Éfɛsɔs 2:2 - Kálar Nzyɛ̌m : Ejwán é Sáá

² Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

Kálara Zyɛ̌m Edwán é mpʉ̌n

² Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...

Éfɛsɔs 2:2 Iomraidhean Croise

Mataos 11:19

Jɔʼ yɨ̂, Mwân mé Mʉr nyɨɛ, nyɨ́ kǎ pyâl: nye lɨ́ ede méde le menyoʼ. Bʉr baá nzě lɛ́ɛ ó: “Paá bee gá sâ ángʉ̂ngʉ̌l nɨ̌, nyʉnyóʼ, só bʉr o dí enʉǎ mɔnɨ́ tœ́a bá, só osyɛ̂l o mísyóm!” Sâ gwár, ocwóó mé Nzyɛ̌m wɨ́ɛ, wɨ́ kebe ɨ́ bisyɛ́ɛla bi dí eduho tɨ̂ʼ bí.»

Mataos 13:22

Nyʉ́ʉ́ ntémé nwɨɨla ó e mpeʼ yé á kur lɨ́ mindwínɨ́nɨ́ yɨ́. Nye á si kʉ jóʼo Mbɨambɨa Lɔ́ɔ. Sâ gwár, mitúú mí sí le gwɨ́má ókúm le ogbaa, byé á si dímle nye ɨ́ nzɨ̌ mikóo myɔ́ɔ́, ntɔ̂ʼ kâʼ Mbɨambɨa Lɔ́ɔ, wé l'akǎ tô dóló.

Mataos 13:38

Pemé yé, yé ó sí yɨ̂. Mpǎŋ mpeʼ, yé lɛ́ʼlé ó, nkɔb bʉr o dí ɨ́ Mpóʼo mé Dâ Nzyɛ̌m bá. Bébebébe ká, yé ó bʉr o dí ɨ́ nkɔb mé Sátan bá.

Markus 4:19

Sâ gwár, mitúú mí sí le gwɨ́má ókúm le ogbaa, byé á si dímle bé ɨ́ nzɨ̌ mikóo myɔ́ɔ́. Bé lɨ́ ebuú tyel mílémé kʉ́ lɨ́ ebi e bísá bí sí yɨ̂. Bisâ byaá, byé ntɔ̂ʼ kâʼ Mbɨambɨa Lɔ́ɔ, wé l'akǎ gúm tô dóló.

Lʉkas 16:8

Sɔ́ŋ waá nzě sêʼlě bɨ́bla mbɔ̂ʼlʉ ekúró waá, ebě, nye á si kûhlo mepɨʼ nó, ebě, bʉr ó sí yɨ̂, bé lɨ́ ekʉ́ gwá kûhlo mépɨʼ páʼ nyɔ́ɔ́, laa bʉ̂r o mé Nzyɛ̌m.»

Lʉkas 22:31

Yésʉs ntɔ̂ʼ lɛ́ɛ̌ Pétrus ó: «Simon, Simon, paá bee: Sátan, nyɨ́ gbân bɨ́n! Nye óbóblo bɨ́n. Nye lɨ́ egwɨ̂m éntyeŋ bɨ́n le esyɛʼre bɨ́n mpʉ mʉ́má dí esyɛʼrě fufú blê yɨ́.

Yʉanes 12:31

Báánâʼ mû ó jɔ̌ʼ lɔ̌b sí yɨ̂ʼ múo nzě tîʼ yɨ́. Ɨ́ báánâ, njwɨ́ɨ sí yɨ̂, múo nzě soŋɔɔ.

Yʉanes 13:2

Yésʉs, bé le ompʉ́n bé, bé á be ó lɨ́ ede. Jɔʼ yaá, sɔ́ŋ meleme á be ó sí tyɛ̂b Yʉ́das, mwân mé Simon Iskariôt, ɨ́ léme, dwe nyé pɨʼ ó, nye bɛ́maa Yésʉs.

Yʉanes 13:27

Lě Yʉ́das á nʉa blêr yaá, lě Sátan ntɔ̂ʼ á nî ɨ́ nye. Yésʉs, nye e né ó: «Sá gó dí egwɨ̂m ésâ yɨ́, kaá sâ yé kám e kám!»

