Biblia Todo Logo
Bìoball air-loidhne

- Sanasan -




1 Pyɛr 4:2 - Kálar Nzyɛ̌m : Ejwán é Sáá

2 Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

Faic an caibideil Dèan lethbhreac

Kálara Zyɛ̌m Edwán é mpʉ̌n

2 Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Faic an caibideil Dèan lethbhreac




1 Pyɛr 4:2
35 Iomraidhean Croise  

Waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá ó dí mɨ́ɔɔ́ wǎm, kɛ́lâm le nyɔ̌ŋ wǎm.»


Nye ó: “Bɨ̌n nyɨɛ ntémé, laŋaa gâ. Tó séa gá pemé yâm. Me ójána bɨ́n myɛ́na ngá jala e bɨ̌n má.”


Ɨ́ bwán óbá baá, waá wáa á sâ gwɨ́má mé sɔ́ŋ nyá?» Bê nzě yala e né ó: «Waá esôʼ.» Yésʉs nzě kǎ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, onwɨa ó mɔnɨ́ tœ́a le bisadága bi bʉ́bá, bé ó ngá nyɛɛ́ pyâl e bɨ̌n ɨ́ Mpóʼo mé Nzyɛ̌m.


«Ntʉ mʉ̂r nyɨnyɛ̂h ngá lɛ́ɛ ó: “Dâ ɔ́, Dâ ɔ́!” nyá, ngá nî ɨ́ Mpóʼo mé Dâ Nzyɛ̌m, njɨ waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá.


Mʉr nyɨnyɛ̂h dí esâ sá Nzyɛ̌m dí ekpɛl yɨ́ nyá ó dí wǎm mɨ́ɔɔ́, wǎm kɛ́l ndu e wǎm nyɔ́ŋ.»


Ebě, bibébebébe bíjwɨʼ, byé duho ó ɨ́ lémé mʉ̂r. Byé ó dí: bimolá, díbe, ejwɨ́ɨ́ é bʉ̂r,


Bé á bé atyélɔɔ bwán mé Nzyɛ̌m ɨ́ nkǒ páʼ métié, nkʉ̂ ɨ́ lɔ̌b bígwɨ́má ményʉ́l mɔ́ɔ́, nkʉ̂ ɨ́ lɔ̌b gwɨ́má mʉ̂r. Bé á byɛ̂l ó byɛ́lɨ́ɨ nó, ɨ́ gwɨ́má mé Nzyɛ̌m.


Mʉr dí egwɨ̂m ésâ bígwɨ́má mé Nzyɛ̌m nyá, ógʉ́ǎ gúmó lɛ́ʼlá wâm, wé á duho yɨ́: nkʉ̂ wé á duho ó, kwá mé Nzyɛ̌m, nkʉ̂ mě lwǐb ó e nkul nyǎm, mɛm mʉr tɨ̂.


Adû gá metum me bʉ̂r ó myǎ wɨ̂. Yé jala ó, Nzyɛ̌m dwêʼ bɨ̌n bijwɨʼ bidwân, ó nye dwírɨɨ bɨ̌n miléme. Nó ó bɨ́n ngá gʉ́ǎ sá Nzyɛ̌m dí ekpɛl yɨ́. Bɨ̌n bé ogʉ́ǎ sá dí ɨ́ mbɨa yɨ́, sá dí ejala e né yɨ́, ndu e yaá dí ɨ́ pémémé ɨ́ mipáʼ mímyɛ̂h yɨ́.


Abe e mʉr ngwár ɨ́ sɔ́má gá yɨ́ná dí etiʼe, nkʉ̂ dwe, lɨ́ esú lé, nye mʉr tɨ̂.


Sɨ́sáʼ gá ntémé nó. Sísímsáá gá ó, bɨ̌n bé ó bʉr o b'á dwe nkǒ páʼ mísyóm bá. Símsáá gá ó, bɨ̌n mû tiʼe ó, ɨ́ páʼ mé Nzyɛ̌m ɨ́ mpúhlá nyɨ́n e Yésʉs-Krîst.


Yé abá be nó! Mɨná gá bé ó bʉr o b'á dwe ɨ́ nkǒ páʼ mísyóm bá. Yé ngá kǎ sâ ó, mɨná tôʼ le esâ gá syóm dóló?


