Lʉkas 1:74 - Kálar Nzyɛ̌m : Ejwán é Sáá

⁷⁴ nye ókɛm mɨ́ná gâ, lwímla le ontɨ̂m le obɨn gá bɨ́ná. Nó ó mɨ́ná ódwidwe gá nye kûm, akǎ kpɛ́ɛ bé yɨ́.

Kálara Zyɛ̌m Edwán é mpʉ̌n

⁷⁴ nye ósyɛb bɨna ga é mobo mo bʉr o dɔm ga bɨna. No ó bɨna bé ódwiibɨ-dwiibɨ ga nye, aka kpɛɛ be e.

Lʉkas 1:74 Iomraidhean Croise

Lʉkas 1:71

Nyɨ́ nzě kɛm mɨ́ná gâ, lwímla le ontɨ̂m le obɨn gá bɨ́ná. Nyɨ́ pɛʼ mɨ́ná gá ɨ́ mebó mé bʉ̂r o dí enwim mɨ́ná gá bá.

Lʉkas 1:73

Nye á kɛʼ sɔ́ŋ mpám gá wɨ́ná Abraham, le entaa mínkâl ó,

Lʉkas 1:75

Mɨná bé ógúmo gá ó e né. Mɨná bé óbe gá ó, otîtyěl o bʉ̂r ɨ́ míh mé, tó pyâl ɨ́ twǐʼ njʉ̌m dǐ.

Rôm 6:22

Ɨ́ báánâ, Nzyɛ̌m, nyɨ́ táǎ góo, le edwih bɨ́n ɨ́ nkul mé Syóm. Bɨ̌n mû ó osyɛ̂l o mésá bé! Mpumó mû lɨ́ egúmo ɨ́ bicwiʼ bín nyɨ́, nye ó kʉ̌ tyen dí ejala e Nzyɛ̌m wɨ́. Ndumló tɨ̂, wé ó twǐʼ njʉ̌m dǐ.

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

2 Timotɛ 1:7

Ebě, Sísǐm Nzyɛ̌m á ntɨh mɨná gá wɨ́, wé adwe mɨ́ná gá bʉ́á. Wé ó sísǐm nkûl, sísǐm kpɛ̌l ti e waá bíhwó.

Ebrœ̂ 2:15

Nye á dwe ntémé ó, nye pɛ́ʼɛɛ mɨná gá lɨ́ okómó. Ebě, mɨná bé á nyɛɛ lɛŋ gá bicwiʼ gá bíná ó, kɛ́ʼá lɨ́ okómó. Mɨná bé á didi gá ɨ́ menkara mé ókómó waá ó, ɨ́ kpɛ́ɛ́ éswie.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.