Éfɛsɔs 3:9 - Kálar Nzyɛ̌m : Ejwán é Sáá

⁹ Nye á dwe me syɛ́ɛ́ ntémé ó, me pâʼlaa jwɨʼ nyé á boo tíʼe ɨ́ lémé wé yɨ́, pyêl yé ɨ́ myɛ́n. Nzyɛ̌m, mʉr á kuho bisá bíbyɛ̂h nyá, á nyɛɛ sol jwɨʼ yé yaá ɨ́ mimbú mí píhe ó, bʉr jóʼaa sɔ̂ʼ njɨ lwǐb ódîm, yé omér.

Kálara Zyɛ̌m Edwán é mpʉ̌n

⁹ Nye a dwe me syɛɛ nteme ó, me pɛʼla lwib odim nye a bɛa fol ɨ, pyɛl ye é myɛn. Molu pihe, Zyɛm, waa a cye bɨsa bibyɛh ɛ, a be ó si taare fol jwɨʼ ye yaa.

Éfɛsɔs 3:9 Iomraidhean Croise

Mataos 10:27

Sá mé lɛ́ɛ́ bɨ́n lɨ́ edúrʉ́ʉ́ yɨ́, báʼá lɛ́ɛ gá yé ɨ́ móhó ɨ́ kpɛŋlɛm. Sá bɨ́n jóʼó lɨ́ esǒ yɨ́, tyɛ́bɨ́ɨ́ gá kʉ́ mié, bɨ̌n e túnó yê.

Mataos 13:35

Nye á sâ nó ó, milɛ́á mé nyʉ́ʉ́ ngwíha milɔ̌b, myé nkʉ̂ dira. Yê cɛmá ɨ́ Mekaná mé Nzyɛ̌m ó: «Me ólwib e bé ó ɨ́ nzɨ̌ bikɨkɛna. Me ólɛ́ɛ bé milɔ̌b mi dí misolá mí, táare ɨ́ jɔ̌ʼ kʉ́ e sí, byé á be apǎ bě kuhá yɨ́.»

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Mataos 28:19

Nó ó, tóʼ gá ɨ́ sí yɨ́yɛ̂h. Bɨ̌n a sá bíkúl bíbyɛ̂h ompʉ́n bâm. Bɨ̌n bé odu bé ɨ́ díé é Sɔ́ŋ, le Mwân le Sísǐm mé Nzyɛ̌m.

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Yʉanes 10:30

Bɨ̌h e nɔ́ɔ́, bé ó sâ gwár.»

Yʉanes 5:17

Nó ó Yésʉs á nze lɛ́ɛ e bé ó: «Sɔ́ŋ wǎm séá ó bijɔʼ bíbyɛ̂h, nzě kumo ɨ́ báánâ. Mɛm ntémé, me lɨ́ eséa.»

Yʉanes 5:19

Yésʉs nzě báʼǎ nʉǎ lwǐb. Nye ó: «Mě lɛ́ɛ́ bɨ́n lɨ́ otyeetye ó, Mwân mé Nzyɛ̌m, nyé abe lɨ́ esâ yʉ́ʉ́ sɔ̂ʼ e nkul nyé mʉr tɨ̂. Nyě jaá sâ ó, njɨ syɛ́ɛla nyé dí ebee Sɔ́ŋ wé lɨ́ esâ yɨ́, ebě, syɛ́ɛla yɨ́yɛ̂h Sɔ́ŋ dí esâ yɨ́, yé ntémé ó Mwân wé dí esâ yɨ́.

Mɨlʉmlʉ 15:18

waá dí eboó gʉ́a byé táarě myâ nyá.”»

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

1 Korɛnt 2:7

Bɨ̌h lɛ́ʼlé ó, ocwóó mé Nzyɛ̌m dí solá wɨ́. Wé ó sá Nzyɛ̌m á sol bʉr yɨ́. Nye dína apǎ kuho kʉ́ e sí, nye á boo tíʼe ɨ́ lémé wé ó, nyě dwé mɨ́ná gá ó ocwóó waá, ti e kûm tɨ̂.

Éfɛsɔs 1:4

mɨná gúmlaa gá nye, ebě, nye á si boo twâr mɨná gâ, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Nye á twâr mɨná gá ó, mɨná gúmaa gá e né, ɨ́ nzɨ̌ mé Krîst, abe e sá ébébe nyé ónwâhle mɨ́ná gá e tɨ̂.