Bɨ́ɔɔ́ bâm! Okɛ́l bâm! Bɨ̌n ntémé, bé ó nó. Bɨ̌n bé á si dwe, ntɔ̂ʼ duho ɨ́ mpila métié. Yé á syɛ́ɛ nó ó, ɨ́ jɔʼ bɨ́n á pûhla e Krîst, le ɨ́ jɔʼ nyé á dwe ɨ́ páʼ bípúno yɨ́. Bɨ̌n bé á dwe ó, bɨ̌n nkʉ̂ gúmo e Krîst, mʉ̌r Nzyɛ̌m á pɛh, dwih lɨ́ odwe ó, mɨná nkʉ̂ gúmo gá mpumó lɨ́ esú mé Nzyɛ̌m nyá.


Nye á si búra e bʉr bɨ́bɛ̂h lɨ́ esú ó, bɨ́bɛ̂h tíʼaa. Tyé yɨ́yɛ̂h bé dína ɨ́ twiʼ yɨ́, bicwiʼ byɔ́ɔ́, byé ɨ́ jala le ebe e nyɔm ó, lɨ́ esú é mʉ̂r á pa búra e bé, ntɔ̂ʼ pah nyá. Bé akǎ jala le esáa myɔ́ɔ́ mínyɔm.


Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.


Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.


Mʉ̌r sá agʉʼla. Sáŋáá gá ó, bɨ̌n jɨ́ʼɨɨ bisyɛ́ɛla Tî Yésʉs á tíʼe ɨ́ lémé wé ó, bɨ̌n sâʼ bí.


Mʉr aséa gá syɛ́ɛ́ njɨ ɨ́ jɔʼ bé dí epála nyé yɨ́. Mʉ̌r sá aséa lɨ́ esú é méswɨ̂ʼlʉ me bʉ̂r. Mpʉ bɨ́n mû osyɛ̂l o mésâ mé Krîst yɨ́, séáá gá bé syɛ́ɛ́, lɨ́ elóŋlǒ gwɨ́má mé Nzyɛ̌m, e milémé mín mímyɛ̂h.


Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.


Ebě, bɨ̌n bɨ́ dwe. Twiʼ yɨ́n mû ó lɨ́ esǒ kwá mé Krîst. Sá tɨ̂ʼ ó bícwiʼ bín e Nzyɛ̌m mû mpúhlá yɨ́.


Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.


Jɔʼ yɨ́yɛ̂h le ɨ́ bisá bíbyɛ̂h, dwéʼ gá Nzyɛ̌m nzyǒo, ebě, Nzyɛ̌m á tíʼe ɨ́ lémé wé ó, bʉr o dí ɨ́ Yésʉs-Krîst bá, bé ósɨ̂sa nó.


Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!


Nye mʉr tɨ̂ʼ á byâ mɨná gá ó, ɨ́ lɔ̌b gwɨ́má yé, ɨ́ nzɨ̌ lwǐb yé dí tyeetye yɨ́. Nó ɨ́ bisá bíbyɛ̂h nyé á komlo bí, mɨná ó dí gá ɨ́ tyé ésôʼ.


Mpʉ bɨ́n dí eboó sɨsâ Nzyɛ̌m mejóʼo yɨ́, akǎ dû gá bigwɨ́má bɨ́n á nyɛɛ bɨbe e byé, bɨ̌n dína bigʉʼlʉgʉ́ bí.


Myahaa gá bé bisyɛ́ɛla bîʼ bíbyɛ̂h: ebébe é léme, mimbi mímyɛ̂h, bilwǐb míkóo, mimbi mímyɛ̂h, bilwǐb bíbá bíbá, nzwíí ti e mesyɛ́ɛla mimbi mímyɛ̂h.


Sí yɨ̂, le bisá bíbyɛ̂h bʉ̂r dí egwɨ̂m tɨ̂ʼ bí, byé lɨlaa ó laŋáa. Nó ó, mʉr dí esâ sá Nzyɛ̌m á tɨ́e yɨ́ nyá, nyě tíʼé ó, njʉ̌m dǐ e njʉ̌m dǐ.


Lean sinn:

Sanasan


Sanasan