Yʉanes 14:30

Me ákǎ báʼǎ buú lwib e bɨ̌n, ebě, njwɨ́ɨ sí yɨ̂, nye mû ó lɨ́ enze. Nyé abe e nkul ejwɨ́ɨ mɛ̂m yɨ́ɛ.

Yʉanes 15:19

Yé bé bɨ̌n bé á be ó bʉr ó sí yɨ̂ʼ nó, lɛ́ɛ́, bʉr ó sí, bé lɨ́ ekpɛl bɨ́n, ebě, bɨ̌n bé á gwa be ó mbi bʉ̂r wɔ́ɔ́. Sâ gwár, me á be ɨ́ twâr bɨ́n, pɛʼ bɨ́n ɨ́ sɔ́má bʉ̂r ó sí yɨ̂, ó bɨ̌n ayɨ́ kǎ gúmo e sí yɨ̂. Sɨ́ǎ yaá ó bʉ̂r ó sí yɨ̂ʼ mû sí bene bɨ́n yɨ́.

Yʉanes 16:11

Nye ólɛ̂ʼle bé tíʼá mílɔ̌b mé Nzyɛ̌m, ebě, Nzyɛ̌m, nyɨ́ boó tíʼě lɔ̌b me njwɨ́ɨ sí yɨ̂, le edwe nyé mebě.

Yʉanes 7:7

Bʉr ó sí yɨ̂, bé abe e nkul enwim bɨ́n. Bé nwím ó mɛm, ebe mé dí egwîh ó, bisyɛ́ɛla bé dí esâ bí, byé ɨ́ bébe.

Yʉanes 8:23

Yésʉs, nye e bé ó: «Bɨ̌n bé ó bʉr ó sí. Mɛm, me ó mʉr kʉ́. Bɨ̌n gúmó ó e sí yɨ̂. Mɛm, mé agúmo e yê.

Yʉanes 8:44

Sɔ́ŋ wɨ́n, nye ó sɔ́ŋ meleme. Sá tɨ̂ʼ ó bɨ́n dí ekpɨkpɛ̌l njɨ esâ gwɨ́má mé sɔ́ŋ wɨ́n yɨ́. Nye á boo be ó njʉ̂l bʉr, duho ɨ́ menyɛ̌l. Nyé abe e nkul elɛ́ɛ ótyeetye lʉ́ʉ́ dʉ́o, ebě, otyeetye, wé abe e né. Jɔʼ nyé dí elɛ́ɛ bíbɛr yɨ́, nyě lɛ́ɛ́ ó, sá yé, ánta nye, ebě, nye ó mʉr bibɛr. Nye ntémé, nye ó sɔ́ŋ bibɛr.

Mɨlʉmlʉ 19:35

Nó ó, ngóvina á leʼe ególo. Nye ó: «Bʉr o Éfɛsɔs ɛ̌, mʉr nyɨnyɛ̂h, nye lɨ́ egʉ́a ɨ́ páʼ gá wɨ́ná ó, Éfɛsɔs ó dí ebaʼlě mbɛ̌r yébé gá wɨ́ná, waá dí egúmo e nzyɛ̌m nɨ́nɨ́ɨ́ Artémis wɨ́, le mveʼle mé nzyɛ́m gá wɨ́ná, yé á duho ɨ́ jʉ́o kʉ́, duma sí yɨ́.

Mɨlʉmlʉ 5:3

Pétrus nzě lɛ́ɛ e né ó: «Ananías, ebe yé Sátan bana nze ní gó ɨ́ léme, bánǎ sâ ó, go kʉ́ŋaa Sísǐm mé Nzyɛ̌m mbǐ nɨ̌ yɨ́ ɛ́? Ebě, gʉ́ bɛ̂ʼ gúú páʼ mɔnɨ́ yô gó á nʉa lɨ́ ebóm é pemé yô yɨ́, komo yé lɨ́ empah.

