Éfɛsɔs 4:12 - Kálar Nzyɛ̌m : Ejwán é Sáá

¹² Nyě sá nó ó, lɨ́ esú é bʉ̂r o mé Nzyɛ̌m, ó bé díʼee bʉr o dí e nkul elóŋlǒ syɛ́ɛ́ yé bá. Nyě lɛ́ʼlé bé esâ nó ó, lɨ́ esú lé édwě Mbɛ̌r-Nzyɛ̌m (dí nyʉ̂l mé Krîst wɨ́) megwɨ́e.

Kálara Zyɛ̌m Edwán é mpʉ̌n

¹² Nye esa no ó, é l'efu e mɨsaŋ mɨ bʉr mo Zyɛm, ó myé beʼ bʉr o ndɨ e nkul eloŋlo syɛɛ ye e. Nye elɛʼle be lé esa no ó, é l'efu le egwɨl Mbɛr-Zyɛm, ndɨ nyʉl mo Krɨst ɨ.

Éfɛsɔs 4:12 Iomraidhean Croise

Lʉkas 22:32

Sâ gwár, me á si jɨʼla e Nzyɛ̌m lɨ́ esú lô, ó búʼó yô, yé sá akur. Jɔʼ nyé ósâ nó, go ntémé sí báʼǎ nze kwá nyǎm yɨ́, go e súʼó bɨ́ɔɔ́ bô bibúʼó byɔ́ɔ́!»

Mɨlʉmlʉ 1:17

Nye ntémé á be ó mʉr ngwár ɨ́ sɔ́má gá yɨ́ná. Nye ntémé á si bi nkɔb ɨ́ syɛ́ɛ́ gá yɨ́ná yɨ̂.»

Mɨlʉmlʉ 1:25

Ebě, nye ɨ́ jala le enʉǎ dǐ Yʉ́das á dímle lɨ́ etó kœ̌b dǐ yé á jʉ́ʼa e nyɨɛ yɨ́. Nyɨ́haá ó ngá tô e syɛ́ɛ́ lʉ́mlʉ́ dóló.»

Mɨlʉmlʉ 11:23

Jɔʼ nyé á pyâl gʉ̂ʼ yɨ́, nye nzě bee bíjwɨʼ byé á lɛ̂ʼle ó, Nzyɛ̌m á be ɨ́ buú cwɨ́a le obûʼla bí. Nye ntɔ̂ʼ soho, nzě tɨ́e bé ó, bé díʼee twíí mpâ ɨ́ mpúhlá nyɔ́ɔ́ e Yésʉs.

Mɨlʉmlʉ 20:24

Mɛm bee yɨ́ɛ ó, twiʼ yâm, yé abe mé dimé sɔ̂ʼ. Nyɔm wâm, wê njɨ ó, me swímɨɨ ɨ́ duo bíjʉ́ʉ́, tó pyâl lɨ́ odumo, le eswâhlě syɛ́ɛ́ Tî Yésʉs á líʼe me e yǎ yɨ́: yé ó, etúnǒ Mbɨambɨa Lɔ́ɔ́ mé Nzyɛ̌m.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Mɨlʉmlʉ 9:31

Mbɛ̌r-Nzyɛ̌m nzě bi mépyɛbla, táare ɨ́ sí Yʉ́da, kala ɨ́ yaá Samarî, kumǒ kumáa ɨ́ yaá Galilê yɨ́yɛ̂h. Wé á si bu nʉa pîm le megwɨ́e. Mbɛ̌r-Nzyɛ̌m ntɔ̂ʼ bwaʼ ɨ́ nzɨ̌ Sísǐm mé Nzyɛ̌m. Wé á titiʼe ntémé ó, lɨ́ ekʉ́ dwáawo Tî Yésʉs.

Rôm 12:5

Jwɨʼ gwár yaá ntémé ó, mɨ́ná dí gá ɨ́ buo yɨ́. Sâ gwár, mɨná gá bé ó nyʉ̂l mpwár ɨ́ mpúhlá gá nyɨ́ná e Krîst. Mɨná gá óbɛ̂h, bé ó bitíl bí nyʉ̂l bi dí minɛrá ɨ́ nyʉ̂l mpwár bí.

