2 ጢሞትዮሳ 2:19 - Oyda New Testament

¹⁹ Maaqqo yezin, Xoozii mintsii baasa yiixxii mahitame yeze en7inttodes dandda7oos. Izillan afa, «Laatstsii fa asuntsana erane. Laatstse suntsito xeegize oonin iita oochappa hyaakko» yagaaze qaala xaafinttida.

ኦይዳ አዲስ ኪዳን

¹⁹ ማቆ የዝን፥ ጾዚ ምን ባሳ ዪጺ ማታመ የዘ ኤንእንቶደስ ዳንዳኦስ። እዝላን አፋ፥ «ላ ፋ አሱንና ኤራነ። ላ ሱንቶ ጼግዘ ኦንን ኢታ ኦቻፓ Ꮉኮ» ያጋዘ ቃላ ጻፍንትዳ።

2 ጢሞትዮሳ 2:19 Iomraidhean Croise

Maatoosa 24:24

Akkos gayko, worddo Kiristtoosuntsin worddo nabuntsi denddoda. Unttis dandda7inttiko, melle atto yezin Xoozis doorinttiduntsana balitsodes damma mallan gaama qofize baz oochchoda.

Maatoosa 28:19

Yikke, yin ubba bessa qitote, Aday, Na7ay, Geeshi ayyaana suntsite as ubba tamaarssi, xammaqi ta kiittidanno ubba naagode fana tamaarssitera tana kaallizuntsana mahote.

Maatoosa 7:23

Ye wode taanii, ‹Ta yinttana mulon eroos, yin iita oochchizuntso taappa hyaakkote› gawuda.

Maatoosa 7:25

Ira bukkida, hyaro goggida, baqo baqii ye keetsiza urqqida. Yezin keetsita lallalla keexinttide gisho gol7ikaaya.

Marqqoosa 12:16

Unttii ees ki7ida, «Hyanna bishshitan suntsita oodeso?» yaga7i unttana oocida. Unttii, «Qeesares» yagayda.

Marqqoosa 13:22

Worddo Kiristtoosan worddo nabuntsi denddii faas dandda7inttiko, melle atto yezin Xoozii dooriduntsappa balitstsode wontsis kille bazin gaama qofize baz beessada.

Luqasa 13:27

«E mahi, ‹Yin oona yezakon abappa ye7ezakon eroos. Yin, wobbuntso taappa hyaakkote› yagawuda.

Luqasa 6:48

E keetstsi keexxodes ziqqii yiizii, olla bookkide, oomora yeze lallalla afa keetstsi esside cincca atstsa aazane. Hyaro goggii ye keetstsa urqqida, yezin mintsii keexide gisho en7isades dandda7ikaaya.

Wahannisa 10:14

«Ta lo77o wude ade. Ta Aday tana erzanni fana taanin ta Adaya erane. Yinnii fana, taanii ta duruntsana erane; ta duruntsin tana erane. Taanii ta duruntsi gisho ta shemppito aatsii inggane.

Wahannisa 13:18

«Ta yin ubbuntsana ga7oos; ta dooriduntsana ta erane. Yezin Geeshi Maxaafite, ‹Ta booriza muyde taalla denddida› ga7inttidanna turo maaqqades beezane.

Wahannisa 3:33

E markkatitsito ekkize ooden Xoozze turo maaqqidanno tillizane.

ሐዋሩን ኦቻ 11:26

Ize Saawula denggide wode Anxookiya ekkii yi7ida. Barnnabaasan Saawula woosa keetstsi asuntsara fettii bere mulo bettii gaama asuntsana tamaarssida. Tamaaruntsi Anxookiya woosa keetstsa «Kiristtaane» ga7intti tiinii xeeginttida.

ሐዋሩን ኦቻ 15:17

Attide asuntsi ubba taago ye7oda, ta xeegide Ayhude maaqqoosse asuntsi ubba tana koyoda. Zagappa aykkii yinna erinttode fana yiizide Laatstse, ohine› yagayda.

ሐዋሩን ኦቻ 9:14

Mahi Damasqqo gidda ne suntsito xeegizuntsana ubba accodes, kahinunts hyalaquntsi ees adetits wolqqa inggidda» yagayda.

