉ́, lɨ́ etó jɨʼla e Nzyɛ̌m. Nye á si lɛŋ pum ntinɨ̂ gʉ̂, njɨ lɨ́ ejɨʼla.

Lʉkas 7:13

Mbeá Yésʉs á bee kúho yɨ́, nye kʉ́ nzě jɨ̂ʼ wé nkoó, ntɔ̂ʼ lɛ́ɛ e wé ó: «Sá akǎ jɨ.»

Lʉkas 7:19

lómo bé, bé díʼee Tî Yésʉs ó: “Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?”

Lʉkas 9:18

Ɨ́ lʉ́ʉ́ dʉ́o, Yésʉs á be ó lɨ́ ejɨʼla e Nzyɛ̌m nye omér lɨ́ empah. Ompʉ́n bé, nzě pyâl. Nye ntɔ̂ʼ dî e bé ó: «Bʉr, bé lɛ́ɛ́ ó, me nzé?»

Lʉkas 9:28

Píě Yésʉs á bě sí lwib nó yɨ́, melû mwom nzě laa. Nye nzě nʉǎ Pétrus, bé e Yʉánɛs ndu e Jacques, ntɔ̂ʼ bére lɨ́ ecwɨ̂ʼ, lɨ́ etó jɨʼla e Nzyɛ̌m.

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

Yʉ̂d 1:20

Bɨ̌n bɨɛ, bʉr ó kpɛ̌l bâm, búʼó bɨ́n dí e yé, yaá dí tí yɨ́, nʉaa gá pîm ɨ́ búʼó yaá. Jɨjɨʼlaa gá ntémé e nzɨ̌ Sísǐm mé Nzyɛ̌m.