Rôm 12:7

Yé bé Nzyɛ̌m á dwe go ó, ndwéá ékɛm bʉ̂r nó, séáá syɛ́ɛ́ yaá. Yé bé nye á dwe gua ó, ndwéá édwe bʉ̂r milɛ́ʼlá nó, lɛ́ʼláá bê.

Rôm 14:19

Mpʉ yé dí nó yɨ́, mɨná gbâʼ gá nkul lɨ́ esâ bísyɛ́ɛla bi dí esâ ó, sɔ́má gá yɨ́ná tíʼaa ɨ́ mepyɛbla bí, ti e byaá ngá sâ ó, bʉ́ʉ́ bʉ̂r, bé gwɨ́aa ɨ́ búʼó bí!

Rôm 15:14

Bɨ́ɔɔ́ bâm! Okɛ́l bâm! Mɛm mʉr tɨ̂, me lɨ́ egʉ́a mbɨ̂mbɨá ó, bɨ̌n bé ó lwɨ́ŋlá e mpam. Bɨ̌n bé lɨ́ egʉ́a bísá bíbyɛ̂h. Le ntémé ó, bɨ̌n bé e nkul edwidweela métwɨ́ɨ́ páʼ nyɨ́n.

Rôm 15:2

Mʉr nyɨnyɛ̂h ɨ́ sɔ́má gá yɨ́ná, nye sâʼ syɛ́ɛla mɨ́ɔɔ́ wé mʉr ókpɛl yɨ́. Nye sâʼ yaá yé óbɛ̌m be e nyɔm ɨ́ páʼ mɨ́ɔɔ́ waá ó, nye gwɨ́aa ɨ́ búʼó yɨ́!

Rôm 15:29

Me lɨ́ egʉ́a ó, pyálá mé ópyâl kwá nyɨ́n yɨ́, me óbe ó e metyɛʼ me mpóm mé Yésʉs-Krîst.

1 Korɛnt 12:27

Bɨ̌n bɨ́bɛ̂h, bé ó nyʉ̂l mé Krîst. Mʉr nyɨnyɛ̂h dí ɨ́ sɔ́má yɨ́n nyá, nye ó tíl nyʉ̂l nyaá.

1 Korɛnt 12:7

Mʉr nyɨnyɛ̂h, nyě e ndwéá Sísǐm mé Nzyɛ̌m wé á ntɨh nye ó, nye tôʼ kɛm bʉ̂r e tɨ̂ʼ wɨ́.

1 Korɛnt 14:12

Nó mpʉ bɨ́n dí egbâ ményʉ́l mɨ́n, ó bɨ̌n bi ó mindwéá mé Sísǐm mé Nzyɛ̌m yɨ́, sáŋáá gá myé bé. Diʼee gá milwɨ́ŋlá. Buú sáa gá mindwéá mi dí egbâ Mbɛ̌r-Nzyɛ̌m pîm ɨ́ búʼó mí.

1 Korɛnt 14:14

Mé jɨ́ʼlá ɨ́ lwǐb ayogoyogo nó, lɛ́ɛ́, sísǐm wâm, wé ó ɨ́ minjɨʼla. Sâ gwár, pɨʼ nyǎm, nyé agúmo bá mpúmó, duho tɨ̂.

1 Korɛnt 14:26

Bɨ́ɔɔ́ bâm! Okɛ́l bâm! Mɨná bé ókǎ lɛ́ɛ gá nyá? Jɔʼ bɨ́n dí egwɨ̂hla yɨ́, nyâʼ mʉ̂r, nye ó e jɨ́m nyé ódyɛɛ yɨ́. Nyʉ́ʉ́, e lɛ́ʼlá nyé ódwe wɨ́. Nyʉ́ʉ́, e gúú solá sɔ̂ʼ nyé ógwîh wɨ́. Nyʉ́ʉ́, nyě e lɔ́ɔ ɨ́ lwǐb ayogoyogo. Nyʉ́ʉ́, nyě e nkul epâʼlǎ sá lwǐb ayogoyogo yaá dí elɛ́ɛ yɨ́. Yé jala ó, syɛ́ɛla yaá yɨ́yɛ̂h gbâʼ Mbɛ̌r-Nzyɛ̌m pîm ɨ́ búʼó.