Éfɛsɔs 3:2

Nzê bɨ̌n bé á bé así jóʼǒ mpʉ̌ Nzyɛ̌m á sâ ó, me díʼee syɛ̂l mesâ wé lɨ́ esú lɨ́n yɨ́ ɛ́? Nye á si kʉ sâ me mpam nyé, me nkʉ̂ di bɨ́n e nyɔm.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

Kolosi 1:26

Wé á nyɛɛ bɨbe ó, ɨ́ lwǐb ódîm, sá Nzyɛ̌m á sol ɨ́ mimyǎ mi bʉ̂r, duho myâ yɨ́. Tó kœb ó, nyɨ́ kǎ lɛ̂ʼle wé ɨ́ kpɛŋlɛm kwá bʉr o dí egúmo e né bá.

Kolosi 3:3

Ebě, bɨ̌n bɨ́ dwe. Twiʼ yɨ́n mû ó lɨ́ esǒ kwá mé Krîst. Sá tɨ̂ʼ ó bícwiʼ bín e Nzyɛ̌m mû mpúhlá yɨ́.

Kolosi 4:3

Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

2 Tesalonika 2:13

Bɨ́ɔɔ́ bɨ́h! Okɛ́l bɨ́h! Tî Yésʉs, nye lɨ́ ebuú kpɛl bɨ́n. Yé jala ó, bɨ̌h dwêʼ Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n, ebě, nyɨ́ twâr bɨ́n, duho ɨ́ menyɛ̌l, ó bɨ̌n tíʼaa njʉ̌m dǐ e njʉ̌m dǐ. Nye mû ó lɨ́ etíʼ bɨ́n e nzɨ̌ Sísǐm mé Nzyɛ̌m wé á pubo bɨ̌n nyá. Bɨ̌n mû ó lɨ́ ebǐ twiʼ mpâ ɨ́ nzɨ̌ búʼó bɨ́n dí ebúʼla ótyeetye yɨ́.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

2 Timotɛ 1:9

Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.

2 Timotɛ 4:17

Tî Yésʉs ó b'á kɛm me, le egbâ mé pîm ɨ́ búʼó. Nye á sâ nó ó, nye nkʉ̂ swâhlě túnó waá ɨ́ nzɨ̌ nyǎm, le esâ ó, bʉr o bíkúl bíbyɛ̂h nkʉ̂ jóʼo wê. Nó ntémé ó mé á pɛʼɔɔ ɨ́ nǔm ngbampɨɨ yɨ́.

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

1 Pyɛr 1:20

Nzyɛ̌m Sɔ́ŋ á si boo gʉ́a, kʉ́ e sí, byé l'apǎ bě kuhá ó, Krîst ólóŋlǒ syɛ́ɛ́ yaá. Nye nzě kǎ lɛ̂ʼle mɨ́ná gá nyǎ ɨ́ melú mé épíhe mâʼ lɨ́ esú lɨ́n.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

Mɨngwiha 14:6

Nó ó, me á si bee nyʉ́ʉ́ éngeles lɨ́ epiilɨ lɨ́ ejwoo kʉ́. Nye á nze ó, lɨ́ enzě túnǒ Mbɨambɨa Lɔ́ɔ. Wé ó lɔ́ɔ dí acéneceně kɔ́m ti e kɔ́m wɨ́. Nye ótúno wé ó, kwá bikûl bíbyɛ̂h, odil ó sí bɨ́bɛ̂h, ɨ́ mesí mɨ́mɛ̂h, e mempóʼo mɨ́mɛ̂h, le ɨ́ bilwǐb bíbyɛ̂h.

Mɨngwiha 17:8

Tír gó á bee nyá, á boo be ó tɨ̂, jɔ̌ʼ myâ. Tó kœb ó, nyé akǎ be. Yɨ́ kǎ lîʼ tîtííǎ, nyé opah, duho ɨ́ bɨ́ dí sí ɨ́ kœ́ʼlɛ́ yɨ́. Nyé óduho tɨ̂ʼ nó, nyé odwe. Nzyɛ̌m á si cɛma míé mé bʉ̂r o nyé ngá tíʼ bá, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Sâ gwár, bʉr o míe dí anyɨ̂n ɨ́ mekaná mé twiʼ maá bá, bé óbuú kâm tír waá, ebě, bé óbee ó, nye á be ɨ́ nyɛɛ́ tíʼe, nye nzě dwe. Bé óbee nyé ntémé lɨ́ ebáʼǎ pah.

Mɨngwiha 4:11

«Dâ Nzyɛ̌m wɨ́h! Yé jala ó, bʉr gúmlaa go, ebě, go ó tîtyěl mʉr. Go lɨ́ ejala ntémé ó, bé sêʼlaa go, le edwe gó nkul nyɨnyɛ̂h. Ebě, go ó b'á komlo bisá bíbyɛ̂h. Ɨ́ gwɨ́má yô ó, gó á komlo byé yɨ́. Sá tɨ̂ʼ ó byé dí tɨ̂ʼ yɨ́.»