Rôm 12:2

Adû gá metum me bʉ̂r ó myǎ wɨ̂. Yé jala ó, Nzyɛ̌m dwêʼ bɨ̌n bijwɨʼ bidwân, ó nye dwírɨɨ bɨ̌n miléme. Nó ó bɨ́n ngá gʉ́ǎ sá Nzyɛ̌m dí ekpɛl yɨ́. Bɨ̌n bé ogʉ́ǎ sá dí ɨ́ mbɨa yɨ́, sá dí ejala e né yɨ́, ndu e yaá dí ɨ́ pémémé ɨ́ mipáʼ mímyɛ̂h yɨ́.

1 Korɛnt 5:10

Me á bé alɛ́ɛ ó, «osyɛ̂l o bímolá bɨ́bɛ̂h», nkʉ̂ «bʉr o bígwɨ́má bɨ́bɛ̂h», nkʉ̂ «bʉr bɨ́bɛ̂h o dí edɛn bímɔnɨ́ byé onkán bá», nkʉ̂ «baá dí edwe bíkpɛʼkpɛ̂ʼ bí ónzyɛ̌m kûm bá bɨ́bɛ̂h». Lɨ́ esyɛ̂hle bé bɨ́bɛ̂h, yé á gwa jɨ ó, mɨná pʉ́ʼaa gá ɨ́ sí yɨ̂!

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Galásia 1:4

Yésʉs-Krîst mʉr tɨ̂ʼ á si dwe twiʼ yé, nzě búra e misyóm gá míná. Mpʉ nyé á jala e myé yɨ́, nyɨ́ dwih mɨ́ná gá ɨ́ sɔ́má ósyɛ̂l o mísyóm ó myǎ wɨ̂. Yésʉs á sâ nó ó, mpʉ̌ Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, á kpɛl yɨ́.

Éfɛsɔs 1:21

Nzyɛ̌m á dil nye ɨ́ mecwɨ́ɨ́ mé jwɨ́ɨ yaá ó, kʉ́ misísǐm mí édúrʉ́ʉ́ mi dí milʉ̂ mí, le myaá mi dí e nkul jwɨ́ɨ mí, le myaá mi dí e pîm mí, le myaá mi dí e menkul ménɨ́nɨ́ɨ́ mí. Krîst ó dí e díe e dí ɨ́ buú gúmlɔɔ lɨ́. Díe laá ó dí elaa míé mɨ́mɛ̂h bʉ̂r dí ekɛn ɨ́ mpóʼo sí yɨ̂ʼ má, le maá bé ókɛn ɨ́ mpóʼo ngá tyélɔɔ nyɨ́ má.

Éfɛsɔs 2:11

Símsáá gá mpʉ bɨ́n á byɛ̂l yɨ́: bɨ̌n, bʉr o bíkúl bíswîh, bé ó baá óYúden dí ejébe ó, «bʉr o dí atíʼɔɔ mpʉ́n bá». (Náǎ yé ó, bʉr o jébé bɨ́n nó bá, bé jɨ́jébé bé bʉr o tɨ̂ʼ ó, «baá bé á tíʼɔɔ mpʉ́n ɨ́ bipúnó bíh bá». Tó kœb ó, sá yé á sâ ó, bé tíʼɔɔ mpʉ́n nyaá yɨ́, yé á be ó bʉr.)

Éfɛsɔs 2:13

Tó kœb ó, ɨ́ báánâ, bɨ̌n mû ó sí pûhla e Yésʉs-Krîst. Bɨ̌n bʉr o b'á nyɛɛ be e ncɛrá e Nzyɛ̌m bá, bɨ̌n mû ó bǎʼ e né, cɨɨ ɨ́ nzɨ̌ metié mé Krîst.

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

Éfɛsɔs 4:22

Bɨ̌n e túmó koo e kʉ̌ tyen myâ wɨ́n, myǎh njʉ̌m nyʉ̂l bɨ́n á nyɛɛ be e né nyɨ́. Bigwɨ́má bí njʉ̌m nyʉ̂l nyaá, byé lɨ́ edímle bʉ̂r ɨ́ nzɨ̌ mikóo myɔ́ɔ́, tyen bé lɨ́ eswie.

