Filipi 1:9 - Kálar Nzyɛ̌m : Ejwán é Sáá

⁹ Minjɨʼla mé dí ejɨʼla lɨ́ esú lɨ́n mí, myé ó: ó kpɛ̌l yɨ́n, yé bwáʼaa bwaʼáa. Kpɛ̌l yɨ́n, yé gwɨ́aa lɨ́ ocwóó le pɨʼ.

Kálara Zyɛ̌m Edwán é mpʉ̌n

⁹ Mɨnjwɨʼla me lé ejwɨʼla é l'efu lɨn ɨ, myé ó: kpɛl yin, yé bwaʼa bwaʼa. Kpɛl yin, yé gwɨa é l'ocyoo le pɨʼ.

Filipi 1:9 Iomraidhean Croise

1 Korɛnt 14:20

Bɨ́ɔɔ́ bâm! Okɛ́l bâm! Ayɨ́ kǎ pahle gá mpʉ bwá ó ntwǒm. Bɨ̌n bé óbɛ̌m baŋa bwá ó ntwǒm ɨ́ mpʉ bé dí asâ ébébe é léme yɨ́. Sâ gwár, ɨ́ nkǒ páʼ mípahlá mín míɛ, diʼee gá mpʉ ótɔ́má bʉ̂r.

2 Korɛnt 8:7

Bɨ̌n bé ó okúmá ó bʉ̂r ɨ́ míh mé Nzyɛ̌m, laa bʉ́ʉ́ bʉ̂r. Bɨ̌n buú laa bʉ́ʉ́ bʉ̂r ó: ɨ́ mpwaʼ búʼó yɨ́n, ɨ́ lɛ́á bɨ́n bé lɨ́ elɛ́ɛ̌ lɔ́ɔ́ mé Nzyɛ̌m wɨ́, ɨ́ ngwɨ́á ótyeetye wɨ́n, ɨ́ bím bɨ́n dí egbâ ményʉ́l mɨ́n ɨ́ syɛ́ɛ́ mé Nzyɛ̌m yɨ́, le ɨ́ bím bɨ́n dí ekpɛl bɨ́h yɨ́. Mpʉ yé dí nó yɨ́, sɨ́sáʼ gá mbɨambɨa syɛ́ɛ́ yaá e milémé mín mímyɛ̂h, ntémé ntaa bʉ́ʉ́ bʉ̂r.

Éfɛsɔs 5:17

Mʉ̌r sá agʉʼla. Sáŋáá gá ó, bɨ̌n jɨ́ʼɨɨ bisyɛ́ɛla Tî Yésʉs á tíʼe ɨ́ lémé wé ó, bɨ̌n sâʼ bí.

Kolosi 1:9

Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.

Kolosi 3:10

Bɨ̌n bɨ́ bwâr métum medwân. Bɨ̌n mû ó medwán mé bʉ̂r ó Nzyɛ̌m Kwihbʉr. Nye lɨ́ etô le eliŋ bɨ́n medwán, abe e léné mpʉ nyé mʉr tɨ̂. Nyě sá nó ó, bɨ̌n gwâ gʉ́a nyé mbɨ̂mbɨá.

1 Tesalonika 3:12

Tî Yésʉs tyɛ́bɨɨ bɨ̌n ɨ́ miléme, ó kpɛ̌l bɨ́n dí ekpɛla páʼ nyɨ́n yɨ́, yé bwáʼaa. Nye sâʼ ntémé ó, bɨ̌n kpɛ́lɨɨ ntémé bʉr oswîh ɨ́ buo buo, kpɛ̌l yaá, yé nkʉ̂ bwaʼ. Yé syɛ́yɨɨ nó, bɨ̌n kpɛ́lɨɨ bé mpʉ bɨ́h dí ekpɛl bɨ́n yɨ́!

1 Tesalonika 4:1

Bɨ́ɔɔ́ bâm! Okɛ́l bâm! Bɨ̌h bé á si tɨ́e bɨ̌n mpʉ bɨ́n jálá le etíʼě mbǐ twǐʼ Nzyɛ̌m dí ekpɛl wɨ́ yɨ́. Bɨ̌n ntémé mû ó lɨ́ etíʼe nó. Damá jóʼo nó, bɨ̌h bé lɨ́ edî bɨ́n, le etɨ́e bɨ́n ɨ́ díé mé Tî Yésʉs ó, bɨ̌n tôʼ le esâ njɨ nó, ɨ́ buo buo!

2 Tesalonika 1:3

Bɨ́ɔɔ́ bɨ́h le okɛ́l bɨ́h, bɨ̌h bé ɨ́ jala le edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n. Yé ɨ́ jala nó, ebě, búʼó bɨ́n dí ebúʼlǎ Krîst yɨ́, yé lɨ́ etô le egwɨ́e. Kpɛ̌l bɨ́n dí ekpɛl bʉ̂r yɨ́, yé bwaʼ ó bwaʼáa.

Filemɔŋ 1:6

Me lɨ́ ejɨʼla e Nzyɛ̌m mpʉ mɨ́ná dí esyɛŋa lɨ́ edyɛ̂ʼwo e Yésʉs yɨ́, ó go gʉ́ŋaa bisá bí émbɨa bíbyɛ̂h mɨ́ná dí e nkul esâ gá bí, ebě, yé ó sá mɨ́ná ódwe gá Yésʉs-Krîst yɨ́.

Ebrœ̂ 5:14

Otɔ́má bʉ̂r bɨ́ɛ ó dí ejala e mpǎŋ mede. Bɨ́ɛ e bɨ́ɛ ó dí e pɨʼ dí ó, bé gʉ́ŋaa ebɛ̂ʼ páʼ ébébe le embɨa nyɨ́. Bé bi pɨ̂ʼ nyaá ó, ɨ́ lɔb nzyéé bé dí egbâ lɨ́ egʉ́a ébɛ̂ʼ bísâ byaá nyɨ́.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.