2 Korɛnt 12:19

Táare mélú mé épíhe, kumo ɨ́ báánâ, bɨ̌n jaá gbɨ̂gba ɨ́ milʉ́ mín ó: «Pɔ̂l mû ó lɨ́ esâ mínkar ɨ́ míh gá mɨ́ná.» Yé akúnwo bá nó. Mě jaá kar nkâr nyǎm ó, njɨ ɨ́ míh mé Nzyɛ̌m, ɨ́ mpʉ̌ Krîst dí ekpɛl yɨ́. Bʉr ó kpɛ̌l bâm ɛ̌! Bɨ̌h sá bísyɛ́ɛla bínɨ̌ bíbyɛ̂h ó, lɨ́ esâ ó, búʼó yɨ́n, yé gwɨ́aa.

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

2 Korɛnt 13:9

Bɨ̌h bé lɨ́ esoho ɨ́ jɔʼ bɨ́h dí enyɨ̂n bítyɛʼbol, bɨ̌n bɨɛ baánkunkúl yɨ́. Lʉ́ ékǎn ɨ́ minjɨʼla míh wé ó, bɨ̌n gwâ kwɨmlɨ mbɨ̂mbɨá nó.

2 Korɛnt 3:8

Syɛ́ɛ́ yé á ntɛŋ eswie ɨ́ bʉr yɨ́, yé pǎ nyɛɛ́ ntyɛnwa, á dwɛʼra e yaá Sísǐm mé Nzyɛ̌m mû lɨ́ eséa yɨ́! Syɛ́ɛ́ yé yaá, yé óbuú ntyɛnwa, laa yɨ́haá.

2 Korɛnt 4:1

Bɨ̌h bé adímle nkûl ɨ́ miléme, ebě, Nzyɛ̌m á si jɨ̂ʼ bɨ̌h nkoó lɨ́ edwe bɨ́h syɛ́ɛ́ yɨ̂.

2 Korɛnt 5:18

Nó ó, syɛ́ɛla yaá yɨ́yɛ̂h, yé duho ó e Nzyɛ̌m. Nye ó b'á sâ saá dí edira mɨ́ná gá le onɔ́ɔ́ nyɨ́. Nye á saa lɔ̌b gá wɨ́ná ó, ɨ́ nzɨ̌ mé Krîst. Nye ntémé ó b'á tyêl bɨ̌h ɨ́ syɛ́ɛ́ ó, bɨ̌h níŋlaa bʉ́ʉ́ bʉ̂r ɨ́ sɔ́má bʉ̂r o bé e boo nɔ́ɔ́ mû ɨ́ saá bá.

2 Korɛnt 6:3

Bɨ̌h bé agbâ mébɔ̌ʼ ɨ́ nzɨ̌, lɨ́ ebene ó, mʉr ámû jaá twe. Nó ntémé ó bɨ́h ngá séǎ syɛ́ɛ́, mʉr adwe bɨ́h mebě tɨ̂ʼ yɨ́.

2 Korɛnt 7:1

Nó, bɨ́ɔɔ́ o kpɛ̌l bâm ɛ̌! Mpʉ mɨ́ná gá dí e menkɛ̌ʼ ménɨ̌ yɨ́, mɨná púbaa gá mɨná bʉr o tɨ̂. Mɨná pɛ́ʼɛɛ gá bilœ̌ʼ bi dí ɨ́ mɨná gá ɨ́ menyʉ̂l ti e miléme bí. Mɨná kómlaa gá kʉ̌ tyen gá wɨ́ná, ó wé díʼee sá dí ti yɨ́, ɨ́ ndwááwá mɨ́ná dí edwáawo gá Nzyɛ̌m wɨ́.

Éfɛsɔs 1:23

Mbɛ̌r-Nzyɛ̌m, wé ó nyʉ̂l mé Krîst. Krîst, nye ó lwɨ́ŋlá ɨ́ Mbɛ̌r-Nzyɛ̌m ɨ́ gúmó yɨ́yɛ̂h. Krîst ngwár e ngwár waá ntémé ó dí elóno ɨ́ mpóʼo nyɨnyɛ̂h nyá.

