Éfɛsɔs 4:11 - Kálar Nzyɛ̌m : Ejwán é Sáá

¹¹ Nye á be ɨ́ dwe bʉ̂r mindwéá mimbi mimbi. Nye nzě sâ ó, bâʼ bʉ̂r, bé díʼee bʉr o mílʉ́mlʉ́ mé Yésʉs; bâʼ bɨ́ɛ, ogwíha o mílɔ̌b; bʉ́ʉ́ bɨ́ɛ, otúna ó Mbɨambɨa Lɔ́ɔ; bʉ́ʉ́ bʉ̂r ntémé, otyɛ̂b bé ésôʼ ó Mbɛ̌r-Nzyɛ̌m; bʉ́ʉ́, olɛ̂ʼla o mílɔ̌b mé Nzyɛ̌m.

Kálara Zyɛ̌m Edwán é mpʉ̌n

¹¹ Nye ó b'a dwe bʉr mɨndwɛa mɨmbi mɨmbi. Nye a sa ó, baʼ bʉr, bé diʼe mɨlʉmlʉ; baʼ, ogwiha o mɨlɔb; bʉʉ, olɛa o Mbɨambɨa Lɔɔ; bʉʉ bʉr nteme, okobla o mɨmbɛr mɨ Zyɛm; bʉʉ, oyeʼle o mɨlɔb mo Zyɛm.

Éfɛsɔs 4:11 Iomraidhean Croise

Mataos 28:20

Bɨ̌n a lɛ́ʼlé bê, ó bé bâʼlaa bisá bíbyɛ̂h mé á boo lɛ́ɛ bɨ̌n bí. Gʉ́ŋáá gá ó: me ódi e bɨ̌n melú mɨ́mɛ̂h, tó pyâl pyáláa ɨ́ jɔʼ mpóʼo sí yɨ̂ʼ ósíe yɨ́.»

Mɨlʉmlʉ 13:1

Ɨ́ sɔ́má bʉ̂r ó Mbɛ̌r-Nzyɛ̌m Antiôs, yé á be ó, le ogwíha o mílɔ̌b le ompʉ́n. Bé á be ó Banabâs, ndu e Siméon, mʉr Nígɛr, Lʉ́siʉs, mʉr Sirénia, ti e Manaɛ̂n. (Bé e ngóvina Erôd ó b'á gbɔlwa sɔ́má.) Saʉ̂l á be ntémé ó tɨ̂.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Mɨlʉmlʉ 21:8

Ádwií ɨ́ mɛ́n tɨ̂ʼ nɛ́ɛ: bɨ̌h nzě mɔa, pyâl Kesáre. Tɨ̂ʼ ó bɨ́h á sul ɨ́ mbɛ̌r mé Philippe yɨ́. Philippe á be ó mʉr ngwár ɨ́ sɔ́má bʉ̂r nzaangbá bé á pɛ́hɔɔ ɨ́ Yerʉ́zalɛm bá. Nye ntémé á be ó, lɛ́ɛ pô. Bɨ̌h bé á jâ ó, ɨ́ mbɛ̌r wé.

Rôm 12:7

Yé bé Nzyɛ̌m á dwe go ó, ndwéá ékɛm bʉ̂r nó, séáá syɛ́ɛ́ yaá. Yé bé nye á dwe gua ó, ndwéá édwe bʉ̂r milɛ́ʼlá nó, lɛ́ʼláá bê.

1 Korɛnt 12:4

Yé ɨ́ buo mímbi míndwéá Sísǐm mé Nzyɛ̌m dí edwe bɨ́n mí. Sâ gwár, Sísǐm wɨ́ɛ njɨ ngwár.

Éfɛsɔs 2:20

Bɨ̌n bé ó mpʉ̌ poro bé á lúmo ɨ́ mbɛ̌r yɨ́. Nkan mbɛ̌r nyɨɛ, nye ó bʉr o mílʉ́mlʉ́ mé Yésʉs, bé le ogwíha o mílɔ̌b mé Nzyɛ̌m. Yésʉs-Krîst mʉr tɨ̂ʼ ó dí medwii me sɔ́ŋ.

Éfɛsɔs 3:5

Ɨ́ mimbú mí píhe, mimyǎ mi bʉ̂r ɨ́ buo buo, bé á bé agʉ́a épâʼlǎ solá lɔ̌b waá. Ɨ́ báánâ, Nzyɛ̌m mû kǎ gwîh wé ó e nzɨ̌ Sísǐm wé. Sísǐm mé Nzyɛ̌m nyɨɛ, nyě gwíh wé ó, kwá bʉr o mílʉ́mlʉ́ mé Yésʉs-Krîst, bé le ogwíha o mílɔ̌b mé Nzyɛ̌m. Bé gúmó ó e Nzyɛ̌m.

Éfɛsɔs 4:8

Sá tɨ̂ʼ ó yé dí cɛmá ó: Jɔʼ nyé á bɨ́nɔɔ ɨ́ jʉ́o kʉ́ yɨ́, nye á si ntaa ontɨ̂m le obɨn bé. Nye nzě tô e bé lɨ́ okómó. Nye ntɔ̂ʼ kab bʉ̂r ó sí mindwéá.

2 Timotɛ 4:5

Sâ gwár, gua, máráá léme ɨ́ bijɔʼ bíbyɛ̂h. Júhwáá mítúú. Séáá syɛ́ɛ́ étúnǒ Mbɨambɨa Lɔ́ɔ. Lóŋláá syɛ́ɛ́ Nzyɛ̌m á tyêl go tɨ̂ʼ yɨ́ yɨ́yɛ̂h.

Ebrœ̂ 5:12

Yɨ́ boó laǎ jɔʼ bɨ́n á jala le epyâl ólɛ̂ʼla yɨ́. Yé jɨ ó, bé báʼa nzě lɛ̂ʼle bɨ́n bisá bí ésôʼ bɨ́n á nyɛɛ lɛ̂ʼlɔɔ ɨ́ milɔ̌b mé Nzyɛ̌m bí. Bɨ̌n dína ó mpʉ bítyéé bi dí ede ébêl bí. Bɨ̌n bé apǎ dyɛnwa e mede mé ótɔ́má bʉ̂r.

Yʉ̂d 1:17

Bʉr ó kpɛ̌l bâm, símsáá gá mekǎn bʉ̂r o mílʉ́mlʉ́ mé Tî gá wɨ́ná Yésʉs-Krîst á lɛ́ɛ má.

Mɨngwiha 18:20

Bʉr o kʉ́, doʼaa gá lɨ́ etɨʼla lé. Bʉr o dí egúmo e né bá, bʉr o mílʉ́mlʉ́ bé, ndu e l'ogwíha o mílɔ̌b bé, sohaa gâ, bɨ̌n óbɛ̂h, ebě, Nzyɛ̌m, nyɨ́ tíʼě lɔ̌b, dwe bɨ́n nkam, dwe bé mebě.

Mɨngwiha 21:14

Bé á si gbâ mekóʼ kám e mebá tʉ́ŋlʉ̌ kôʼ waá. Bé á be ó sí cɛma míé mé bʉ̂r o mílʉ́mlʉ́ kám le obá Mâ Nteme á títye e bé bá, ɨ́ mekóʼ maá.