Lʉkas 1:20 - Kálar Nzyɛ̌m : Ejwán é Sáá

²⁰ Nó mpʉ gô bé abûʼla mpáŋla nyǎm yɨ́, go ákóʼó kǎ lwib! Go ódi ó le emúmó, tó kumo ɨ́ jɔʼ bísyɛ́ɛla mê lɛ́ɛ́ bínɨ̌ ngá syɛ́ɛ yɨ́. Mpáŋla mê nze lɛ́ɛ́ gó nyɨ̂, nye ókʉ́ dira ɨ́ jɔ̌ʼ Nzyɛ̌m ólɛ́ɛ ó, nye díraa yɨ́!»

Kálara Zyɛ̌m Edwán é mpʉ̌n

²⁰ No ó mpʉ go baabuʼla lɔɔ wam ɨ, go ákwoʼ ka lwib! Go ódi ó nʉm ndibla, to pyal é jɔʼ bɨsyɛɛla me lɛɛ bɨnɨ, byé ósyɛɛlɨ ɨ. Mpaŋla me ze cen go nwaʼ ɛ, bɨsyɛɛla bɨ tɨʼ, byé ósyɛɛ lé edira lɔɔ wam é jɔʼ Zyɛm a tiile e!»

Lʉkas 1:20 Iomraidhean Croise

Markus 16:14

[Píe tɨ̂, ɨ́ mesíé, Yésʉs ntɔ̂ʼ lɛ̂ʼle ómpʉ́n kám e ngwár nyʉ̂l nyé, ɨ́ jɔʼ bé á be lɨ́ ede yɨ́. Nye á si dwe bé mebě, ebě, bé á bé abûʼla nyê. Ebě, ntémé, bé á be ó e miléme ɨ́ lele lele. Bé á bé abûʼla bʉ̂r o b'á to lɛ́ɛ bé ó, bé á si bee Yésʉs, nye lɨ́ ekubla bá.

Markus 9:19

Yésʉs ntɔ̂ʼ lɛ́ɛ e bé ó: «Myǎ bʉ̂r o dí abûʼla wɨ̂! Me ókǎ báʼǎ di ɨ́ sɔ́má yɨ́n, tó pyâl ɨ́ yáǎ jɔʼ? Me ódûhwo bɨ́n, tó swîʼ yáǎ sûm ɛ̌? Ntáʼ gá e mwân nɨ̌ kâ, nko mé dí yɨ́!»

Lʉkas 1:19

Éngeles ntɔ̂ʼ yala ó: «Yé ó mɛm, Gabriel, mʉr dí etyɛ̂b ɨ́ míh mé Nzyɛ̌m nyá! Me nzé ó ɨ́ lʉ́mlʉ́, ó me ntáa nzě lwib e go, lɨ́ enzě lɛ́ɛ gó Mbɨambɨa Lɔ́ɔ́ wɨ̂.

Lʉkas 1:21

Jɔʼ bé le éngeles, bé á be lɨ́ elwib yɨ́, sɔ́má bʉ̂r o b'á be lɨ́ ebóno nyé kʉ̌l bá, bé á be ó lɨ́ ekâm beabeǎ diá nyé á di tʉ́ŋlʉ̌ mpáh Nzyɛ̌m yɨ́.

Lʉkas 1:22

Tœ́á nyé á ka tô kʉ̌l wɨ́, nye á bé abe e nkul lwíb e bê. Nye á jaa peble bé ó, njɨ mebô e mebô. Bé ntɔ̂ʼ gʉ́a ó, nye sí jala le ebee lʉ́ʉ́ ésimá é sɔ̂ʼ ɨ́ mpáh Nzyɛ̌m tʉ́ŋlʉ̌.

Lʉkas 1:45

Metyɛʼ me mpóm, mé díʼee e gua, mʉr á kʉ bûʼla mpáŋlǎ Nzyɛ̌m á lɛ́ɛ go nyɨ́ nyá. Go á bûʼla ó, mpáŋla nyé nyaá, nye ódira.»

Lʉkas 1:64

Tyé e tyé yaá, Nzyɛ̌m nzě tiʼ nyê, nye nzě báʼǎ lwib, lɨ́ edwě Nzyɛ̌m kûm.

Rôm 3:3

Nó ó, mɨná bé ólɛ́ɛ gá yé, dumo e bʉr o b'á be adyɛ̂ʼwo e Nzyɛ̌m bá? Nzê elele e míléme lɔ́ɔ́, lé e nkul ekamlě Nzyɛ̌m lɨ́ edira ménkɛ̌ʼ mé ɛ́?

2 Timotɛ 2:13

Mɨ́ná damá be gá baabûʼlɔɔ, nyɨɛ ɨ́ wé pâʼ, nye ó mʉr jálá le ebúʼlɔɔ nyá. Nye ákóʼó sóŋlo nyé mʉr tɨ̂.»

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

Ebrœ̂ 6:18

Yé e bisá bíbá bi dí abe e nkul ecénɔɔ bí: bisâ byaá, byé ó nkɛ̌ʼ ti e minkál mé Nzyɛ̌m. Mɨná nʉa gá pîm ɨ́ búʼó ó, duho tɨ̂. Nzyɛ̌m, nyé abe e nkul elɛ́ɛ bíbɛr ɨ́ sí, tɔʼ e bá tîtííǎ. Mɨná gá bé ó bʉr o mû sí bîr sá yɨ́yɛ̂h, lɨ́ esú lé édi e mpûʼla ɨ́ milémé gá míná bá. Mpûʼla nyaá, nye ó kwahaá ɨ́ ponó ɨ́ míh gá mɨ́ná.

Mɨngwiha 3:19

“Mɛm, me lɨ́ edwe mʉ̂r nyɨnyɛ̂h mé dí ekpɛl nyá melɨ́, le esɨ̂ʼ nyé lʉ̂. Nó, sáʼ gá sɨ́n, lɨ́ esú ó bɨ̌n túmaa mikoo e misyóm mín. Bɨ̌n e dwírá míléme.