Lʉkas 1:2 - Kálar Nzyɛ̌m : Ejwán é Sáá

² Byé á cɛmɔɔ ó mpʉ bʉ̂r o b'á be tɨ̂ʼ bá, bé á kala mɨná lɔ́ɔ́ bísyɛ́ɛla bé á bee e míh mɔ́ɔ́ ɨ́ menyɛ̌l bí. Bé ntémé mû báánâʼ ó, oboʼlo o tɨ̂ʼ le osyɛ̂l o mésâ ó lɔ́ɔ waá.

Kálara Zyɛ̌m Edwán é mpʉ̌n

² Bɨsyɛɛla byaa, byé a tilɔ-tilɔ ó, mpʉ bʉr o b'a be tɨʼ ɨ, bé a ntɨh bɨna lɔɔ bɨsyɛɛla bé a bee e mih mɔɔ, duho é l'etɔɔrʉ ɨ. Bé nteme mu ó osyɛl o mosa o lɔɔ waa.

Lʉkas 1:2 Iomraidhean Croise

Markus 1:1

Metááré mé Mbɨambɨa Lɔ́ɔ́ mé Yésʉs-Krîst, [Mwân mé Nzyɛ̌m], mé ó mâ.

Markus 16:20

Nó ó ómpʉ́n bé, bé á to le etúno Mbɨambɨa Lɔ́ɔ ɨ́ gúmó yɨ́yɛ̂h yɨ́. Píe lɔ́ɔ́ bé á túno wɨ́, Tî Yésʉs á ntɨntɨh mesimá ó, maá me dí eboʼlo ó, lɔ́ɔ́ wɔ́ɔ́, wé á kʉ be ó tyeetye má.]

Markus 4:14

Mʉr pemé, nyě myǎm ó, lɔ́ɔ́ mé Nzyɛ̌m.

Lʉkas 24:48

Bɨ̌n ó dí oboʼlo ó lɔ̌b waá.

Yʉanes 15:27

Bɨ̌n bɨɛ ntémé, bé óboʼlǒ lɔ̌b wâm, ebě, mɨná gá ó b'á be, duho ɨ́ menyɛ̌l.

Yʉanes 16:4

Mě boó lɛ́ɛ e bɨ̌n nó ó, ɨ́ jɔ̌ʼ jɔʼ yaá, yé ókǎ pyâl yɨ́, bɨ̌n nkʉ̂ tʉtoŋlo ó, yé ó sá mé á boo lɛ́ɛ bɨ̌n yɨ́.» «Me á bé aboó lɛ́ɛ bɨ́n lɔ̌b nɨ̌ ó, ebě, mɨná gá ó b'á be.

Mɨlʉmlʉ 1:3

Jɔʼ nyé á sil esia e mitúú, ntɔ̂ʼ dwe yɨ́, nye nzě pah, duho lɨ́ odwe, nzě lɛ̂ʼle bʉ̂r o mílʉ́mlʉ́ bé nyʉ̂l nyé e nzɨ̌ bijwɨʼ ɨ́ buo buo, ó bé gʉ́ŋaa tyeetye ó, nye á kʉ be ó kublakúbla. Ɨ́ melû mekám ménâ maá, bé e boo nɔ́ɔ́ ó b'á bɨbe. Nye á lɨlɛ́ɛ bé ó, milɔ̌b mi Mpóʼo mé Nzyɛ̌m.

Mɨlʉmlʉ 1:8

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

Mɨlʉmlʉ 14:25

Jɔʼ bé á sil elɛ́ɛ milɔ̌b mé Nzyɛ̌m ɨ́ Pɛ́rge yɨ́, bê nzě tô Ataléa.

Mɨlʉmlʉ 16:6

Sísǐm mé Nzyɛ̌m, wé á si kamle bé lɨ́ elɛ́ɛ̌ lɔ́ɔ́ mé Yésʉs ɨ́ sí Azía. Nó ó bé á to laa sí Frigía, ndu e yaá Galásia.

Mɨlʉmlʉ 17:11

Bʉr ó Bére bé á kœb gʉ̂ʼ bá, bé á be ó, ɨ́ mbɨa míléme, laa óYúden bé á bě Tesaloníka bá, ebě, bé á si nʉa lɛ́ʼlá dí edumo e Nzyɛ̌m wɨ́ e mpǎŋ gwɨ́má. Dʉ́ó lɨ́lɛ̂h, bé á be ó lɨ́ etimle Mékaná mé Nzyɛ̌m, lɨ́ edǐ bee nkʉ̂ sá Pɔ̂l á lɨlɛ́ɛ bé yɨ́, yé á kʉ be ó tyeetye.

Mɨlʉmlʉ 26:16

Nó ó, gbɔlwaa sí. Go e tyɛ́b tîtyěl. Me lɛ́ʼlé gó me mʉr tɨ̂ʼ ó, go díʼee syɛ̂l mesâ wǎm; go óbe ntémé ó, mboʼlo wǎm, lɨ́ elɛ́ɛ bʉ́ʉ́ bʉ̂r mpʉ gô bee mé múh yɨ́, le elɛ́ɛ bé sá mé ngá báʼǎ lɛ̂ʼle gó yɨ́.

Mɨlʉmlʉ 4:20

Yé abe e sá dí e nkul ebá sâ ó, bɨ̌h káraa elɛ́ɛ̌ sá bɨ́h á bee le ejóʼo yɨ́.»

Mɨlʉmlʉ 8:4

Baá bé á gbɛha bá, bê nzě tô mésí e mésí mɛ̂h, lɨ́ etô le etúnǒ Mbɨambɨa Lɔ́ɔ.

Rôm 15:16

Nye á bě sí sʉ mé metyɛʼ me mpóm, ó me díʼee syɛ̂l mesâ mé Yésʉs-Krîst lɨ́ esú é bʉ̂r o dí abe óYúden bá. Me mû ó mpʉ pára dí eliŋ bʉ̂r baá ndwéá Nzyɛ̌m dí ekpɛl, waá Sísǐm wé, wé á pubo wɨ́ nyá. Syɛ́ɛ́ pára mé dí esâ yɨ́, yé ó syɛ́ɛ́ étúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

1 Korɛnt 4:1

Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

1 Pyɛr 5:1

Me ó lɨ́ sɔ́má ótyɛ̂b bé ésôʼ ɨ́ Mbɛ̌r-Nzyɛ̌m. Me ntémé, me ó mboʼlo á bee mitúú mé Krîst nyá. Me ntémé, me ó mʉr ngá bi nkɔ̂b líʼe ɨ́ mentyɛnwa múo nzě nyɨ̂n ɨ́ kpɛŋlɛm má nyá. Mě cɛmá ɨ́ báánâʼ ó, bʉ́ʉ́ ótyɛ̂b bé ésôʼ ɨ́ Mbɛ̌r-Nzyɛ̌m bɨ́bɛ̂h, lɨ́ epihle bɨ́n egwǎl ó:

2 Pyɛr 1:16

Ebě, ɨ́ jɔʼ bɨ́h á dwe bɨ̌n lɛ́ʼlá dí edumo e nzéá dí lwɨ́ŋlá e nkul mé Tî gá wɨ́ná Yésʉs-Krîst wɨ́ yɨ́, bɨ̌h bé á bé akala bɨ́n bikɨkɛna bʉ̂r bé á kûhlo e pɨʼ nyɔ́ɔ́ bí. Lɛ́ʼlá wɨ́h waá, wé á bɔma ó e mboʼlá wɨ́h, bɨ̌h bʉr o b'á bee mpwaʼ nyé bá.