Lʉkas 1:3 - Kálar Nzyɛ̌m : Ejwán é Sáá

³ Nó, dâ, mpʉ mé á byamle lɔ̌b waá lɨ́ esú ó, me gʉ́ŋaa wé ɨ́ pébébé, duho ɨ́ menyɛ̌l yɨ́, nó yé á ka pyâl me jwɨʼ mpâ ó, mɛm ntémé cɛ́maa go wǎ mpʉ bísâ byaá, byé á syɛ́ɛ yɨ́.

Kálara Zyɛ̌m Edwán é mpʉ̌n

³ No ó, mpʉ me a byamle lɔb waa, duho é l'etɔɔrʉ ɨ, me a si bee embɨa ó, mɛm nteme tila go wa, lé edu mpʉ byé a kʉ be e.

Lʉkas 1:3 Iomraidhean Croise

Lʉkas 1:1

Théophile, mɨ́ɔɔ́ wǎm! Bisyɛ́ɛla bínɨ́nɨ́ɨ́ Nzyɛ̌m á sâ ɨ́ páʼ gá wɨ́ná bí, byé mû ó sí cɛmɔɔ nzɔ̂ʼ nzɔʼ.

Mɨlʉmlʉ 1:1

Théophile, mɨ́ɔɔ́ wǎm! Ɨ́ mekaná mé ésôʼ mé á nyɛɛ cɛma go má, me á si lɛ́ɛ sá yɨ́yɛ̂h Yésʉs á sâ, le elɛ̂ʼle, duho ɨ́ menyɛ̌l,

Mɨlʉmlʉ 11:4

Pétrus nzě táare égwá lɛ́ɛ bé mbɨ̂mbɨá lɔ́ɔ́ tɨ̂, lɨ́ edû mpʉ yé á syɛ́ɛ yɨ́. Nye ó:

Mɨlʉmlʉ 15:19

Jacques, nye ó: «Nó mɛ̂m dí elɛ́ɛ ó: mʉr, nyé ajala le ekûhlo mépɨʼ mé éntɨ̂ʼ bʉ̂r o bíkúl bíswîh ɨ́ jɔʼ bé dí edwira, dyêʼ koo e Nzyɛ̌m yɨ́.

Mɨlʉmlʉ 15:25

Sá tɨ̂ʼ ó bɨ́h á syɛŋa léme ngwár, pɛ́hɔɔ bʉ́ʉ́ bʉ̂r, lómlɔɔ bɨ́n bǎ, bé e bɨ́ɔɔ́ ó kpɛ̌l bɨ́h: Banabâs, bé e Pɔ̂l yɨ́.

Mɨlʉmlʉ 15:28

Bɨ̌h bé á si gwɨ̂hla, ntɔ̂ʼ bee ó, Sísǐm mé Nzyɛ̌m, nyɨ́ bee émbɨa lɨ́ ebîr ó, bɨ̌n sá akɛlɔɔ̌ mbeʼ swîh, njɨ bisyɛ́ɛla bi dí ɨ́ buǒ nyɔm bí. Bɨ̌h ntémé bee ó nó. Bisyɛ́ɛla byaá ó bî.

Mɨlʉmlʉ 18:23

Nye nzě jâ bwá mélú gʉ̂ʼ, ntɔ̂ʼ mɔa, tô ɨ́ sí Galásia, ndu e yaá Frigía, lɨ́ etô le elɨl ómpʉ́n mé Yésʉs bɨ́bɛ̂h búʼó.

Mɨlʉmlʉ 23:26

Yé ó mɛm, Klodíʉs Lisías. Mě cɛmá ó, tî ngóvina Félix. Me lɨ́ esoho gô!

Mɨlʉmlʉ 24:3

Bɨ̌h bé lɨ́ esohǒ jwɨ́ɨ́ yô ɨ́ jɔʼ yɨ́yɛ̂h, ndu e gúmó yɨ́yɛ̂h, le ekʉ́ dwe gó nzyǒo tɨ̂.

Mɨlʉmlʉ 26:25

Nó ó, Pɔ̂l á yala e né ó: «Dâ ɛ̌, mé abě gʉ̌. Mekǎn mé dí elɛ́ɛ má, mé ó tyeetye; mé ó tîtyěl.

1 Korɛnt 16:12

Ɨ́ páʼ mé mɨ́ɔɔ́ gá wɨ́ná Ápolos, me á tyen nye ó, nye tôʼ gʉ̂ʼ kwá nyɨ́n, bé e bʉ́ʉ́ bɨ́ɔɔ́ gá bɨ́ná. Tó kœb ó, nyé agwɨ̂m étô gʉ̂ʼ ɨ́ báánâ. Nye ótô yɨ́ɛ, ɨ́ jɔʼ nyé óbǐ jɔʼ yɨ́.

1 Korɛnt 7:40

Nyé sí di yɨ́ɛ nzyɛh, akǎ tô lɨ́ ebâ nó, bisʉhʉʉ nyé óbi bí, byé ólaa byaá nyé á gwa bi, lɨ́ etô lɨ́ ebá émbá bí. Wâm mbeá ó nɨ̌. Me lɨ́ ebúʼla ó, me ntémé ó dí e Sísǐm mé Nzyɛ̌m.

1 Timotɛ 4:6

Gó sí dwe bɨ́ɔɔ́ bô milɛ́ʼlá mîʼ nó, go bě mpǎŋ syɛ̂l mesâ mé Yésʉs-Krîst! Go ódwidwe mílɛ́ʼlá ɨ́ nzɨ̌ nyaá ó, ɨ́ milɔ̌b mí búʼó gá yɨ́ná, ti e mpǎŋ lɛ́ʼlá gó á jóʼo wɨ́.