Filipi 2:3 - Kálar Nzyɛ̌m : Ejwán é Sáá

³ Apɨra gá páʼ nyɨ́n. Ankɛ́ɛ gá menyʉ̂l páʼ nyɨ́n. Mʉr nyɨnyɛ̂h, nye dwêʼ bʉ́ʉ́ bʉ̂r dúu, laǎ mpʉ nyé dí ebee nyé mʉr tɨ̂ʼ yɨ́.

Kálara Zyɛ̌m Edwán é mpʉ̌n

³ Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.

Filipi 2:3 Iomraidhean Croise

Lʉkas 18:14

Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n ó: nwɨa mɔnɨ́ tœ́a waá á ka tô mbɛ̌r wé ó, nyé osí bi nkâm ɨ́ míh mé Nzyɛ̌m, abě mpʉ̌ Farizyɛ̂n, ebě, mʉr nyɨnyɛ̂h dí ebɨ̂r nyé mʉr tɨ̂ʼ kʉ́ nyá, ósulɔɔ sí. Waá nyɨnyɛ̂h dí ejɔr nyʉ̂l nyé nyá, óbɨ́nɔɔ kʉ́.»

Rôm 12:10

Kpɛlaa gá páʼ nyɨ́n mpʉ bɨ́ɔɔ́ e bɨ́ɔɔ́ jálá le ekpɛla yɨ́. Diʼee gá le ánɨ̂nɨ̂n dúu páʼ nyɨ́n!

Rôm 13:13

Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.

Rôm 2:8

Bʉ́ʉ́ bʉ̂r, bé lɨ́ epɨra páʼ nyɔ́ɔ́. Bé akam ótyeetye. Bé jaá dû ó, njɨ kʉ̌ tyen ónzyɛ́h ónzyɛ́h. Bɨ́haá, bé ó baá Nzyɛ̌m óbuú lɛ̂ʼle nkpáa nyé bá.

1 Korɛnt 15:9

Ɨ́ sɔ́má bʉ̂r o mílʉ́mlʉ́ tʉ́ŋlʉ̌, mɛm ó dí mʉr epíhe. Lɨ́ otyeetye, mé ajala le ejébɔɔ «mʉ̂r milʉ́mlʉ́,» ebě, me á si tíble Mbɛ̌r-Nzyɛ̌m.

1 Korɛnt 3:3

ebě, bɨ̌n tiʼe ó mpʉ bʉ̂r ó sí yɨ̂. Bɨ̌n bé lɨ́ esâ nzwíí le egœ́a páʼ nyɨ́n. Nzê bɨ̌n bé abee náǎ ó, bɨ̌n dína ó, lɨ́ ekʉ́ tiʼě mpʉ bʉ̂r ó sí yɨ̂ʼ ɛ̌? Bɨ̌n bé lɨ́ ekʉ́ dû kʉ̌ tyen bʉ̂r ó sí yɨ̂!

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

Galásia 5:15

Sâ gwár, bɨ́n ókoʼla, le etɛ̂l páʼ nyɨ́n mpʉ ótír ó méntwǐʼ dí esâ yɨ́ nó, bɨ̌n e bâʼ. Bɨ̌n bé ámû síe lɨ́ ejwɨ́ɨla páʼ nyɨ́n.

Galásia 5:26

Mɨná bé ayɨ́ nkɛ́ɛ gá menyʉ̂l gá mɨ́ná. Mɨná bé ajala le egbâ gá bʉ́ʉ́ bʉ̂r ebúʼ ɨ́ miléme. Mɨná bé ajala le egwɨ̂m gá bisá byé onkán.

Éfɛsɔs 4:2

Jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, le bʉr o bíhwó. Júdúhwáá gá páʼ nyɨ́n ɨ́ lɔ̌b kpɛ̌l bɨ́n dí e yé yɨ́.

Éfɛsɔs 5:21

Sɨ́sáʼ gá mejóʼo páʼ nyɨ́n, ebě, bɨ̌n bé lɨ́ edwáawǒ Krîst.

Filipi 2:14

Sáʼ gá sá yɨ́yɛ̂h abe e ntʉ̌, nkʉ̂ mpɨ̌r!

Kolosi 3:12

Bɨ̌n ó dí bʉ̌r Nzyɛ̌m á twâr, baá o dí egúmo e né, nyé dí ɨ́ buú kpɛl bá. Nó ó, sáʼ gá njɨ́ʼá nkóó páʼ nyɨ́n, le mpam. Sulɨɨ gá menyʉ́l mɨ́n sí. Diʼee gá bʉr o dí ɨ́ talǎ njwɨr bá, le bʉr o bíhwó.

Kolosi 3:8

Nó ó, ɨ́ báánâ, paá kǎ bîr gá bé bisyɛ́ɛla byaá bíbyɛ̂h: nkpaa, ebúʼ, ebébe é léme, melwɨ́ɨ le mekǎn mé ésɔ́m. Byé sá aduho ɨ́ num wɨ́n.

1 Timotɛ 6:4

Nyɨɛ ntémé agʉ́ǎ sɔ̂ʼ. Nyě le ekpaa. Ekpaa laá, lé nyɨ́n ó, ɨ́ jɔʼ nyé dí edo e bʉr, le egœ́a ɨ́ lɔ̌b mílɔ́ɔ yɨ́. Sá dí eduho tɨ̂ʼ yɨ́, yé ó: nzwíí, megô, nkěh e Nzyɛ̌m, tómlá.

1 Pyɛr 3:8

Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.

1 Pyɛr 5:5

Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»