ዋሐንሳ ቆንጭ 7:15 - Oyda New Testament

¹⁵ Yinnii gisho, «Un Xoozze araatize tiintte qamman awara E keetsite oochchane. Mahi araatizella bettide unttis dunkkaane maaqqada.

ኦይዳ አዲስ ኪዳን

¹⁵ ይኒ ግሾ፥ «ኡን ጾዘ አራትዘ ቲንተ ቃማን አዋራ ኤ ኬተ ኦቻነ። ማህ አራታላ በትደ ኡንትስ ዱንካነ ማቃዳ።

ዋሐንሳ ቆንጭ 7:15 Iomraidhean Croise

Wahannisa 1:14

Qaala asho maaqqida; aadho keehatitsaran turetitsara kumii nu gidda aqida. Fettii na7ays E aday kale yeze bonchchiti fana yeze bonchcho nu bi7ida.

1 ቆሮንቶሳ 3:16

Yin Xoozze keetsi maaqqidannon Xoozze Ayyaana yinttara yezanno erosaane?

2 ቆሮንቶሳ 6:16

Xoozze Keetsisin eequntsara akko fettetitsi yeze? Xoozii, «Ta un gidda yessada, ta un gidda benttoda. Ta unttis Xooz maaqqada; unttin ta worzha maaqqada» gaydannigaara, nuunii de7o Xoozze keetstsi.

Ibraawe 12:2

Nu ammanttis oge bugidayan nuna folo yeltsize Yesuusalla afa nu aafito gaddoda. Yesuusa tiinoppa yeze ufayssiti gisho masqalalla waaye dandda7i, yeella hyayqo leqqii, Xoozappa mizaqi zalara bettida.

Ibraawe 8:1

Nuunii ohize damma bazita hyanno. Salo Ubbappa kattara Xoozze araatappa mizaqi zalar bettide hyay fana yeze kahinunts hyalaqa nuus yene.

ዋሐንሳ ቆንጭ 11:19

Salo yeze Xoozze Keetsita bugunttida; I gidda Xoozze caaqo taabote benttida. Mahi zeelintsi zeelinggida, dhoge dhogida; dada dhuqqida; sa7a en7ida; shachchi bukkida.

ዋሐንሳ ቆንጭ 13:6

Ye xootsize Xoozza, E suntsito, E yeze bestton salo yezuntsana cashshi aykkida.

ዋሐንሳ ቆንጭ 20:10

Unttana balitside Xalahize, xootsizen worddo nabize olinttide taman eexize diinne abba olinttida. Un qamman awara medhinas faxa ka7inttoda.

ዋሐንሳ ቆንጭ 21:22

Ubba ahize Laatstsi Xoozze Durize Xoozze keetstsi, yinne Xoozze keetstsi bi7ikaaya.

ዋሐንሳ ቆንጭ 22:3

Yikkeppa gode aatse yezoos. Xoozzen Durize araatize ize maaqqada. Aruntsii Xoozzes goynoda.

ዋሐንሳ ቆንጭ 22:5

Yikkeppa qamma baaya; Laatstse Xoozze unttis xomppe maaqqide gisho unttis xomppe woy awa foo7o koshshoos. Un medhii medhinas ka7itoda.

ዋሐንሳ ቆንጭ 4:4

Ye araatize kantto wutii lam7itam oyddii araatuntsi yene; unttalla afa bootsi ma7o ma77i, ommite worqqa zawude gaddide lam7itam oyddii cimuntsi bettida.

ዋሐንሳ ቆንጭ 4:8

Oyddii xootsuntsi ubbuntsis izipun qefe yene; un galtta ubban qefitis kattaran ommita ubba aafera kumida.Un qamman awaran ashshikaayzara, «Geeshshayo, geeshshayo, geeshshayo, Laatstsayo, Ubbappa Wolqqaama Xoozayo, zagan, hyatten yezayo, tiinos yo7odayo» yagaane.

ዋሐንሳ ቆንጭ 4:9

Ye xootsuntsi araatizella bettidaysin medhina yezes nashsho, bonchchon galata inggide wode

ዋሐንሳ ቆንጭ 7:9

Yinnippa suuba, kochchi ubbappa, ka7itumo ubbappa, worizha ubbappan dumma dumma doonappa faydo baayze gaama asuntsana bi7ida. Yentsi asuntsi bootsi pharggo ma7o ma77i, qiile hyaye fa kushite aykkii, araatize tiinon Durize tiino eqqida.