Filipi 3:3 - Kálar Nzyɛ̌m : Ejwán é Sáá

³ Mɨná gá bɨɛ ó dí e mpǎŋ tíʼá mpʉ́n, waá Nzyɛ̌m mʉr tɨ̂ʼ dí etíʼe wɨ́. Mɨná gá ó dí edwě Nzyɛ̌m kûm ɨ́ Sísǐm wé tʉ́ŋlʉ̌. Mɨná jaá nkʉ́na gá ó, njɨ ɨ́ Yésʉs-Krîst. Mɨná bé adyɛ̂ʼwo gá e bisyɛ́ɛla bi bʉ̂r ó sí yɨ̂.

Kálara Zyɛ̌m Edwán é mpʉ̌n

³ Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Filipi 3:3 Iomraidhean Croise

Rôm 1:9

Ɨ́ jɔʼ yɨ́yɛ̂h, me lɨ́ ejɨʼla e né ɨ́ lɔ̌b wɨ́n. Nzyɛ̌m mʉr tɨ̂ʼ boʼlo ó, mě lɛ́ɛ́ ó otyeetye. Nye ó mé dí eboó séǎ syɛ́ɛ́ yé e tiŋé ɨ́ lémé wâm nyá. Mě séá yé ó e nzɨ̌ etúnǒ Mbɨambɨa Lɔ́ɔ dí edumo e Mwân wé wɨ́.

Rôm 15:17

Nó ó, ɨ́ mpúhlá nyɨ́h e Yésʉs-Krîst, mě e nkul enkʉ́na ɨ́ lɔ̌b bísyɛ́ɛ́ mé dí eséǎ Nzyɛ̌m bí.

Rôm 7:6

Ɨ́ mimbú mí píhe, mɨná bé á be gá ó, ɨ́ mpila métié. Nó ó, ɨ́ báánâ, mɨná mû ó, sí dwe gá ɨ́ nkǒ páʼ métié maá. Mɨná bɨ́ duho gá ɨ́ mpila métié mé á nyɛɛ mɨmɛ̂r mɨná gá lɨ́ okómó wɔ́ɔ́ má. Yé á syɛ́ɛ nó ó, mɨná nkʉ̂ séa gá Nzyɛ̌m syɛ́ɛ́ ɨ́ nzɨ̌ dwân, nyaá Sísǐm mé Nzyɛ̌m mû sí kar mɨ́ná gá nyɨ́. Mɨná bé akǎ dû gá nzɨ̌ myâ, nyaá mícɛmá myé, myé á nyɛɛ tɨtɨ́e nyɨ́.

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

Rôm 8:39

damá be bísâ bi dí ɨ́ jʉ́o kʉ́, nkʉ̂ byaá bi dí ɨ́ sí tʉ́ŋlʉ̌ bí, damá be wáǎ mbǐ sɔ̂ʼ Nzyɛ̌m á komlo yɨ́, tó tôʼ. Sâ gwár dí ɨ́ sɔ́má yaá yɨ́, yé ákóʼó bɛ̂ʼ páʼ gá nyɨ́ná e Nzyɛ̌m, mʉr dí elɛ̂ʼlě kpɛ̌l yé ɨ́ nzɨ̌ mé Yésʉs-Krîst, Tî gá wɨ́ná nyá.

Rôm 9:6

Yé bé bɨ́ɔɔ́ bâm, bé mû ó e meswomlʉ nó, yé alɛ́ɛ yɨ́ɛ ó, Nzyɛ̌m á bé adira nkɛ́ʼ nyé. Ntʉ óYúden bɨ́bɛ̂h dí mpǎŋ kúl bʉ̂r o b'Ɨ́zraɛ̂l.

2 Korɛnt 11:18

Mě sá nó ó, ebě, bʉr ɨ́ buo buo, bé lɨ́ enkʉ́na ɨ́ bisyɛ́ɛla bípúnó byɔ́ɔ́. Me ntémé óbɛ̌m nkʉ́na ɨ́ me mʉr tɨ̂ʼ ntémé nó.)

Galásia 5:25

Yé bé yê tyeetye ó, mɨná dí gá ɨ́ mpúhlá e Sísǐm mé Nzyɛ̌m nó, mɨná dúʼoo gá nzɨ̌ Sísǐm mé Nzyɛ̌m dí etɨ́e gá mɨná nyɨ́.

Galásia 6:16

Bʉr bɨ́bɛ̂h o dí edû nzɨ́ nyɨ̂ʼ bá, bé ó dí ɨ́ mpǎŋ bʉr o b'Ɨ́zraɛ̂l mé Nzyɛ̌m. Nzyɛ̌m gbâʼ bé mepyɛbla ɨ́ miléme. Nye jɨ́ʼɨɨ bé nkoó.

Éfɛsɔs 6:18

Sáʼ gá sâ yaá yɨ́yɛ̂h e minjɨʼla, le edî ó, Nzyɛ̌m súʼaa bɨ̌n. Jɨʼlaa gá ɨ́ jɔʼ yɨ́yɛ̂h ɨ́ mpʉ̌ Sísǐm mé Nzyɛ̌m dí etɨ́e bɨ́n yɨ́. Tɨ̂ʼ ntémé, atyɛʼ gá lɨ́ edi ɨ́ doho. Ɨ́ jɔʼ yɨ́yɛ̂h, tirwaa gá e syɛ́ɛ́ mínjɨʼla lɨ́ esú é bʉ̂r o mé Nzyɛ̌m bɨ́bɛ̂h.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Filipi 3:12

Mé apǎ be e nkul elɛ́ɛ ó, me mû ó sí swim, pyâl lɨ́ odumo. Sâ gwár, me lɨ́ etô dóló le egbâ nkûl ó, me nkʉ̂ jala le myɛ́na mé kám, ebě, Yésʉs Krîst mû ó sí boó mɛ̂r mê.

Filipi 3:14

Me lɨ́ egbâ nkûl lɨ́ etô dóló, tó pyâl lɨ́ odumo. Me lɨ́ egwɨ̂m ébi myɛ́na mé Nzyɛ̌m nyé dí ejébe mɨ́ná gá ó, mɨná tô bi gá, cɨɨ ɨ́ nzɨ̌ mé Yésʉs-Krîst má. Mé ó komá ɨ́ jʉ́o kʉ́.

Kolosi 2:11

Ɨ́ mpúhlá nyɨ́n e Krîst, bɨ̌n bé á si tíʼɔɔ mpʉ́n dí eduho kwá mé Krîst nyɨ́. Mpʉ́n nyaá ó dí elɛ̂ʼle ó, bɨ̌n bɨ́ dwǐh njwɨr myâ gá wɨ́ná. Bɨ̌n bé á bé atíʼɔɔ mpʉ́n mpʉ bʉ́ʉ́ bʉ̂r dí etîtiʼɔɔ yɨ́.

Yʉ̂d 1:20

Bɨ̌n bɨɛ, bʉr ó kpɛ̌l bâm, búʼó bɨ́n dí e yé, yaá dí tí yɨ́, nʉaa gá pîm ɨ́ búʼó yaá. Jɨjɨʼlaa gá ntémé e nzɨ̌ Sísǐm mé Nzyɛ̌m.