Lʉkas 1:17 - Kálar Nzyɛ̌m : Ejwán é Sáá

¹⁷ Nye ó Nzyɛ̌m ngá lómo ésôʼ nyá. Nye óbe ó lwɨ́ŋlá e Sísǐm mé Nzyɛ̌m ndu e nkul, mbi ngwíha milɔ̌b Elie á be wɨ́. Nye ónzě sâ ó, osɔ́ŋ bé e bwân, bé kwɨ́mlɨɨ páʼ nyɔ́ɔ́. Nye ótɨ́e bʉ̂r o dí egbɔba e Nzyɛ̌m bá ó, bé twólwaa mpʉ ótîtyěl o bʉ̂r. Nó nyé ósâ ó, kúl bʉ̂r o b'Ɨ́zraɛ̂l, yé díʼee kʉmsá, lɨ́ egwá dwě Nzyɛ̌m kûm.»

Kálara Zyɛ̌m Edwán é mpʉ̌n

¹⁷ Nye waa ó Zyɛm ólomo é l'efoʼ e. Nye óbe ó lwɨŋla e Mbɨambɨa Sisim ndwe e nkul, kʉ be mpʉ Élie a be e. Nye óze sa ó, bwan le osɔŋ, bé komla. Nye ótɨe bʉr o ndɨ ekaŋa e Zyɛm ó, bé cyebla mpʉ ocɨcyel o bʉr. Nye ósa ó, kul bʉr diʼe kwɨmla, lé egʉa dwiibɨ Da.»

Lʉkas 1:17 Iomraidhean Croise

Mataos 11:14

Bɨ́n kpɛ́l ékʉ́ gwá jóʼo mé nó, Yʉánɛs ó dí Elie, waá nzéá wé, wé á boo lɛ́ɔɔ wɨ́.

Mataos 3:3

Mʉr á lwibɔɔ ɨ́ lɔ̌b wé ɨ́ mekaná me ngwíha milɔ̌b mé Nzyɛ̌m Ésayie nyá, á be ó Yʉánɛs waá. Ésayie á boo cɛma ó: “Twíí, nye lɨ́ etúno ɨ́ tʉ́ŋlʉ̌ lʉá ó: «Komlaá gá nzɨ̌ mé Dâ Nzyɛ̌m. Jyɛŋlaá gá nzɨ̌ nyé lɨ́ epélé.»”»

Mataos 3:4

Kán Yʉánɛs á bubwâr wɨ́, wé á be ó tiá e myě mé chameau. Kaná nyé á tityeele lɨ́ odyɛ́m nyá, á be ó sɛ́á e kʉ́r tír. Nye á dɨde ó, océmebiká le egbɔ́ʼ.

Lʉkas 1:16

Nye ósâ ó, bʉr o b'Ɨ́zraɛ̂l ɨ́ buo buo, bé dwíraa milémé myɔ́ɔ́, dyɛ̂ʼwo e Dâ Nzyɛ̌m wɔ́ɔ́.

Lʉkas 1:76

Gua mwân wǎm nyâ, go óbe ó ngwíha milɔ̌b mé Nzyɛ̌m dí Lʉ́ bísá bíbyɛ̂h nyá, ebě, go ótô lɨ́ esóʼ mé Dâ Nzyɛ̌m, lɨ́ ekomlo nzɨ́ nyé ngá cɨɨ nyɨ́.

Yʉanes 1:13

Bé á bé atyélɔɔ bwán mé Nzyɛ̌m ɨ́ nkǒ páʼ métié, nkʉ̂ ɨ́ lɔ̌b bígwɨ́má ményʉ́l mɔ́ɔ́, nkʉ̂ ɨ́ lɔ̌b gwɨ́má mʉ̂r. Bé á byɛ̂l ó byɛ́lɨ́ɨ nó, ɨ́ gwɨ́má mé Nzyɛ̌m.

Yʉanes 1:34

Me á si bana bee nó. Nó ó mé dí eboʼlo ó, mʉr nyâ, nye ó kwahaá Mwân mé Nzyɛ̌m yɨ́.»

