Éfɛsɔs 3:4 - Kálar Nzyɛ̌m : Ejwán é Sáá

⁴ Bɨ́n láá mékaná mâʼ nó, bɨ̌n bé ojʉ̂ʼrǎ sá mé mû sí gʉ́a ɨ́ pébébé, dumo e Krîst yɨ́. Sâ yaá, yé á nyɛɛ be ó lwǐb ódîm.

Kálara Zyɛ̌m Edwán é mpʉ̌n

⁴ ǃBɨn si láa kalara nwaʼ nɛʼɛ, bɨn bé ójoʼo sa me mu si gʉa é kpɛhla, tiibe e Krɨst ɨ. Sa yaa, yé é nko paʼ bʉʉ bʉr ó, lwib odim.

Éfɛsɔs 3:4 Iomraidhean Croise

Mataos 13:11

Nye ntɔ̂ʼ yala e bé ó: «Bɨ̌n ó Nzyɛ̌m á gwîh bisá mésǒ bi Mpóʼo nyé. Nó bɨ́ɛ á bé agwíhɔɔ byê.

Lʉkas 8:10

Yésʉs ntɔ̂ʼ yala ó: «Bɨ̌n ó Nzyɛ̌m á gwîh bisâ bi dí misolá ɨ́ Mpóʼo nyé bí, ó bɨ̌n gʉ́ŋaa byé ɨ́ pébébé. Sâ gwár, ɨ́ páʼ bʉ̂r oswîh bɨ́ɛ, bé kʉ́ gwá jóʼo ó, njɨ ɨ́ nzɨ̌ bikɨkɛna, lɨ́ esú ó, mekǎn me ngwíha milɔ̌b mé Nzyɛ̌m, mé díraa. Nye á cɛma ó: “Bé lɨ́ edwɛ̂ʼ e mîh mimběʼ, abee. Bé lɨ́ ejôʼlo e megwǎl, ajóʼo, agʉ́a ntémé.”

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

1 Korɛnt 13:2

Me óbɛ̌m be e ndwéá égwîh bísyɛ́ɛla ngá syɛ́ɛ bí, le egʉ́a épâʼlǎ lwǐb ódîm yɨ́yɛ̂h, le egʉ́ǎ sá yɨ́yɛ̂h, sâ bínzololo. Me óbɛ̌m be e búʼó mbi dí ó, me pɛ́ʼɛɛ mecwɨ̂ʼ yɨ́. Sâ gwár, mé bé abe e kpɛ̌l nó, lɛ́ɛ́, mé abě sɔ̂ʼ.

1 Korɛnt 4:1

Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

2 Korɛnt 11:6

Yé bé mé abe mpáŋ lɔb nó, me yɨ́ɛ ó e ngwɨ́á bísɔ̂ʼ. Ɨ́ menzɨ̌ ménɨ̌ mɨ́mɛ̂h ó bɨ́h á lɛ̂ʼle bɨ̌n mbi bʉ̂r bɨ́h dí wɨ́, ɨ́ míh mɨ́n ɨ́ ponó.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.

Éfɛsɔs 3:3

Nye á níŋle me ɨ́ syɛ́ɛ́ yaá ó, ɨ́ jɔʼ gwár e gwár nyé á dwe me pɨʼ lɨ́ esimá yɨ́. Nye á sâ nó ó, me nkʉ̂ pâʼla bɨ́n lwǐb ódîm yé. Bɨ̌n gʉ́á nó ó e nzɨ̌ bwá mékǎn mé dí ecɛma bɨ́n mâ.

Éfɛsɔs 3:9

Nye á dwe me syɛ́ɛ́ ntémé ó, me pâʼlaa jwɨʼ nyé á boo tíʼe ɨ́ lémé wé yɨ́, pyêl yé ɨ́ myɛ́n. Nzyɛ̌m, mʉr á kuho bisá bíbyɛ̂h nyá, á nyɛɛ sol jwɨʼ yé yaá ɨ́ mimbú mí píhe ó, bʉr jóʼaa sɔ̂ʼ njɨ lwǐb ódîm, yé omér.

Éfɛsɔs 5:32

Wâm mbeá, mɛm Pɔ̂l ó wɨ̂: mɛ̌m bee ó, lwǐb ódîm nɨ̌ lɛ́ʼlé mɨ́ná gá ó, mveʼlě sá nɨ́nɨ́ɨ́ yɨ̂: lɔ̌b ébâ, wé mveʼle ó, Krîst, bé e Mbɛ̌r-Nzyɛ̌m.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Kolosi 1:26

Wé á nyɛɛ bɨbe ó, ɨ́ lwǐb ódîm, sá Nzyɛ̌m á sol ɨ́ mimyǎ mi bʉ̂r, duho myâ yɨ́. Tó kœb ó, nyɨ́ kǎ lɛ̂ʼle wé ɨ́ kpɛŋlɛm kwá bʉr o dí egúmo e né bá.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

Kolosi 4:3

Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

1 Timotɛ 3:9

Bé gwâ baʼle ótyeetye ó búʼó gá yɨ́ná, e mipahlá míléme mi dí ɨ́ pyɛɛɛ mí.