Éfɛsɔs 4:19 - Kálar Nzyɛ̌m : Ejwán é Sáá

¹⁹ Ɨ́ sɔ́ɔlʉ pɨ̂ʼ wɔ́ɔ́, bɨ́ swâhle mímbi mébébé mɨ́mɛ̂h lɨ́ esâ. Bé lɨ́ esâ bímolá nzam le ekomo. Bé sá ntémé ó, bisyɛ́ɛla bi dí edulo mpîr ɨ́ nyʉ̂l bí, abe e njɨ.

Kálara Zyɛ̌m Edwán é mpʉ̌n

¹⁹ É sɔɔlʉ pɨʼ wɔɔ, bé a be ó si sa bɨmala zam e l'ekomo, le esa zyee lé elama fwon lé edu njɨ bɨjyɛʼ byɔɔ bibyɛh.

Éfɛsɔs 4:19 Iomraidhean Croise

Markus 7:22

medyɛ̂n, nzɔ́ɔ́ bísâ, ebébe é léme, mikóo, bimolá nzam le ekomo, nzwíí nkěh, nkɛ́á nyʉ̂l, sɔ́ɔlʉ pɨ̂ʼ.

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

1 Timotɛ 4:2

Bé óbe ó baányâ-mikóo, le olɛ́a o bíbɛr. Syóm dí ejwɨ́ɨ bé wɨ́, wé óndɨndáma milémé myɔ́ɔ́ ó, tó pyâl ɨ́ jɔʼ bé óbe, bé mû akǎ tʉ sôn yɨ́.

1 Pyɛr 4:3

Bʉr, bɨ́ buú lɛ̌ŋ jɔʼ ɨ́ buo buo lɨ́ elóŋlo bígwɨ́má óhááden dí eboó dudû bî: egbâ ményʉ̂l lɨ́ esâ bímolá nzam le ekomo, ejóʼǒ nzɔ́ɔ́ bísâ, elɔ̂ʼwa lɨ́ ebɛble ményoʼ, elɔ̂ʼwa lɨ́ ede méde, epuro ményoʼ, le edweŋɔɔ bíkpɛʼkpɛ̂ʼ bí ónzyɛ̌m kûm. (Yé ó sá Nzyɛ̌m dí ekamle yɨ́.) Bím syɛ́ɛla yaá, yɨ́ kǎ jala!

2 Pyɛr 2:22

Sâ pyál bé yɨ́, yé lɛ́ʼlé ó mpʉ bíkɨkɛna bibá bîʼ dí elɛ́ɛ lɨ́ otyeetye yɨ́ ó: «Mpyê, nyě swíʼ ó, tó de bíjwɨ́ɨlɨ́ byé.» Yʉ́ʉ́ tɨ̂ʼ, yé lɛ́ɛ́ ó: «Le bê jwɨɨ nkʉ́, le ntɔ̂ʼ nyê swîʼ, tó byɛ́ɛla ɨ́ mindě.»

Yʉ̂d 1:11

Nkoó, nye ó e bʉr baá! Ebě, bɨ́ dû nzɨ́ Kayɨ̂n á kar nyɨ́. Bé á si dîm, lɨ́ edû nzɨ́ mikóo mé Balâm, ebě, bé á gwɨ̂m ó myɛ́na. Bé á ka to dwe ó mpʉ bʉ̂r ó Korê bé á dwe ɨ́ jɔʼ bé á gbɔba e Moyɨ̂z yɨ́.

Mɨngwiha 18:3

Ebě, nye á si kwâb bʉr o bíkúl bíbyɛ̂h lɨ́ esâ ó, bé pûhlaa menyʉ̂l e né, tó pyâl ɨ́ jɔʼ bé á ka sia e mitúú duho tɨ̂ʼ mpʉ mʉ̂r jáʼrá e menyoʼ yɨ́. Ojwɨ́ɨ́ ó sí yɨ́yɛ̂h ntémé, bé á si pûhla menyʉ̂l e né. Obɛ́ma o bísɔ̂ʼ, bé á bu dira minyɔm ó, lɨ́ ebɨbɛ́ma nyé bisâ, nyɨɛ mʉr á kpɨkpɛl njɨ mpǎŋ bisâ nyá.