Éfɛsɔs 5:6

Mʉ̌r sá adímle bɨ́n e nzɨ̌ lwǐb dí abe e nyɔm yɨ́. Bisyɛ́ɛla bí ébébe bínɨ̌ ó ngá sâ ó, Nzyɛ̌m lɛ̂ʼlaa nkpaa nyé kwá bʉr o dí egbɔba e né bá.

Éfɛsɔs 5:8

Ɨ́ mimbú mí píhe, bɨ̌n bé á bɨbe ó, lɨ́ edúrʉ́ʉ́. Nó ó, ɨ́ báánâ mpʉ bɨ́n mû sí pûhla e Tî Yésʉs yɨ́, bɨ̌n mû ó ɨ́ myɛ́n. Nó ó, dúʼóó gá kʉ̌ tyen dí ejala e bʉr o dí ɨ́ myɛ́n bá wɨ́.

Éfɛsɔs 6:12

Ebě, yé abe ó, mɨná tɛ́l gá ó e bʉr ó sí yɨ̂. Mɨná lwímlá gá ó, le misísǐm mi dí milʉ̂ mí, le myaá mi nkûl, le myaá mi dí ejwɨ́ɨ ɨ́ mpóʼo edúrʉ́ʉ́ lɨ̂ʼ mí, le meleme me dí páʼ jʉ́o le ejwoo má.

Kolosi 1:21

Ɨ́ mimbú mí píhe, bɨ̌n bé á be ó e ncɛrá e Nzyɛ̌m. Táare e mbi écwólwo bɨ́n á be e lé lɨ́, kumǒ kumáa e bisyɛ́ɛla bí ébébe bɨ́n á sɨsâ bí, bɨ̌n bé á jaa bɨbe ó, njɨ ontɨ̂m le obɨn mé Nzyɛ̌m.

2 Timotɛ 4:10

Demâs, nyɨ́ pɨʼ mê, ebě, nye lɨ́ ekpɛ̌l sí yɨ̂. Nyɨ́ tô Tesaloníka. Krésaŋ, nyɨ́ tô sí Galásia. Títos, nyɨ́ tô Dalmatía.

Jacques 1:27

Mpǎŋ búʼó ɨ́ míh mé Nzyɛ̌m Sɔ́ŋ ɨ́ pémémé, yé ó nɛ́ɛ: mʉr tôʼ bwá bé ónyʉ̌l ɨ́ menɔɔlʉ. Nye súʼaa ntémé mikúho mi dí esia e mitúú mí. Nye díʼee e ncɛrá le bisá bí sí yɨ̂, lɨ́ esú ó, byé ayɨ́ kala nyé bilœ̌ʼ byɔ́ɔ́.

Jacques 1:7

Nó ó, mʉr dí e milémé mímbá nyá, nye ákóʼó bi yʉ́ʉ́ sɔ̂ʼ kwá mé Dâ ɨ́ lɔ̌b mínjɨʼla myé myaá.

Jacques 4:4

Bɨ̌n odûl bé ónzyɛ̌m oswîh, nzê bɨ̌n bé agʉ́a ó, jɔʼ bɨ́n tíá ésó e sí yɨ̂ʼ yɨ́, bɨ̌n kǎ lɛ̂ʼlě Nzyɛ̌m náǎ ó, bɨ̌n bɨ́ dwira e né, le edi óntɨ̂m le obɨn bé ɛ́?

1 Pyɛr 1:14

Mpʉ bɨ́n dí eboó sɨsâ Nzyɛ̌m mejóʼo yɨ́, akǎ dû gá bigwɨ́má bɨ́n á nyɛɛ bɨbe e byé, bɨ̌n dína bigʉʼlʉgʉ́ bí.

1 Pyɛr 4:3

Bʉr, bɨ́ buú lɛ̌ŋ jɔʼ ɨ́ buo buo lɨ́ elóŋlo bígwɨ́má óhááden dí eboó dudû bî: egbâ ményʉ̂l lɨ́ esâ bímolá nzam le ekomo, ejóʼǒ nzɔ́ɔ́ bísâ, elɔ̂ʼwa lɨ́ ebɛble ményoʼ, elɔ̂ʼwa lɨ́ ede méde, epuro ményoʼ, le edweŋɔɔ bíkpɛʼkpɛ̂ʼ bí ónzyɛ̌m kûm. (Yé ó sá Nzyɛ̌m dí ekamle yɨ́.) Bím syɛ́ɛla yaá, yɨ́ kǎ jala!

