Éfɛsɔs 4:1 - Kálar Nzyɛ̌m : Ejwán é Sáá

¹ Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.

Kálara Zyɛ̌m Edwán é mpʉ̌n

¹ Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

Éfɛsɔs 4:1 Iomraidhean Croise

Mɨlʉmlʉ 9:31

Mbɛ̌r-Nzyɛ̌m nzě bi mépyɛbla, táare ɨ́ sí Yʉ́da, kala ɨ́ yaá Samarî, kumǒ kumáa ɨ́ yaá Galilê yɨ́yɛ̂h. Wé á si bu nʉa pîm le megwɨ́e. Mbɛ̌r-Nzyɛ̌m ntɔ̂ʼ bwaʼ ɨ́ nzɨ̌ Sísǐm mé Nzyɛ̌m. Wé á titiʼe ntémé ó, lɨ́ ekʉ́ dwáawo Tî Yésʉs.

Rôm 11:29

Ebě, jɔ̌ʼ Nzyɛ̌m mû sí tíʼe ɨ́ lémé wé ó, nyě jébé ó mʉr swîh, nkʉ̂ mʉr kɛl, le edwe nyé mindwéá yɨ́, nye ácéne mítíʼá mí ésôʼ myaá píe tɨ̂.

Rôm 12:1

Nó, bɨ́ɔɔ́ bâm ɛ̌, me lɨ́ ejɨʼla e bɨ̌n ɨ́ nkoó Nzyɛ̌m á jɨ̂ʼ gá mɨná nyɨ́, ó bɨ̌n tímlaa nye menyʉ́l mɨ́n ntinɨ̂ e ntinɨ̂, ebě, menyʉ́l mɨ́n, mé ɨ́ jala le esûʼla ó, mikublakúbla míndwéá mi dí ti ɨ́ míh mé Nzyɛ̌m mí. Nye óbee bícwiʼ bín byaá mbɨ̂mbɨá. Yé ntémé ó dí mpǎŋ ndwéá kûm dí ejala e misísǐm mín wɨ́.

1 Korɛnt 4:16

Nó ó, me lɨ́ ejɨʼla e bɨ̌n ó, bɨ̌n báŋaa me.

2 Korɛnt 10:1

Nó ó, mɛm mʉr tɨ̂, Pɔ̂l, me lɨ́ ejɨʼla e bɨ̌n ɨ́ metala le mpam mé Krîst,... Mɛm, mʉr bɨ́n dí epǎ lɛ́ɛ ó: «Nye ɨ́ jɔr nyʉ̂l ɨ́ jɔʼ mɨ́ná gá le onɔ́ɔ́ dí gúmo gwár yɨ́», waá bɨ́n dí epǎ lɛ́ɛ ntémé ó: «Nyě e lémé ébɨ̌h e mɨná gá ɨ́ jɔʼ mɨ́ná gá le onɔ́ɔ́ dí e ncɛrá yɨ́» nyá.

2 Korɛnt 5:20

Nó bɨ̌h bé ó bʉr o mílʉ́mlʉ́ ɨ́ syɛ́ɛ́ mé Krîst. Yé ó mpʉ̌ sá lɛ́ɛ́, Nzyɛ̌m mʉr tɨ̂ʼ ó dí ejébe bɨ́n ɨ́ nzɨ̌ njɨ́blɨ́ wɨ́h. Ɨ́ tyé mé Krîst, bɨ̌h mû lɨ́ ejɨʼla e bɨ̌n ó nɛ́ɛ: kamaa gá ó, bɨ̌n bɨɛ díʼee baá Nzyɛ̌m á sâ saá páʼ bé e boo nɔ́ɔ́ bá.