Éfɛsɔs 4:16

Nye ó mʉr dí epûhla mɨ́ná gá óbɛ̂h, ó mɨná díʼee gá nyʉ̂l mpwár nyá. Bitíl bí nyʉ̂l byaá, nyě dirá byé ɨ́ mebɨ̌l ó e misihé. Misihé myaá ó dí entɛŋ bítíl bí nyʉ̂l bisâ bi dí byé e nyɔm bí. Sihé wɨ́wɛ̂h, wé ɨ́ jala le esúʼo nyʉ̂l ó, lɨ́ edû mpʉ̌ Nzyɛ̌m á komlo wɨ́haá yɨ́. Nkul nyé ó dí esâ ó, nyʉ̂l nyaá gwɨ́aa mbɨ̂mbɨá. Mpúhlá obûʼla, nye lɨ́ etô le egwɨ́e dóló ɨ́ jɔʼ bʉ̂r o dí tɨ̂ʼ bá dí ekpɛla yɨ́.

Éfɛsɔs 4:29

Mʉr alwib gá ekǎn e dí e bibol tɨ̂ʼ lɨ́. Nye lwíbɨɨ njɨ sá ngá be e nyɔm lɨ́ esú lé égbâ bʉ́ʉ́ bʉ̂r pîm ɨ́ búʼó yɨ́. Nye jáa lwǐb njɨ sá dí ɨ́ mbɨa yɨ́, lɨ́ esú ó, Nzyɛ̌m sʉ́ʼoo bʉr o dí ejóʼo nyé bá metyɛʼ me mpóm.

Éfɛsɔs 4:4

Nyʉ̂l mé Krîst, nye ó mpwár. Sísǐm mé Nzyɛ̌m, nye ó ngwár. Mpûʼla mpwár ó dí bɨ̌n ɨ́ miléme, táare ɨ́ jɔ̌ʼ Nzyɛ̌m á jébe bɨ̌n yɨ́.

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

Kolosi 1:28

Sá tɨ̂ʼ ó bɨ́h dí etúnǒ lɔ́ɔ́ mé Krîst páʼ bʉ̂r bɨ́bɛ̂h yɨ́. Bɨ̌h bé lɨ́ ecɨ̂l mʉ̂r nyɨnyɛ̂h. Bɨ̌h bé lɨ́ elɛ̂ʼle bʉ̂r bɨ́bɛ̂h le ocwóó wɨ́wɛ̂h, ó bɨ̌h nkʉ̂ tyêl bé ɨ́ míh mé Nzyɛ̌m, bé osí pǎ gwá tɔ́ma ɨ́ mipáʼ mímyɛ̂h ɨ́ nzɨ̌ mé Krîst.

Kolosi 4:17

Lɛ́yɨ́ɨ́ gá ntémé le Arkípɔs ó, nye gbâʼ nkul ɨ́ syɛ́ɛ́ Tî Yésʉs á lómo nye ó, nye séaa yɨ́. Nye lóŋlaa yê.

1 Timotɛ 1:12

Me lɨ́ edwe Tî gá wɨ́ná Yésʉs-Krîst nzyǒo, mʉr á dwe me nkul ɨ́ syɛ́ɛ́ yâm nyá, ebě, nye á láa ó, me ó mʉr ebúʼlɔɔ, nye ntɔ̂ʼ tyêl mé ɨ́ syɛ́ɛ́ yé,

2 Timotɛ 4:11

Luc nye omér ó dí wâ. Jébáá Marc; bɨ̌n e nɔ́ɔ́ e nzê. Nyě e nyɔm ɨ́ lɔ̌b syɛ́ɛ́ nyé óbɛ̌m séa e me yɨ́.

2 Timotɛ 4:5

Sâ gwár, gua, máráá léme ɨ́ bijɔʼ bíbyɛ̂h. Júhwáá mítúú. Séáá syɛ́ɛ́ étúnǒ Mbɨambɨa Lɔ́ɔ. Lóŋláá syɛ́ɛ́ Nzyɛ̌m á tyêl go tɨ̂ʼ yɨ́ yɨ́yɛ̂h.

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

Ebrœ̂ 6:1

Nó, mɨná gwáʼaa edwe gá milɛ́ʼlá bé dí enyɛɛ́ jɨ̂ʼ ésôʼ, myaá mi dí edumo e Krîst mí. Mɨná dwéelaa gá myaá mi dí esâ ó, mʉr tɔ́maa ɨ́ pɨʼ mí. Bɨ̌h bé ákǎ báʼǎ lɛ̂ʼle bɨ́n milʉ́ mékǎn mâ: etúmǒ koo e bibol bísyɛ́ɛla, edwirǎ léme, edyêʼ koo e Nzyɛ̌m,