Éfɛsɔs 4:18 - Kálar Nzyɛ̌m : Ejwán é Sáá

¹⁸ Sá écwólwo lɔ́ɔ́, lé akǎ siŋa. Bé mû ó e ncɛrá e twiʼ mé Nzyɛ̌m, tɨ̂ lɨ́ egʉʼla bé dí e lé lɨ́, le elele e míléme lɔ́ɔ́.

Kálara Zyɛ̌m Edwán é mpʉ̌n

¹⁸ Bé ejeʼe mɨlɔb ndɨ edwɛʼ Zyɛm ɨ. Bé e boo nɔɔ, bé abe e nduula. Bé egʉʼla é mɨlɔb mye, le elɨl mɨlʉ myɔɔ.

Éfɛsɔs 4:18 Iomraidhean Croise

Markus 3:5

Nó mpʉ nyé á to le edwɛ̂ʼ bɨ́bɛ̂h yɨ́, lémé wé ntɔ̂ʼ lóno ɨ́ nkpaa, ebě, milémé myɔ́ɔ́, myé á be ɨ́ buú lele lɨ́ ebúʼla. Nye e mbêl ó: «Syɛ́mɨ́ɨ́ mbó gô.» Mbêl ntɔ̂ʼ syɛ̂m mbô. Mbô, wé ntɔ̂ʼ sâ nyé mbɨ̂mbɨá.

Yʉanes 12:40

“Nzyɛ̌m á be ó sí liŋ bé baántím. Nye á si dibe bé mepɨʼ mɔ́ɔ́, ó míh mɔ́ɔ́, mé ayɨ́ bee; bé ntémé díʼee abe e mepɨʼ, lɨ́ ebene ó, bé ámû jaá dwira míléme, tóŋɔɔ kwá nyé ó, nye tíʼɨɨ bê.”

Mɨlʉmlʉ 17:30

Jɔʼ myâ, bimpám bín, byé á be ó minjéʼe-Nzyɛ̌m. Nzyɛ̌m nyɨɛ á bé anyɛɛ́ nʉa bíjɔʼ bʉ̂r, bé á be ɨ́ gʉʼla bí byaá, gbâ ɨ́ nkɔb. Nó ó, ɨ́ báánâ, nye mû ó sí kǎ jébe bʉ̂r bɨ́bɛ̂h ɨ́ bigúmó bíbyɛ̂h ó, bé túmaa mikoo e misyóm myɔ́ɔ́ le edwira míléme.

Mɨlʉmlʉ 3:17

«Bɨ́ɔɔ́ bâm! Okɛ́l bâm! Me lɨ́ egʉ́a ó, táare e bɨ̌n, kumo le ojwɨ́ɨ bɨ́n, bɨ̌n bé á gʉʼla ó, gʉʼláa ɨ́ lɔ̌b mé Yésʉs.

Rôm 1:28

Bʉr baá, bé á bé abee ó, yé jala ɨ́ páʼ wɔ́ɔ́ ó, bé kámaa Nzyɛ̌m. Nó ó Nzyɛ̌m á nzoo ka bîr bé ó, bé díʼee e pɨʼ ontúl óntúl yɨ́. Nyě bír bé ó, bé sâʼ bisyɛ́ɛla bí ésɔ́m bi dí ajala e bé bí.

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

Rôm 11:7

Nó, yê yé? Bʉr o b'Ɨ́zraɛ̂l, bé á bé abǐ sá bé á sɨsáa yɨ́. Baá Nzyɛ̌m á twâr bá bɨɛ, bé ó b'á bi yê. Baá bʉ́ʉ́ bɨ́bɛ̂h, milémé myɔ́ɔ́, myé á be ɨ́ buú lele lɨ́ ebúʼla.

Rôm 2:19

Go jwɨʼ ó, go ó jálá le elɛ̂ʼle báántím nzɨ̌. Nkʉ̂ ó, go ó jálá le ekʉn bʉ̂r o dí lɨ́ edúrʉ́ʉ́ bá nzɨ̌.

1 Korɛnt 1:21

Nzyɛ̌m á tíʼe ɨ́ páʼ wé ó, bʉr ó sí yɨ̂ʼ gʉ́ŋaa nye ɨ́ nzɨ̌ ocwóó wé nye mʉr tɨ̂. Tó kœb ó, bé á si kâr egʉ́ǎ Nzyɛ̌m e nzɨ̌ nyaá. Bé á ka sáa egʉ́a nyé ó, ɨ́ nzɨ̌ wɔ́ɔ́ ócwóó, bé bʉr o tɨ̂. Sá tɨ̂ʼ ó Nzyɛ̌m á ka bee embɨa ɨ́ páʼ wé ó, nyě tǐʼ ó baá o dí ebúʼlǎ lɔ́ɔ́ wé bá yɨ́. Lɔ́ɔ waá, wé ó sá bʉ́ʉ́ bʉ̂r dí ebeě mpʉ ógʉ̌ yɨ́.

1 Korɛnt 2:8

Abe e yʉ́ʉ́ nkáatǐr sí yɨ̂ʼ, yé á gʉ́a ocwóó waá. Yé bé binkáatir byaá, byé á bě sí gʉ́a wé nó, lɛ́ɛ́, byé á bé abomlo Tî Yésʉs e binzâŋ, le ebɨ̂n nyé ɨ́ kolôs kʉ́. Nyɨɛ ó dí Tî dí e kûm nyá.