2 Pyɛr 2:14

Míh mɔ́ɔ́, mé jaá sáa ó, njɨ bʉbá bé sâʼ medyɛ̂n e bé bá. Bé abá gbala lɨ́ esâ syóm. Bé sɨ́sáá ó, bʉr o dí ɨ́ tyɛʼ bá, bé bílɨɨ ɨ́ bilám byɔ́ɔ́. Bé jaá gbâ lémé ɨ́ dwííí ó, njɨ lɨ́ ejɨ̂ʼ édû bígwɨ́má ményʉ́l mɔ́ɔ́. Nzyɛ̌m, nyɨ́ syɛm bê.

1 Yʉanes 3:10

Ebě, bé gʉ́gʉ́á mbɔ́ʼ páʼ bwán mé Nzyɛ̌m, bé e baá mé sɔ́ŋ meleme ó, mbi wɨ̂: mʉr nyɨnyɛ̂h dí asâ syɛ́ɛla dí tîtyěl yɨ́ nyá, nkʉ̂ waá dí akpɛl mɨ́ɔɔ́ wé nyá, nyé abe mwân mé Nzyɛ̌m.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.

1 Yʉanes 4:4

Bɨ̌n bɨɛ bwán bâm, bɨ̌n dumo ó e Nzyɛ̌m. Bɨ̌n bɨ́ ntaa óntɨ̂m le obɨn mé Krîst baá, ebě, Sísǐm bɨ́n dí e wé wɨ́, wé ɨ́ lele nkûl, laa waá dí ɨ́ bʉr ó sí yɨ̂ʼ wɨ́.

1 Yʉanes 5:19

Mɨná bé lɨ́ egʉ́a gá ó, mɨná gá bé ó, bwán mé Nzyɛ̌m. Bʉr ó sí yɨ̂ʼ yɨ́yɛ̂h bɨ́ɛ, bé lɨ́ ejaʼra e mpêl mé Sátan.

1 Yʉanes 5:4

ebě, mʉr nyɨnyɛ̂h dí mbyɛ́á ɨ́ nzɨ̌ nkul mé Nzyɛ̌m nyá, nye lɨ́ entaǎ bɨ́blǎ sí yɨ̂. Nkul nyé dí e né, nyaá dí esâ ó, nye búlaa le onkɔ́ɔ́ nyɨ́, nye ó nyɨ̂: búʼó gá yɨ́ná.

Mɨngwiha 13:14

Ebě, nye á si dweŋɔɔ nkul esâ mésimá nó ɨ́ míh mé tír esôʼ waá. Nye á si bana dímle bʉr ó sí yɨ̂ʼ bɨ́bɛ̂h, lɨ́ elɛ́ɛ e bé ó, bé kpáʼaa mveʼle ngá nwɨɨla e tír esôʼ, waá á pa kparɔɔ e pasoŋ, adwe nyá.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

Mɨngwiha 16:17

Me nzě kǎ bee éngeles nzaangbá. Nye nzě mɔa, ntɔ̂ʼ tô e bélé yé, tó sʉ ébúʼ mé Nzyɛ̌m ɨ́ pubó. Twíí nɨ̂nɨ̂n nzě duho ɨ́ mecwɨ́ɨ́ mé jwɨ́ɨ dí ɨ́ mpáh Nzyɛ̌m má. Nye e né ó: «Yɨ́ síe!»

Mɨngwiha 20:2

Nye á si to mɛ̂r njʉ̌m myɔ́ɔ́ dí e díe ó, «Sɔ́ŋ meleme», nkʉ̂ «Sátan» wɨ́. Éngeles waá á si mɛ̂r nye, kâʼ nyé e kʉ̂kɔ̌b. Nye ódǐ kɛ́ʼá tɔ́ɔ́sin mimbû.