Éfɛsɔs 4:6 - Kálar Nzyɛ̌m : Ejwán é Sáá

⁶ Waá dí Nzyɛ̌m bʉ̂r bɨ́bɛ̂h, dí ntémé Sɔ́ŋ bʉr bɨ́bɛ̂h nyá, nyé ó njɨ ngwár. Nye lɨ́ ejwɨ́ɨ̌ sá yɨ́yɛ̂h. Nye ntémé ó dí eséa, cɨɨ e nzɨ̌ sá yɨ́yɛ̂h. Nye ɨ́ sá yɨ́yɛ̂h.

Kálara Zyɛ̌m Edwán é mpʉ̌n

⁶ Zyɛm, nye ó njɨ ngwar, Sɔŋ bʉr bɨbɛh. Nye ó lʉ sa yiyɛh, é sa yiyɛh. Nye nteme ó ndɨ é mʉr nyiwɛh tʉŋlʉ.

Éfɛsɔs 4:6 Iomraidhean Croise

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Mataos 6:9

Jɨjɨʼlaa gá e Nzyɛ̌m ɨ́ mbi wɨ̂: “Sɔ́ŋ wɨ́h dí ɨ́ jʉ́o kʉ́ nyá, lɛ́ʼláá bʉ̂r bɨ́bɛ̂h ó, go ó Nzyɛ̌m dí ti nyá.

Yʉanes 14:23

Yésʉs nzě yala e né ó: «Mʉr dí ekpɛl mé nyá, óbaʼle mílɛ́ʼlá mé á dwe bɨ̌n mí. Sɔ́ŋ wǎm ókpɛl nyê. Nó ó, bɨ̌h e Sɔ́ŋ wǎm, bé ónze kwá nyé le ekomlo ódiá wɨ́h tɨ̂.

Yʉanes 17:26

Me á si lɛ̂ʼle bé mpʉ gó dí yɨ́. Me ntémé óbáʼǎ lɛ̂ʼle bê. Nó ó kpɛ̌l gó dí ekpɛl mé yɨ́, yé óntaa kwá nyɔ́ɔ́ yɨ́, ebě, mɛm mʉr tɨ̂, me óbɨbe ó, ɨ́ bê.»

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Rôm 11:36

Yé abe e mʉr, ebě, nye ó b'á komlo bisá bíbyɛ̂h. Byé á kwɨmlɨ ntémé ó, ɨ́ nzɨ̌ nyé. Sá yɨ́yɛ̂h, yê tɨ̂ʼ ó, lɨ́ esú lé. Mɨná gúmlaa gá nye njʉ̌m dǐ e njʉ̌m dǐ. Amɛn.

1 Korɛnt 12:6

Yé ɨ́ buo mímbi bísyɛ́ɛlǎ Nzyɛ̌m dí e nkul esâ ɨ́ bʉr bí. Tó kœb ó, Nzyɛ̌m ngwár e ngwár waá ó dí esâ bíbyɛ̂h ɨ́ bʉr bé bɨ́bɛ̂h.

1 Korɛnt 8:6

ɨ́ páʼ gá wɨ́ná, mɨná gá bé ó, njɨ e Nzyɛ̌m ngwár, waá dí Sɔ́ŋ gá wɨ́ná nyá. Nye ó b'á komlo sá yɨ́yɛ̂h. Bicwiʼ gá bíná, byé dwɛ́ʼ ó nye. Yé ntémé, yé ó njɨ Njwɨ́ɨ ngwár: Yésʉs-Krîst. Sá yɨ́yɛ̂h, yé á kwɨmlɨ ó, ɨ́ nzɨ̌ nyé. Mɨná titiʼe gá ó, ɨ́ nzɨ̌ nyé nyaá.

2 Korɛnt 6:16

Nzê bʉr o dí eséa ɨ́ mpáh Nzyɛ̌m bá, bé e baá o dí etʉ̂to ɨ́ menzaá bíkpɛʼkpɛ̂ʼ bí ónzyɛ̌m bá, bé e nkul esʉ nkâm mpwár ɛ́? Ebě, menyʉ́l gá mɨ́ná, mé ó mpáh Nzyɛ̌m dí kublakúbla nyɨ́. Yé ó kwahaá mpʉ̌ Nzyɛ̌m mʉr tɨ̂ʼ á lɛ́ɛ yɨ́, ó: Me ódi ɨ́ sɔ́má yɔ́ɔ́, le etiʼe ɨ́ sɔ́má yɔ́ɔ́ tʉ́ŋlʉ̌. Me óbe ó Nzyɛ̌m wɔ́ɔ́. Bɨ́ɛ, bé óbe ó bʉr bâm.

Éfɛsɔs 1:21

Nzyɛ̌m á dil nye ɨ́ mecwɨ́ɨ́ mé jwɨ́ɨ yaá ó, kʉ́ misísǐm mí édúrʉ́ʉ́ mi dí milʉ̂ mí, le myaá mi dí e nkul jwɨ́ɨ mí, le myaá mi dí e pîm mí, le myaá mi dí e menkul ménɨ́nɨ́ɨ́ mí. Krîst ó dí e díe e dí ɨ́ buú gúmlɔɔ lɨ́. Díe laá ó dí elaa míé mɨ́mɛ̂h bʉ̂r dí ekɛn ɨ́ mpóʼo sí yɨ̂ʼ má, le maá bé ókɛn ɨ́ mpóʼo ngá tyélɔɔ nyɨ́ má.

Éfɛsɔs 2:22

Tî Yésʉs ó dí esâ ntémé ó, bɨ̌n tyélɔɔ ɨ́ bityé bín tɨ̂, misumá lɨ́ odiá Nzyɛ̌m ngá di tɨ̂ʼ wɨ́. Sísǐm wé ó dí elɛ̂ʼle bígúmó bɨ́n jálá le etyɛ̂b ɨ́ nzumó mbɛ̌r waá bí.

Éfɛsɔs 3:17

Mě jɨʼlá ntémé e né ó, Krîst nʉ́aa odiá wé tʉ́ŋlʉ̌ milémé mín ɨ́ nzɨ̌ búʼó yɨ́n. Mě jɨʼlá e né ntémé ó, bɨ̌n kpɛ́laa páʼ nyɨ́n, bɨ̌n nkʉ̂ tyɛ̂b ɨ́ búʼó gá yɨ́ná ɨ́ lyahwó. Bɨ̌n tyɛ́bɨɨ tɨ̂ʼ mekʉ̌ sí ɨ́ sɨ́ŋ.

Éfɛsɔs 6:23

Nzyɛ̌m Sɔ́ŋ, bé e Tî Yésʉs-Krîst, bé gbâʼ bɨ̌n, bɨ́ɔɔ́ bɨ́h, mepyɛbla ɨ́ miléme, ti e kpɛ̌l ndu e búʼó.

1 Yʉanes 3:24

Mʉr dí ebaʼle métié mé Nzyɛ̌m nyá, nyě dǐ ó ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né. Mɨná bé lɨ́ egʉ́a gá ó, Nzyɛ̌m, nye ó ɨ́ mpúhlá e mɨná gá ó, ebě, nye á si ntɨh mɨná gá Sísǐm wé.