Lʉkas 10:21 - Kálar Nzyɛ̌m : Ejwán é Sáá

²¹ Ɨ́ jɔʼ yaá, Sísǐm mé Nzyɛ̌m nzě lóŋlǒ lémé mé Yésʉs e bisʉhʉʉ. Nó nyé á lɛ́ɛ ó: «Dâ, me lɨ́ edwe gó kûm, gua, Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá, bisá gó á sol ocwóó ndu e l'ogwɨ́a ó sí yɨ̂ʼ bí. Dâ ɛ̌, yé ó nó! Ebě, go á boo bi bísʉhʉʉ ɨ́ lémé gô ó, yé sáŋɔɔ nó.

Kálara Zyɛ̌m Edwán é mpʉ̌n

²¹ É jɔʼ gwar yaa, Mbɨambɨa Sisim ze loŋlo leme mo Yesʉs e bɨsʉhʉ. No ó nye a lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ. Da, yé ó no! Me ekʉ dwiibɨ go, ebe, go a bɛa tiʼe é leme go ó, yé syɛŋɨ no.

Lʉkas 10:21 Iomraidhean Croise

Mataos 16:17

Yésʉs ntɔ̂ʼ lɛ́ɛ e né ó: «Go ó e metyɛʼ me mpóm, Simon Bar-Yónas. Ntʉ nyʉ̂l bipúno le metiê gwíh gó sâ yaá. Yê bé ó Sɔ́ŋ wǎm dí ɨ́ jʉ́o kʉ́ nyá. Nye ô lɛ́ʼlé gó yǎ.

Mataos 21:16

Bê nzě dî e né ó: «Nzê go lɨ́ ejóʼǒ sá bé dí elɛ́ɛ yɨ́ ɛ́?» Nye nzě kam ó: «Eee! Bɨ̌n bé á bé así láa mícɛmá mîʼ? “Go á sâ ó, bwá ó ntwǒm, bé gúmlaa go; bityéé bi dí edêhlɔɔ mébêl bí, byé dwêʼ go kûm.”»

Mataos 3:7

Nó ó óFarizyɛ̂n le oSadwisyɛ̂n ɨ́ buo buo bé á nze, ó Yʉánɛs dúʼoo bé ɨ́ díbé yɨ́. Nye nzě lɛ́ɛ e bé ó: «Bɨ̌n bwá ó méjwɨ̂l bâ, nzé á pʉgʉ cɨ̂l bɨ̌n ó, bɨ̌n bé e nkul ekɨ̂ŋ nkpáa mé Nzyɛ̌m ɨ́ jɔʼ nyé ngá lɛ̂ʼle bɨ́n nyǎ yɨ́ ɛ́?

Markus 10:15

Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí anî ɨ́ Mpóʼo mé Nzyɛ̌m mpʉ mâ ntwǒm nyá, nye ákóʼó nî tɨ̂.»

Lʉkas 15:5

Jɔʼ nyé óbee yé yɨ́, nye ósoho ɨ́ lémé wé ɨ́ buo buo. Nye ónzě nkɛ́ɛ̌ nteme yaá, kɛl yé ɨ́ mebɛʼ, búla, tó kœb byaá nyé á líʼe bí.

Lʉkas 15:9

Jɔʼ nyé á bee wé yɨ́, nye nzě báŋle ósó bé ti e bʉr o kwár. Nye ó: “Mɨná sóhaa gâ, ebě, mɨ́ bánǎ beě nzǎŋ mɔnɨ́ wâm wé á dîm wɨ́.”

Yʉanes 11:41

Bé ntɔ̂ʼ pɛʼ ékóʼ. Yésʉs nzě bɨ̂n mîh kʉ́. Nye ó: «Dâ ɛ̌, me lɨ́ edwe gó nzyǒo, ebě, gʉ́ jóʼo mê.

2 Korɛnt 4:3

Yé ká be ɨ́ báánâʼ ó, Mbɨambɨa Lɔ́ɔ bɨ́h dí etúno wɨ́, wé ɨ́ dímlɨ́ di dímlɨ́ nó, bʉr o mû sí dîm bá bé omér ó dí ebee wé nó.

Éfɛsɔs 1:11

Mɨná bɨ́ pûhla gá e Yésʉs-Krîst ɨ́ twárá Nzyɛ̌m á twâr mɨná gá yɨ́. Nye á boo twâr mɨná gâ ó, kʉ́ e sí dína apǎ bě kuhá. Yé á be ó mpʉ nyé á boo jwɨʼ yɨ́, nyɨɛ mʉr dí egbâ nkûl ɨ́ sá yɨ́yɛ̂h, le esâ ó, bijwɨʼ le mitíʼá mí lémé wé, byé lwɨ́ŋlɨɨ nyá.

Éfɛsɔs 1:5

Nye á be ɨ́ kpɛl mɨ́ná gâ, nye nzě tíʼe ɨ́ lémé wé ó, nyě tyél ó mɨná gá ɨ́ tyé bwán bé ɨ́ nzɨ̌ mé Yésʉs-Krîst. Nye á sâ nó ó, ɨ́ kpɛ̌l yé ti e mitíʼá myé nye mʉr tɨ̂.