2 Korɛnt 6:1

Ebě, Nzyɛ̌m lɛ́ɛ́ ó nɛ́ɛ: «Ɨ́ jɔʼ yé á jala yɨ́, me á si jóʼo go. Ɨ́ móhó mé á tiʼ bʉ́ʉ́ bʉ̂r wɨ́, me á si kɛm go ntémé.» Nó mpʉ bɨ́h dí esɨséǎ Nzyɛ̌m syɛ́ɛ́ gwár yaá yɨ́, bɨ̌h bé lɨ́ ejɨʼla e bɨ̌n ó, bɨ̌n ayɨ́ bi mpâm mé Nzyɛ̌m dwêh. Jɔ̌ʼ Nzyɛ̌m á kam ó, nye óyala mɨ́ná gá yɨ́ ó yɨ̂. Móhó nyé á tyêl lɨ́ esú lé étiʼ mɨ́ná gá wɨ́ ó wɨ̂.

Galásia 4:12

Bɨ́ɔɔ́ bâm! Okɛ́l bâm! Diʼee gá mpʉ mê, jwɨʼ gwár e gwár e mpʉ mé mû sí dǐ mpʉ bɨ́n dí yɨ́. Bɨ̌n bé á bé asâ mé ebébe.

Éfɛsɔs 2:10

Mɨná gá bé ó bʉr ó Nzyɛ̌m á sâ e mebó mé nye mʉr tɨ̂ʼ bá. Nye á komlo mɨná gá ɨ́ nzɨ̌ mé Yésʉs-Krîst ó, mɨná díʼee gá bʉr o dí esâ nyé bisyɛ́ɛla bimpâ bá. Nzyɛ̌m mʉr tɨ̂ʼ ó b'á boo tíʼe ɨ́ lémé wé ó, mɨná sâʼ gá nye byǎ.

Éfɛsɔs 3:1

Nó, mɛm Pɔ̂l, mʉr dí mbʉʼ ɨ́ syɛ́ɛ́ mé Krîst ɨ́ lɔ̌b nyɔm wɨ́n, bʉr o dí abe óYúden bá nyá...

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

Éfɛsɔs 4:4

Nyʉ̂l mé Krîst, nye ó mpwár. Sísǐm mé Nzyɛ̌m, nye ó ngwár. Mpûʼla mpwár ó dí bɨ̌n ɨ́ miléme, táare ɨ́ jɔ̌ʼ Nzyɛ̌m á jébe bɨ̌n yɨ́.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Filipi 1:27

Sâ gwár, dúʼóó gá kʉ̌ tyen dí ejala e bʉr o dí ebúʼlǎ Mbɨambɨa Lɔ́ɔ́ mé Krîst bá wɨ́. Bɨ́n sá nó wá, me ókpɛl éjóʼǒ lɔ́ɔ́ búʼó yɨ́n ó, bɨ̌n dína ó ɨ́ mpúhlá e nzɨ̌ Sísǐm ngwár. Bɨ̌n bé lɨ́ egbâ nkûl lɨ́ edi e léme ngwár, le etye ɨ́ nzɨ̌ búʼó mpʉ̌ Mbɨambɨa Lɔ́ɔ dí elɛ̂ʼle yɨ́. Mě damá nze, nzě bee bɨ́n, nkʉ̂ ntémé di wâ, me ójóʼo yɨ́ɛ lɔ́ɔ́ tɨ̂.

Filipi 3:14

Me lɨ́ egbâ nkûl lɨ́ etô dóló, tó pyâl lɨ́ odumo. Me lɨ́ egwɨ̂m ébi myɛ́na mé Nzyɛ̌m nyé dí ejébe mɨ́ná gá ó, mɨná tô bi gá, cɨɨ ɨ́ nzɨ̌ mé Yésʉs-Krîst má. Mé ó komá ɨ́ jʉ́o kʉ́.

Kolosi 1:10

Nó ó, bɨ̌n bé óbɛ̌m tyě mpʉ Tî Yésʉs dí ekpɛl yɨ́, le esâ ɨ́ jɔʼ yɨ́yɛ̂h sá nyé dí ekpɛl yɨ́. Bɨ̌n bé ótô dóló le egúmo mímpaŋ mi mpúmó ɨ́ bisyɛ́ɛla bimpâ bín bíbyɛ̂h. Tóʼ gá dóló le egwɨ́e ɨ́ pɨʼ le ngwɨ́á mé Nzyɛ̌m.

