Éfɛsɔs 5:2 - Kálar Nzyɛ̌m : Ejwán é Sáá

² Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Kálara Zyɛ̌m Edwán é mpʉ̌n

² Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Éfɛsɔs 5:2 Iomraidhean Croise

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Yʉanes 13:34

Me mû ó lɨ́ etyêl bɨ́n edwán lé étié: kpɛlaa gá páʼ nyɨ́n mpʉ mé á kpɛl bɨ̌n yɨ́.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Rôm 15:16

Nye á bě sí sʉ mé metyɛʼ me mpóm, ó me díʼee syɛ̂l mesâ mé Yésʉs-Krîst lɨ́ esú é bʉ̂r o dí abe óYúden bá. Me mû ó mpʉ pára dí eliŋ bʉ̂r baá ndwéá Nzyɛ̌m dí ekpɛl, waá Sísǐm wé, wé á pubo wɨ́ nyá. Syɛ́ɛ́ pára mé dí esâ yɨ́, yé ó syɛ́ɛ́ étúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

Rôm 4:25

Yésʉs waá, bʉr, bé á si bɛ́ma nye. Nye nzě búra e misyóm gá míná. Píe tɨ̂, Nzyɛ̌m nzě pɛh nyé ó, nye dwêʼ mɨná gá nkam ɨ́ nzɨ̌ nyé.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Rôm 8:37

Damá jóʼo mébébe maá mɨ́mɛ̂h me dí epyâl mɨ́ná gá ménɨ̌, mɨná gá bé ó binkɔ́ɔ́ ɨ́ nzɨ̌ mé Krîst, mʉr dí ekpɛl mɨ́ná gá nyá.

1 Korɛnt 16:14

Sáʼ gá bisyɛ́ɛla bín bíbyɛ̂h e lémé kpɛ̌l.

1 Korɛnt 5:7

Pɛʼɛɛ gá njʉ̌m levure waá, ó bɨ̌n líʼɨɨ miléme ɨ́ púpúpú. Nó ó bɨ́n ngá be e blêr dí edwán, abe e levure yɨ́. Me lɨ́ egʉ́a ó, bɨ̌n mû ó boó be nó, ebě, Krîst á be ó sí tíʼɔɔ tâŋ mâ nteme, le esâ ó, mɨná bwálaa gá nzɔɔ mâ nteme nyé.

2 Korɛnt 2:14

Mɨná dwêʼ gá Nzyɛ̌m nzyǒo. Nye ó dí esâ ó, mɨná gá e Krîst díʼee binkɔ́ɔ́ bi dí entaa ɨ́ jɔʼ yɨ́yɛ̂h bí. Nye ntémé ó dí esâ ó, mɨná dwêʼ gá bʉr milɛ́ʼlá mi dí esâ ó, bé gʉ́ŋaa nye mí. Nyě sá mɨ́ná gá nó ó, ɨ́ gúmó yɨ́yɛ̂h. Mɨná gá mû ó mpʉ̌ lɔbína dí epyêl mbɨambɨa numó yɨ́.

2 Korɛnt 2:15

Ebě, mɨná gá ó dí lɔbínǎ Krîst dí entɨh e mbɨambɨa numó yɨ́. Bʉ̂r o dí ebǐ twiʼ bá, bé jʉ́ʼrá mɨ́ná gá nó, njóʼá wɔ́ɔ́, wé ó: «Yé ó numó twiʼ.» Bʉr baá, bé otô dóló le etiʼe nó. Baá dí edîm bá bɨɛ, ɨ́ jɔʼ bé jʉ́ʼrá mɨ́ná gá yɨ́, bé ó: «Yé ó numó éswie.» Bɨ́haá bʉ̂r, bé otô dóló le edwě ntuʼ. Mɛm, mé abě tyé mʉ̂r dí ó, me séaa syɛ́ɛ́ yɨ̂. Nzé nyɨɛ dí ejala e yê?

