ዋሐንሳ ቆንጭ 4:5 - Oyda New Testament

⁵ Araatizeppa dada, zelintsin dhoge kezane. Araatize tiintte laappun foo7ize xomppuntsi yene; un laappun Xoozze ayyaanutsana.

ኦይዳ አዲስ ኪዳን

⁵ አራትዘፓ ዳዳ፥ ዘልንን ገ ከዛነ። አራትዘ ቲንተ ላፑን ፎእዘ ጾምፑን የነ፤ ኡን ላፑን ጾዘ አያኑና።

ዋሐንሳ ቆንጭ 4:5 Iomraidhean Croise

Maatoosa 25:1

«Ye wode salo ka7itumo fa kuraazito aykkii, machcho ko7odes qitide dhiiratsaya mokkodes kezide taphphi wuduruntsana aazane.

Maatoosa 3:11

«Yin, yin nagarttippa maaqqidanno ersodes ta yinttana hyaatsa xammaqane. Yezin taappa suubara ye7ize yinttana Geeshi ayyaanaran tamara xammaqoda. E taappa gaama wolqqara yene; ta melle atto yezin E caammito tukkodesin beezoos.

ሐዋሩን ኦቻ 2:3

Mahi tama loxe fana aazize lissanuntsi unttis benttida, shaakkintti shaakkintti un ubbuntsalla bettida.

ዋሐንሳ ቆንጭ 1:4

Hyay dabddaabbiza, Wahannisappa, Isiya sa7a yeze laappun woosa keetsunsis xaafinttida. Zagan, hyatten yeze, tiinosin yo7odes yeze Xoozappa, mahi E araatize tiintte yeze laappun ayyaanutsappa, yinnii fana, hyayqoppa denddora tiino maaqqideppa, sa7a kaatuntsana ahize ammantsize markka maaqqide Yesuus Kiristtoosappa, aadho keehatitsin sarotitsi yinttis maaqqe. Yesuusa nuna siiqane, mahi fa suutsitira nagara arotitsappa nuna wallo kessida.

ዋሐንሳ ቆንጭ 10:3

Dhazize gaammo fana fa qaaltto dhoqi yiizii uukkida. E wuyside wode laappun daduntsi fa dhogito sissida.

ዋሐንሳ ቆንጭ 11:19

Salo yeze Xoozze Keetsita bugunttida; I gidda Xoozze caaqo taabote benttida. Mahi zeelintsi zeelinggida, dhoge dhogida; dada dhuqqida; sa7a en7ida; shachchi bukkida.

ዋሐንሳ ቆንጭ 3:1

«Sarddeese woosa keetstsa kiitanchchos hyannigaara yaga7i xaafo. Laappun Xoozze ayyaanuntsanan laappun xoolinttuntsanan aykkiday hyannigaara yagaane: Ta ne oochito erane; suntsis faxa; yezin ne hyayqqida.

ዋሐንሳ ቆንጭ 5:6

Yinnippa suuba, shukinttide Durizay araatizella, oyddii shemppora yeze medhetuntsisin cimuntsis gidda, eqqidaya bi7ida. Ees laappun gumurin laappun aafuntsii yene. Yentses alame ubba kiitinttide Xoozze laappun ayyaanutsana.

ዋሐንሳ ቆንጭ 8:5

Yinnippa suuba, kiitanchchize ixaane cugize shaatiza ekkii, ize zharsho bestippa qaaqa tama kumutsi sa7a sulle olida. Yeyi maaqqin, dada dhogen, zelintsin sa7a en7e hyanida.