Kolosi 2:6

Mpʉ yê tyeetye ó, bɨ̌n bé á si bi Yésʉs-Krîst tâŋ Njwɨ́ɨ wɨ́n yɨ́, diʼee gá ɨ́ mpúhlá e né.

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

1 Tesalonika 2:12

Bɨ̌h bé á si cɨ̂l bɨ̌n, le epóblo bɨ́n, le eboʼlo ó, bɨ̌n bé ɨ́ jala le edû kʉ̌ tyěn Nzyɛ̌m dí ekpɛl wɨ́. Tiʼaa gá nó, ebě, nye á jébe bɨ̌n ó, bɨ̌n níʼee ɨ́ Mpóʼo nyé, gúmó kûm nyé dí yɨ́.

2 Tesalonika 1:11

Ɨ́ pâʼ waá ntémé ó bɨ́h dí ejɨʼla ɨ́ bijɔʼ bíbyɛ̂h ɨ́ lɔ̌b wɨ́n yɨ́. Bɨ̌h jɨʼlá e Nzyɛ̌m ó, nye béyɨɨ mbɨ̂mbɨá, ó bɨ̌n bé lɨ́ edû kʉ̌ tyen nyé á jébe bɨ̌n ó, bɨ̌n dúʼoo wɨ́. Bɨ̌h jɨʼlá ntémé ó, nye gbâʼ nkul nyé ó, bɨ̌n lóŋlaa bisyɛ́ɛla bɨ́n dí ebúʼla ó, bɨ̌n jálá le eséa nyé bí.

2 Timotɛ 1:9

Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.

Títos 2:10

Byé ajala le ejaa mébô ɨ́ páʼ bísá bí ójwɨ́ɨ́ bɔ́ɔ́. Byé ɨ́ jala le elɛ̂ʼle ó, bé e nkul ebúʼla byé ntinɨ̂ e ntinɨ̂. Sá tɨ̂ʼ ó bé óbuú gbâ dúu ɨ́ lɛ́ʼlá mɨ́ná dí edwe bé, dumo e Nzyɛ̌m, Tiʼbʉr gá wɨ́ná wɨ́ yɨ́.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

1 Pyɛr 2:11

Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.

1 Pyɛr 3:9

Mʉ̌r sá abɔlǎ syɛ́ɛla ébébe le ebébe. Mʉ̌r sá abɔla mélwɨ́ɨ́ e melwɨ́ɨ. Yé jala yɨ́ɛ ó, bɨ̌n yálaa baányâ-melwɨ́ɨ ó, lɨ́ esyɛɛ bé metyéelé, ebě, Nzyɛ̌m á jébe bɨ̌n ó, bɨ̌n sâʼ nó. Bɨ̌n bé onʉa métyɛʼ me mpóm mé Nzyɛ̌m mpʉ nkɔ̂b líʼe nyɨ́n.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

2 Pyɛr 1:3

Nzyɛ̌m á si gbâ nkul nyé lɨ́ edwe mɨ́ná gá sá yɨ́yɛ̂h dí e nyɔm lɨ́ esú ó, mɨná tíʼaa gá, le egúmo gá e né yɨ́. Nye á jébe mɨná gá ó, ɨ́ nzɨ̌ kûm nyé le mbɨambɨa njwɨr wé.

2 Yʉanes 1:5

Nó, ɨ́ báánâ, ntʉ édwán lé étié mé dí ecɛma bɨ́n lɨ̂. Yé ó etié e myâ bɨ́n á boo bi, duho ɨ́ menyɛ̌l lɨ́. Dimé mʉ́má nyâ, mě jɨʼlá e bɨ̌n ó, mɨná kpɛ́laa gá páʼ gá nyɨ́ná!