Lʉkas 1:78 - Kálar Nzyɛ̌m : Ejwán é Sáá

⁷⁸ Ebě, Nzyɛ̌m gá wɨ́ná, nyɨ́ jɨ̂ʼ mɨ́ná gá nkoó. Tiʼbʉr nyé ngá ntɨh nyá, ópyâl ɨ́ mɨná gâ, mpʉ dʉ́o dí epyâl kʉ́, kʉ̌n sí yɨ̂ʼ yɨ́yɛ̂h yɨ́.

Kálara Zyɛ̌m Edwán é mpʉ̌n

⁷⁸ Zyɛm Sɔŋ ga wina, nye ebɛa jwɨʼ bɨna ga nkoo. Ebe no ó nye óntɨh bɨna ga mɨmbah mɨ dobo e.

Lʉkas 1:78 Iomraidhean Croise

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Éfɛsɔs 5:14

Ebě, sá yɨ́yɛ̂h njʉl dí ekʉn yɨ́, yé mû ó lɨ́ epan mímbah. Sá tɨ̂ʼ ó bé dí elɛ́ɛ ó: «Gua mʉr dí ɨ́ jô nyá, jɨmáa. Duhaa ɨ́ sɔ́má ódwe. Krîst pánaa go mimbah, tyen gó ɨ́ myɛ́n» yɨ́.

Filipi 1:8

Á dǐ bee mɨ́ná gá mû ó gúmo gwár! Nzyɛ̌m, nye me ó mboʼlo! Me lɨ́ ekpɛl bɨ́n bɨ́bɛ̂h mpʉ̌ Yésʉs-Krîst dí ekpɛl bɨ́n yɨ́.

Filipi 2:1

Búʼó bɨ́n dí ebúʼlǎ Yésʉs-Krîst yɨ́, yé así gbâ bɨ̌n nkul ɨ́ miléme ɛ̌? Kpɛ̌l yé, yé así dwe bɨ́n nkul ɨ́? Nzê bɨ̌n bɨ́ pûhla e Sísǐm mé Nzyɛ̌m? Bɨ̌n bé así kpɛla le ejɨ̂ʼ nkóó páʼ nyɨ́n? Mpʉ yé dí nó yɨ́,

Kolosi 3:12

Bɨ̌n ó dí bʉ̌r Nzyɛ̌m á twâr, baá o dí egúmo e né, nyé dí ɨ́ buú kpɛl bá. Nó ó, sáʼ gá njɨ́ʼá nkóó páʼ nyɨ́n, le mpam. Sulɨɨ gá menyʉ́l mɨ́n sí. Diʼee gá bʉr o dí ɨ́ talǎ njwɨr bá, le bʉr o bíhwó.

2 Pyɛr 1:19

Nó, lɔ́ɔ́ ógwíha o mílɔ̌b bé á tutúno wɨ́, wé ó sá mɨ́ná mû sí gʉ́a gá ɨ́ pébébé yɨ́. Bɨ̌n e kʉ́ gwá di le ocwóó, ebě, wé ó mpʉ éláma e dí epan ɨ́ gúmó yé á bɨbe lɨ́ edúrʉ́ʉ́ yɨ́ lɨ́. Tóʼ gá dóló le ebúʼlǎ lɔ́ɔ waá, tó kumo ɨ́ jɔʼ dʉ́o lé ójɨma yɨ́, le ɨ́ jɔʼ twítwén melɔ́ma mé mɛ́n ópan bɨ́n ɨ́ miléme yɨ́.

1 Yʉanes 3:17

Mʉr dí e bisâ, dí ebee mɨ́ɔɔ́ wé lɨ́ ebǐ túú nyá, nyé sá nyé cére nó, wáǎ mbi nyé dí e nkul elɛ́ɛ ó, nyɨ́ kpɛ̌l Nzyɛ̌m ɨ́ lémé wé yɨ́ ɛ́?

Mɨngwiha 22:16

«Mɛm Yésʉs, me á si lómlo bɨ̌n éngeles wǎm ó, nye ntáa nzě boʼlo gó milɔ̌b mi dí edwɛ̂ʼ Mbɛ̌r-Nzyɛ̌m mí. Mɛm, me ó mâ nta mé David, waá á byɛ̂l mpʉ̌ ntoʼdu á pâh ɨ́ kǔm lɨ́ yé á twɛlɔɔ twɛlɨ́ɨ yɨ́ ny. Me ntémé ó dí twítwén dí ɨ́ buú pan ɨ́ melɔ́ma mé mɛ́n nyá.»