Éfɛsɔs 5:4 - Kálar Nzyɛ̌m : Ejwán é Sáá

⁴ Yé ajala ntémé ó, bɨ̌n lwíbɨɨ mekǎn mé ésɔ́m, nkʉ̂ lwǐb ógʉ̌, nkʉ̂ lwǐb bíswóólʉ́. Yé ajɨ ó, bɨ̌n sâʼ nó. Yé mbɨa ó, bɨ̌n dwêʼ Nzyɛ̌m nzyǒo.

Kálara Zyɛ̌m Edwán é mpʉ̌n

⁴ Yé ajala ó, bɨn lwibɨ lwib fulʉs, nkʉ lwib ogʉ, nkʉ lwib bɨnkpala ndɨ ambɨa ɛ. Yé ekʉ ka jala ó njɨ bɨn dweʼ Zyɛm ekiba.

Éfɛsɔs 5:4 Iomraidhean Croise

Markus 7:22

medyɛ̂n, nzɔ́ɔ́ bísâ, ebébe é léme, mikóo, bimolá nzam le ekomo, nzwíí nkěh, nkɛ́á nyʉ̂l, sɔ́ɔlʉ pɨ̂ʼ.

Yʉanes 6:23

Mʉ́ʉ́ mɛ̂l ntɔ̂ʼ pyâl, duhǒ Tiberiâs. Mɨ́ nzě pyâl kúnókúno e gúmó bé á de blêr píe jɔʼ Tî Yésʉs á dwe Nzyɛ̌m nzyǒo yɨ́.

Rôm 1:28

Bʉr baá, bé á bé abee ó, yé jala ɨ́ páʼ wɔ́ɔ́ ó, bé kámaa Nzyɛ̌m. Nó ó Nzyɛ̌m á nzoo ka bîr bé ó, bé díʼee e pɨʼ ontúl óntúl yɨ́. Nyě bír bé ó, bé sâʼ bisyɛ́ɛla bí ésɔ́m bi dí ajala e bé bí.

2 Korɛnt 1:11

ebě, bɨ̌n bé ósúʼo bɨ́h ɨ́ nzɨ̌ minjɨʼla mín. Nó Nzyɛ̌m ó ngá buú dweŋɔɔ nzyóo ɨ́ jɔʼ bʉ̂r ɨ́ buo buo, bé óbe, bé mû sí sâ nyé minjɨʼla ɨ́ lɔ̌b wɨ́h yɨ́.

2 Korɛnt 9:15

Mɨná dwêʼ gá Nzyɛ̌m nzyǒo ɨ́ lɔ̌b étʉ́m nyé á lómlo mɨná gá lɨ́. Membɨa me dí tɨ̂ʼ má, mé abe e tólɔ́ɔ.

Éfɛsɔs 4:29

Mʉr alwib gá ekǎn e dí e bibol tɨ̂ʼ lɨ́. Nye lwíbɨɨ njɨ sá ngá be e nyɔm lɨ́ esú lé égbâ bʉ́ʉ́ bʉ̂r pîm ɨ́ búʼó yɨ́. Nye jáa lwǐb njɨ sá dí ɨ́ mbɨa yɨ́, lɨ́ esú ó, Nzyɛ̌m sʉ́ʼoo bʉr o dí ejóʼo nyé bá metyɛʼ me mpóm.

Filipi 4:6

Asyɛl gá bá ɨ́ yʉ́ʉ́ sɔ̂ʼ. Jɨʼlaa gá e Nzyɛ̌m ɨ́ bijɔʼ bíbyɛ̂h, ɨ́ bisá bíbyɛ̂h bɨ́n dí ejɨ bí. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí edwe bɨ́n bí.

Kolosi 3:8

Nó ó, ɨ́ báánâ, paá kǎ bîr gá bé bisyɛ́ɛla byaá bíbyɛ̂h: nkpaa, ebúʼ, ebébe é léme, melwɨ́ɨ le mekǎn mé ésɔ́m. Byé sá aduho ɨ́ num wɨ́n.

1 Tesalonika 3:9

Bɨ̌h gʉ́ŋaa ó, bɨ̌h dwêʼ Nzyɛ̌m nzyǒo ɨ́ lɔ̌b wɨ́n nyá? Bɨ̌h bé lɨ́ esoho ɨ́ míh mé Nzyɛ̌m ɨ́ buo buo ɨ́ lɔ̌b wɨ́n.

1 Tesalonika 5:18

Jɔʼ yɨ́yɛ̂h le ɨ́ bisá bíbyɛ̂h, dwéʼ gá Nzyɛ̌m nzyǒo, ebě, Nzyɛ̌m á tíʼe ɨ́ lémé wé ó, bʉr o dí ɨ́ Yésʉs-Krîst bá, bé ósɨ̂sa nó.

Filemɔŋ 1:8

Me óbɛ̌m lɛ́ɛ gó ó, go sâʼ sá dí ejala yɨ́, ebě, Krîst á si dwe me lémé élwib ɨ́ kpɛŋlɛm, abáawǒ sɔ̂ʼ.

Ebrœ̂ 13:15

Mɨná dwêʼ gá Nzyɛ̌m kûm jɔʼ yɨ́yɛ̂h. Dwéʼ gá nye ndwéá waá, lɨ́ esímsǎ mpʉ̌ Yésʉs á dwe twiʼ yé yɨ́. Lɛ́yɨ́ɨ́ gá bʉr mpʉ díé lé dí e nkul yɨ́. Lɛ́á waá, wé ntémé, wé ó sá dí edwe nyé kûm yɨ́.

2 Pyɛr 2:18

Bé lwilwib ó e mekǎn mé jáálé, maá me dí dwêh má. Ɨ́ nzɨ̌ bigwɨ́má ményʉ́l mébomo mɔ́ɔ́, bé lɨ́ edulo bʉ̂r o bé alúno syɛb ményʉ́l mɔ́ɔ́ ɨ́ sɔ́má bígʉʼlʉgʉ́ bá.

2 Pyɛr 2:7

Nye ntémé á si tíʼ Lôt, tîtyěl mʉr. Ekɛ̂n, lé á be ɨ́ swɨɨ̌ Lôt ɨ́ nyʉ̂l lɨ́ ebee bʉ̂r o b'á be, agbâ mémpéné ɨ́ nkɔb bá. Bɨ́ɛ, bé á jaa sâ ó, njɨ bimolá nzam le ekomo.

Yʉ̂d 1:10

Bʉr baá bɨ́ɛ ntuhlo ó, sá yɨ́yɛ̂h bé dí agʉ́a yɨ́. Yaá bé dí egʉ́a yɨ́ yɨ́ɛ, yé lɨ́ edímle bê. Sá ngwɨ́á yɔ́ɔ́ yaá, yé antaǎ bím ótír ó dwǐʼ dí egʉ́a bísɔ̂ʼ yɨ́.

Yʉ̂d 1:13

Bé nwɨɨla ntémé ó e mbi óbóʼó ó mâŋ dí epyêl mégûl ɨ́ ntomo ntomo wɨ́. Bé lɨ́ esâ ébébe, ajóʼo bá sôn. Bé nwɨɨla ó, le ocwícwén o dí adû bítyé byɔ́ɔ́ bá. Sá tɨ̂ʼ ó Nzyɛ̌m dí ejaá bɨbaʼle bé bidiá byɔ́ɔ́ njɨ lɨ́ edúrʉ́ʉ́ e dí ɨ́ nkom nkom lɨ́ yɨ́. Edúrúú laá, lé ódidi nó ó, kɔ́m ti e kɔ́m.