Yʉanes 3:28

Bɨ̌n bʉr o tɨ̂, bé lɨ́ egʉ́a ó, me á be ó sí boʼlo ó, ntʉ mɛ̂m dí Mʉ̌r Nzyɛ̌m á lœm múló mé jwɨ́ɨ nyá. Me ó mʉ̌r Nzyɛ̌m á nyɛɛ lómo lɨ́ esóʼ lé nyá.

Mɨlʉmlʉ 10:33

Nó ó mé á kpahwa lómo bʉr ɨ́ sɔ́ɔlʉ gô yɨ́. Go bé ɨ́ kʉ́ gwá sâ, lɨ́ esí bánǎ nze. Bɨ̌h bɨ́bɛ̂h mû ó sí swâl wâʼ báánâʼ ɨ́ míh mé Nzyɛ̌m lɨ́ enzě jóʼǒ sá yɨ́yɛ̂h Dâ Nzyɛ̌m lɛ́ɛ́, go ntáa nzě kala bɨ́h yɨ́.»

Rôm 9:23

Nzyɛ̌m á kpɛl ntémé ó, bʉr gʉ́ŋaa ó, nyě e kûm nɨ́nɨ́ɨ́. Nye ókab mɨ́ná gá kûm nyaá, mɨná gá, bʉr o nyé á kpɛl ecwɨ́a e bé bá, ebě, mɨná gá bé ó baá nyé á boo komlo ó, nye ókab bé kûm nyaá bá.

Kolosi 1:12

Bɨ̌h bé lɨ́ edwě Nzyɛ̌m Sɔ́ŋ nzyǒo, ebě, bɨ̌n bé á si bi nyɨ́n nkɔ̂b líʼe ɨ́ Mpóʼo nyé, jwɨʼ gwár e gwár e bʉ́ʉ́ bʉ̂r bɨ́bɛ̂h o dí egúmo e né bá. Bɨ̌n le onɔ́ɔ́ ó b'á tyenɔɔ ɨ́ myɛ́n.

2 Timotɛ 2:21

Mʉ̂r syɛ́hlé bísyɛ́ɛla bʉ̂r jálá le ebene bí nó, Nzyɛ̌m ópɛ̂h nyé lɨ́ esú é bísyɛ́ɛ́ bí dúu, le etyêl nyé ɨ́ tyé mʉ̂r wé dí tí nyá. Mʉr waá ókʉ́ tíʼě ntinɨ̂ e ntinɨ̂ lɨ́ esú lé émbɨa mé Nzyɛ̌m, lɨ́ edi ɨ́ cǎr ó, nyě séá ó nye syɛ́ɛ́ yɨ́yɛ̂h nyé ótɨ́e nyé yɨ́.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

1 Yʉanes 2:28

Nó ó, bwán bâm, diʼee gá ɨ́ mpúhlá e Krîst, mbi dí ó, jɔʼ nyé óbáʼǎ nyɨ̂n yɨ́, mɨná nkʉ̂ nʉa gá pîm ɨ́ búʼó. Mɨná nkʉ̂ be gá asɔ́ma ɨ́ míh mé, ɨ́ jɔʼ nyé óbáʼǎ nze yɨ́.

Mɨngwiha 20:4

Píe tɨ̂, me á si bee mecwɨ́ɨ́ mé ójwɨ́ɨ, le bʉr o b'á be tɨ̂ʼ mindîndǐl bá. Nzyɛ̌m á si dwe bé nkul etíʼe bʉ̂r milɔ̌b. Me á si bee ntémé misísǐm mi bʉ̂r. Bé á tíʼɔɔ milʉ̂ ó, ɨ́ lɔ̌b mboʼlá dí edumo e Yésʉs wɨ́, ti e lɔ́ɔ́ mé Nzyɛ̌m. Bɨ́ɛ á bé adwe tír waá, bé e kpɛʼkpɛ̂ʼ mveʼle yé bɨ́bɛ̂h kûm. Bé á bé acɛmǎ jwɨʼ yé ɨ́ mempǒm mɔ́ɔ́ ti e lɨ́ koo ékœ̂h. Me á bee bé ó, bé osí pah. Bé e Yésʉs-Krîst, bé á si njwɨ́ɨbʉr ó sí tɔ́ɔ́sin mimbû.