ዋሐንሳ ቆንጭ 13:7 - Oyda New Testament

⁷ Ye xootsize geeshshuntsana olii, gamode gaar wolqqa ees ingginttida. Kochchi ubba, worzha ubba, dumma dumma doona ohize ubban worzha ubballa afa adetitsi ees ingginttida.

ኦይዳ አዲስ ኪዳን

⁷ የ ጾዘ ጌሹንና ኦሊ፥ ጋሞደ ጋር ዎልቃ ኤስ እንግንትዳ። ኮች ኡባ፥ ዎርዣ ኡባ፥ ዱማ ዱማ ዶና ኦህዘ ኡባን ዎርዣ ኡባላ አፋ አደት ኤስ እንግንትዳ።

ዋሐንሳ ቆንጭ 13:7 Iomraidhean Croise

Luqasa 4:6

Xalahe, «Hyanna ubbannis adetits wolqqa bonchchon taas ingginttida. Taanii kadhize oodesin inggize gisho nees inggoda.

Wahannisa 19:11

Yesuusa, «Xoozii nees adetits wolqqa inggikaayzako taalla adetits wolqqa nees yezamayeshsha. Yinnii gisho, tana nees aatsii inggide aadhize nagara oochchida» yagayda.

ዋሐንሳ ቆንጭ 10:11

Yinnippa suuba, taago, «Neenii kochchi ubbas, worzha ubbas, dumma dumma doonara ohinttizuntsisin kaatuntsis tinbbite mahi ohodes beezane» yagayda.

ዋሐንሳ ቆንጭ 11:18

Ayhude maaqqoosse asuntsi hyanqinttida, yezin ne hyanqitan yi7ida. Hyayqqiduntsalla ne firddize wode yi7ida. Neenii nees oochchizuntsis, nabuntsis geeshshuntsisin ne suntsitis zhashtizuntsis, eeratsuntsisin dammuntsis, un oochiti gaar inggize wode yellida. Alame dhabsizuntsana dhabsize wode yi7ida» yagayda.

ዋሐንሳ ቆንጭ 11:7

Un fa markkatitsito hyaasidannippa suuba, doochappa kezze xootsize unttara olintti, caddoda, gamoda, wodhoda.

ዋሐንሳ ቆንጭ 12:17

Ye dawize maachitilla afa gaama shenidhii, I zaruntsana, Xoozze kiita naagizuntsanan Yesuusa qonccizide turetitsitis ammanittiduntsana olodes hyanggi,

ዋሐንሳ ቆንጭ 17:15

Kiitanchchize mahi taago, «Olalita bettide ye neenii bi7ide hyaatsita worzhuntsi, asuntsi, kochchin dumma dumma doonara ohizuntsana.

ዋሐንሳ ቆንጭ 5:9

Un, «Xaaxinttide maxaafiza ekkodes, mahitamiza billodes nees beezane. Akkos gayko, neenii shukinttida; kochchi ubbappa, dumma dumma doonappa, kochchuntsappa ka7itumo ubbappa ne suutsite Xoozis wozida.