Lʉkas 1:35 - Kálar Nzyɛ̌m : Ejwán é Sáá

³⁵ Nó ó éngeles á nze yala e né ó: «Yé óbe ó: Sísǐm mé Nzyɛ̌m ó ngá sulo ɨ́ go. Nzyɛ̌m dí Lʉ́ bísá bíbyɛ̂h nyá, nkul nyé, nye ógbâ gó sí pyóo nyé. Sá tɨ̂ʼ ó mwân ti gó óbyâ nyá, ójwɨrɔɔ “Mwân mé Nzyɛ̌m” yɨ́.

Kálara Zyɛ̌m Edwán é mpʉ̌n

³⁵ No ó engles a ze bɨha e nye ó: «Yé óbe ó: Mbɨambɨa Sisim ó ngo fulo é go. Go óduʼbo si nkul mo Zyɛm ndɨ Lʉ bɨsa bibyɛh ɛ. Ebe no ó mwan go óbya ɛ, nye óbe ó ti. Nye ójebɔ ó, Mwan mo Zyɛm.

Lʉkas 1:35 Iomraidhean Croise

Mataos 1:18

Yésʉs-Krîst á byɛ̂l ó, mbi wɨ̂: Maria, nyɔ̌ŋ wé, bé e Yóseb, bé á be le etié ó, bé óbɛ́a. Bé dína apǎ syɛŋa nɛ́ɛ: Maria nzě nʉa ébum ɨ́ nkul Sísǐm mé Nzyɛ̌m.

Mataos 1:20

Nye dína lɨ́ ejwɨʼ nó nɛ́ɛ: nye nzě bee éngeles mé Dâ ɨ́ líma. Éngeles waá nzě lɛ́ɛ e né ó: «Yóseb, mâ nta mé David, alíʼa lɨ́ enʉǎ Maria, mʉmá gǒ, ebě, nye nʉa ébum ó e nkul Sísǐm mé Nzyɛ̌m.

Mataos 14:33

Bʉr o b'á be ɨ́ byɛ̂l bá, bê nzě bɨʼɔɔ mébóó mɔ́ɔ́ sí lɨ́ edwě Yésʉs kûm. Bé e né ó: «Go ó kwahaá Mwân mé Nzyɛ̌m tyeetye!»

Mataos 27:54

Kapitɛ̂n, bé e bʉ́ʉ́ ódwéela o sóo mé Yésʉs, mbeá bé á bee mpʉ̌ sí yé á kubla yɨ́ le bisá bíbyɛ̂h biswîh, bê kʉ́ nzě jóʼo ékɛ̂n. Bé ó: “Mʉr nyâʼ á kʉ be ó Mwân mé Nzyɛ̌m!”

Mataos 4:3

Mbôblobʉr ntɔ̂ʼ pyâl gúmó Yésʉs á be yɨ́. Nye e né ó: «Yé bé go ó Mwân mé Nzyɛ̌m nó, lɛ́yɨ́ɨ́ mékóʼ mâʼ ó, mé líŋaa mede.»

Markus 1:1

Metááré mé Mbɨambɨa Lɔ́ɔ́ mé Yésʉs-Krîst, [Mwân mé Nzyɛ̌m], mé ó mâ.

Markus 1:24

«Yésʉs, mʉr Nazarɛ̂t, mɨná e go bé e wáǎ lɔ̌b? Go nzé ó, nzě sîl bɨ́h ɨ́? Mɨ́ gʉ́a gô. Go ó Mʉr mé Nzyɛ̌m dí ti nyá!»

Lʉkas 1:27

Nye á lómo nye ó kwá mé yʉ́ʉ́ bíŋ éséhe. Yé á be ó, bé e nyʉ́ʉ́ mʉ̂r mpóʼo mé David, díé lé Yóseb, bé óbɛ́a. Bíŋ éséhe yaá, yé á be e díe ó, Maria.

Lʉkas 1:34

Nó Maria á nze dî le éngeles ó: «Yé ópʉgʉ́ sâ náǎ nyá ɛ́? Ebě, me dína apǎ kúna e mʉrʉ̂m.»

Lʉkas 1:36

Paá bee: Elisabeth, mɨ́ɔɔ́ gǒ, nye ntémé mû ó le ebum! Nye óbyâ mwân lɨ́ ojʉ̌m wé. Ngɔn saman wé waá ó dí kʉ́ nyâ, nyɨɛ mʉr bé á lwɨlwɨ́ɨ okǔn nyá.

Yʉanes 1:34

Me á si bana bee nó. Nó ó mé dí eboʼlo ó, mʉr nyâ, nye ó kwahaá Mwân mé Nzyɛ̌m yɨ́.»

Yʉanes 1:49

Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Mɨlʉmlʉ 8:36

Ɨ́ mpʉ bé á tʉ̂to nzɨ́ e nzɨ̌ yɨ́, bê nzě pyâl ɨ́ yʉ́ʉ́ gúmo, yé á be e medíbé yɨ́. Cwɨhá mʉ̂r waá ntɔ̂ʼ lɛ́ɛ e né ó: «Paá bee: medíbé ó mâ! Yé dí e nkul ekǎ kamle mé lɨ́ eduŋɔɔ?»

Rôm 1:4

Ɨ́ nkǒ páʼ sísǐm wé dí ti wɨ́, nye njwɨrá ó, «Mwân mé Nzyɛ̌m», Yésʉs-Krîst, Tî gá wɨ́ná. Nzyɛ̌m á lɛ̂ʼle mɨná gá ó, nyě e njwɨrá waá ó e nkul ɨ́ buo buo ɨ́ lɔ̌b pahá sóo wé.

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.