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Galásia 1:4

Yésʉs-Krîst mʉr tɨ̂ʼ á si dwe twiʼ yé, nzě búra e misyóm gá míná. Mpʉ nyé á jala e myé yɨ́, nyɨ́ dwih mɨ́ná gá ɨ́ sɔ́má ósyɛ̂l o mísyóm ó myǎ wɨ̂. Yésʉs á sâ nó ó, mpʉ̌ Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, á kpɛl yɨ́.

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

Éfɛsɔs 1:4

mɨná gúmlaa gá nye, ebě, nye á si boo twâr mɨná gâ, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Nye á twâr mɨná gá ó, mɨná gúmaa gá e né, ɨ́ nzɨ̌ mé Krîst, abe e sá ébébe nyé ónwâhle mɨ́ná gá e tɨ̂.

Éfɛsɔs 3:17

Mě jɨʼlá ntémé e né ó, Krîst nʉ́aa odiá wé tʉ́ŋlʉ̌ milémé mín ɨ́ nzɨ̌ búʼó yɨ́n. Mě jɨʼlá e né ntémé ó, bɨ̌n kpɛ́laa páʼ nyɨ́n, bɨ̌n nkʉ̂ tyɛ̂b ɨ́ búʼó gá yɨ́ná ɨ́ lyahwó. Bɨ̌n tyɛ́bɨɨ tɨ̂ʼ mekʉ̌ sí ɨ́ sɨ́ŋ.

Éfɛsɔs 3:19

Mě jɨʼlá ntémé e Nzyɛ̌m ó, bɨ̌n gʉ́ŋaa mpwaʼ kpɛ̌l mé Krîst dí elaǎ sá yɨ́yɛ̂h mɨ́ná dí e nkul egʉ́a gá yɨ́, tó pyâl ɨ́ jɔ̌ʼ Nzyɛ̌m óbe, nye mû sí lóŋlo bɨ́n e sá nyé mʉr tɨ̂ʼ dí lwɨ́ŋlá e yé yɨ́.

Éfɛsɔs 4:15

Tó kœb ó, mɨ́ná lɛ́ɛ́ gá otyeetye tʉ́ŋlʉ̌ kpɛ̌l nó, mɨná bé ógwɨ́e le ebwaʼ gâ, tótôʼ, tó pyâl ɨ́ jɔʼ mɨ́ná ngá di gá mbɨmá ɨ́ Krîst tʉ́ŋlʉ̌, mʉr pá dǐ lʉ̂ gá wɨ́ná nyá.

Éfɛsɔs 4:2

Jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, le bʉr o bíhwó. Júdúhwáá gá páʼ nyɨ́n ɨ́ lɔ̌b kpɛ̌l bɨ́n dí e yé yɨ́.

Éfɛsɔs 5:15

Nó gwá dwɛ̂ʼ gá kʉ̌ tyen bɨ́n dí edû wɨ́. Atiʼe gá mpʉ bígʉʼlʉgʉ́. Tiʼaa gá mpʉ mípɨpɨ́ʼ.

Éfɛsɔs 5:25

Bɨ̌n bʉrʉ̂m, mʉr nyɨnyɛ̂h, nye kpɛ́lɨɨ mʉmá wé mpʉ̌ Krîst á kpɛl Mbɛ̌r-Nzyɛ̌m yɨ́. Nye á si dwe twiʼ yé, lɨ́ ebúra e Mbɛ̌r-Nzyɛ̌m.

Filipi 4:18

Me á si bi sá yɨ́yɛ̂h bɨ́n á lómlo me yɨ́. Bím yaá, yé ɨ́ buo. Me mû ó, ɨ́ twíha ɨ́ lɔ̌b bísá Epafrɔ́ditɔs á nze e byé bí. Nzyɛ̌m, nye lɨ́ ebee míndwéá mín mbɨ̂mbɨá mpʉ míndwéá mi dí edíʼɔɔ nyé e mbɨambɨa menumó mí. Yé ó mbi míndwéá Nzyɛ̌m dí ekpɛl wɨ́.

Kolosi 3:14

Ɨ́ bisyɛ́ɛla byaá bíbyɛ̂h, sá dí tɨ̂ʼ yɨ́, yé ó, bɨ̌n kpɛ́laa, ebě, kpɛ̌l ó dí elar bɨ́n ɨ́ lídídí.