2 Korɛnt 3:14

Tó kœb ó, ecwólwo lɔ́ɔ́, lé á be ó sí dwira édúrʉ́ʉ́. Pyâl ɨ́ dʉ́ó lɨ̂ʼ mûh, pɨʼ nyɔ́ɔ́, nye dína ó mbúblá e kán waá ɨ́ jɔʼ bé láá mékaná mé njʉ̌m sáá yɨ́. Kán mpʉ́ʉ waá, wé jaá pʉʼa mʉ̂r ɨ́ mpǒm ó, njɨ ɨ́ jɔʼ mʉ̂r waá púhlá e Krîst yɨ́.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Galásia 4:8

Ɨ́ mimbú mí píhe, bɨ̌n bé á bé apǎ gʉ́ǎ Nzyɛ̌m. Bɨ̌n bé á bɨbe ó mpʉ bítúʼǎ, lɨ́ edû bíkpɛʼkpɛ̂ʼ bí ónzyɛ̌m bi dí abe ónzyɛ̌m ompâ bí.

Éfɛsɔs 2:1

Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ bidyɛʼ bín, le misyóm bɨ́n á sâ mí.

Éfɛsɔs 2:12

Símsáá gá ntémé mpʉ bɨ́n á nyɛɛ bɨbě dǐ gwár yɨ́. Bɨ̌n e Krîst, bé á bé apǎ pûhla. Bɨ̌n bé á si pɨ́mɔɔ ɨ́ kúl bʉ̂r o b'Ɨ́zraɛ̂l. Ɨ́ nkǒ páʼ sáá Nzyɛ̌m á sâ nyɨ́, ti e menkɛ̌ʼ mé, bɨ̌n bé á be ó, bʉr o bíkúl bíswîh, abe e bá nkɔ̂b tɨ̂. Ɨ́ jɔʼ yaá yɨ́yɛ̂h, bɨ̌n bé á bé abe e mpûʼla ɨ́ miléme. Ɨ́ sí yɨ́yɛ̂h, bʉr o bíkúl bín, bé á bé agʉ́ǎ Nzyɛ̌m.

Kolosi 1:21

Ɨ́ mimbú mí píhe, bɨ̌n bé á be ó e ncɛrá e Nzyɛ̌m. Táare e mbi écwólwo bɨ́n á be e lé lɨ́, kumǒ kumáa e bisyɛ́ɛla bí ébébe bɨ́n á sɨsâ bí, bɨ̌n bé á jaa bɨbe ó, njɨ ontɨ̂m le obɨn mé Nzyɛ̌m.

1 Tesalonika 4:5

Njʉ̂m nyɨɛ díʼee e mʉmá wé waá, abe ɨ́ tíná bígwɨ́má mébomo mpʉ mínjéʼe-Nzyɛ̌m dí esɨsâ yɨ́.

Ebrœ̂ 5:2

Para nyɨnyɛ̂h, nyě e nkul ekɛm bígʉʼlʉgʉ́ le bʉr o mû sí dîm bá, ebě, ɨ́ mipáʼ mímyɛ̂h, etyɛʼ lé, lé lɨ́ enyɨ̂n ɨ́ míh mé.

Ebrœ̂ 9:7

Sâ gwár, njwɨ́ɨ opara nye omér ó b'á ninî ɨ́ ntɔ́ɔ mbá. Nye á jaa ninî tɨ̂ʼ ó, njɨ jɔʼ gwár ɨ́ mbû. Nye á tʉ̂to gʉ̂ʼ ó e sʉ́á métié mé ótír, ó Nzyɛ̌m pɛ́ʼɛɛ bibaa bí ébébe nyé á pa niʼe bí, byaá ɨ́ lɔ̌b ébébe lé nye mʉr tɨ̂, ti e laá e bʉ̂r oswîh, bé á sâ, bɨ́ɛ l'agʉ́a lɨ́.

Jacques 4:4

Bɨ̌n odûl bé ónzyɛ̌m oswîh, nzê bɨ̌n bé agʉ́a ó, jɔʼ bɨ́n tíá ésó e sí yɨ̂ʼ yɨ́, bɨ̌n kǎ lɛ̂ʼlě Nzyɛ̌m náǎ ó, bɨ̌n bɨ́ dwira e né, le edi óntɨ̂m le obɨn bé ɛ́?

1 Pyɛr 1:14

Mpʉ bɨ́n dí eboó sɨsâ Nzyɛ̌m mejóʼo yɨ́, akǎ dû gá bigwɨ́má bɨ́n á nyɛɛ bɨbe e byé, bɨ̌n dína bigʉʼlʉgʉ́ bí.

1 Yʉanes 2:11

Sâ gwár, mʉr waá dí enwim mɨ́ɔɔ́ wé nyá, nye dína ó, lɨ́ edúrʉ́ʉ́. Nye ntémé dína ó lɨ́ entíma. Nyé abá gʉ́ǎ nko nyé dí etô le entíma yɨ́, ebě, edúrʉ́ʉ́, lɨ́ liŋ nyé ántím.