1 Tesalonika 4:9

Ɨ́ lɔ̌b wɨ̂, ɨ́ lɔ̌b kpɛ̌l dí páʼ bɨ́ɔɔ́ e bɨ́ɔɔ́ yɨ́, yé abe e sá mé gúm kǎ cɛma bɨ́n, ebě, bɨ̌n bʉr o tɨ̂, bé á si jɨ̂ʼ ekpɛla. Nzyɛ̌m ó b'á lɛ̂ʼle bɨ̌n.

1 Timotɛ 2:6

mʉr á pa dwe twiʼ yé lɨ́ etáǎ góo, le edwih bʉ̂r bɨ́bɛ̂h ɨ́ mpila ébébe nyá. Nó ó, lɔ́ɔ waá, wé á ka lɛ́ɔɔ ó, ɨ́ jɔʼ wé á jala le elɛ́ɔɔ yɨ́.

1 Timotɛ 4:12

Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Ebrœ̂ 8:3

Njwɨ́ɨ opara nyɨnyɛ̂h, nye tyélá ɨ́ dǐ pára yé ó, nye táŋaa mebyaʼ me bʉ̂r le edwidwě Nzyɛ̌m mindwéá. Nó ntémé ó Yésʉs á be ɨ́ bi ó, nye tôʼ dwě Nzyɛ̌m yʉ́ʉ́ sɔ̂ʼ.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

Ebrœ̂ 9:23

Yé á kʉ jala ó, bʉr púbaa bisá bí sí yɨ̂ʼ e metié mé ótír, ebě, byaá bí sí yɨ̂ʼ, byé ó bimveʼle, lɨ́ emveʼle byaá bimpâ bi dí ɨ́ jʉ́o kʉ́ bí. Nó ó, bisâ bimpâ byaá bíɛ, byé ɨ́ jala le epubɔɔ ó, ɨ́ nzɨ̌ mpǎŋ ndwéá métié. Wɨ́haá ndwéá, wé lɨ́ esyɛ́ɛla e waá ésôʼ. Wé ntémé ó dí ɨ́ buú buo ódimé.

Ebrœ̂ 9:26

Yé bé nye á dwidwe ndwéá wé ó, nzɔʼ nzɔʼ nó, mpa nye á sia ntémé e mitúú ó, nzɔʼ nzɔʼ, táare ɨ́ jɔ̌ʼ Nzyɛ̌m á kuho kʉ́ e sí yɨ́. Nye á jaa nyɨ̂n ɨ́ sí yɨ̂ʼ ó, njɨ jɔʼ gwár ɨ́ kpɔ́ŋ. Yé á be ó, ɨ́ jɔʼ éswéhlɨ́ é sí yɨ̂, lé á pyâl ɨ́ mɨná gá yɨ́. Nye nzě dwě Nzyɛ̌m nyʉ̂l nyé, lɨ́ epɛʼ bʉ̂r misyóm myɔ́ɔ́ lɨ́ esú é bíjɔʼ bíbyɛ̂h.

1 Pyɛr 4:8

Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

1 Yʉanes 3:16

Mbi wɨ̂ʼ ó mɨ́ná dí edweʼe gá sá dí kpɛ̌l mpâ yɨ́: Yésʉs-Krîst á si dwe twiʼ yé lɨ́ esú gá lɨ́ná. Nó ntémé ó mɨ́ná dí gá e mempʉ́lá kwá bʉ́ʉ́ óbûʼla yɨ́. Mɨná jáná gá mempʉ́lá maá ó, lɨ́ edwe bícwiʼ gá bíná lɨ́ esú é bɨ́ɔɔ́ gá bɨ́ná.

1 Yʉanes 3:23

Etié nyé á tyêl lɨ́ esú gá lɨ́ná lɨ́, lé ó lɨ̂: mɨná dyɛ̂ʼwaa gá e díé é Mwân wé, Yésʉs-Krîst, le ntémé ó, mɨná kpɛ́laa gá páʼ gá nyɨ́ná mpʉ nyé á tɨ́e mɨná gá yɨ́.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.