Rome 11:2

Xoozii tiino dooride fa asuntsana olikaaya. Geeshi Maxaafite, Eeliyaasa Isra7eeluntsana Xoozze tiino wayzi mootezako, yin eroso?

Rome 12:9

Yin siiqita afurappa kattara maaqqodes beezoos. Iita baz ixxote; lo77o baz mintsii aykkote.

Rome 15:20

Taanii melle asi baaside baasalla keexxodes koyoos. Kiristtoosa suntsita xeeginttikaayze bessa Wonggele ohodes amudhdhane.

Rome 15:9

Kiristtoosa Ayhudunts garraze woga aro maaqqide melle mikinaata mahi Ayhude maaqqoosse asuntsi Xoozze maarotitsiti gisho galatode fana. Geeshi Maxaafite, «Ta nena Ayhude maaqqoosse asunts gidda galatoda; Ne suntsito mazmurer sabboda» ga7intti xaafinttide gaar hyanida.

Rome 8:28

Xoozza siiqizuntsisin E qoftti gaar xeeginttezuntsis Xoozii ubba baz lo77oos oochchizanno nu erane.

Rome 9:11

un yelinttodeppa iita woy lo77o oochchodeppa tiino oochara baayzin doorer maaqqize Xoozze qoftta minggode fana,

1 ቆሮንቶሳ 1:2

Qoronttoosa yeze Xoozze woosa keetsitis, Yesuus Kiristtoosara geezhiduntsis unttisin nuus Laatstsi maaqqide nu Laatstse Yesuus Kiristtoosa suntsito ubba bessa xeegize ubbuntsis;

1 ቆሮንቶሳ 8:3

Yezin ooden Xooz kadhiko E Xoozze kale erinttidaya.

2 ቆሮንቶሳ 7:1

Yikke, ta siiquntso, hyanna ufayssita nuus maaqqide gisho nu ashton nu shemppito tunize baz ubbappa nuna geeshoda. Xoozis zhashtii nu geeshshatitsito folo mahoda.

Galaatiya 4:9

Yezin hyatte yin Xoozza erida; aatsii Xoozara erinttida. Yeezin mahi fatstsoossen maaddoosse alame wogago suuba wayzi maaqqidate? Wodhdhii eqqii, wayzi unttis mahi aro maaqqades koyete?

Efesoone 2:20

Yin hawaaruntsin nabuntsi baaside baasalla keexinttida. Doche xapho mintsize shuchchize Kiristtoos Yesuusa.

Efesoone 3:15

Salo sa7a yeze fettii fettii kara asuntsi turii suntsi denggize Xoozappa.

Efesoone 4:30

Wozo qammas attamii gaddide geeshi Xoozze ayyaana azzantsifete.

1 ጢሞትዮሳ 3:15

Yezin taanii hyanggaanxi gam7iko, Xoozze keetstsa asuntsi wayzi yessades beezizako erode fana hyanno nees xaafida. De7o Xoozze keetsita turetitsis tuusin baasan.

1 ጢሞትዮሳ 6:19

Yinna unttis tiinos mintsii baasa maaqqade gisho ye wode un turii de7o akko aazizako eroda.

Ibraawe 11:10

E, Xoozii qoppii keexxide xaala baasa yeze katama naagane.

2 ጴጥሮሳ 3:14

Yinnii gisho, ta siiquntso, nu yinna qamtto naagize gisho yeellan bore baayzuntsana maaqqii, Laatstsara sarora yessades minggote.

1 ዋሐንሳ 2:19

Yentsi morkkuntsi nu bagga maaqqoosse gisho nu giddappa kezida. Un nu bagga yezako nu gidda yessada, yezin unttappa oonin nu bagga maaqqoosanna erinttode fana nu giddappa kezida.

ዋሐንሳ ቆንጭ 17:8

Neenii bi7ide xootsize tiino yene, hyatte baaya. Ye xootsize damma olappa kezii dhabodes qitoda. Sa7a medhinttidannippa aykkii, de7o maxaafite un suntsita xaafinttikaayze sa7a yeze asuntsi xootsiza bi7i gaama qoppida. Yikke, E tiino yene; hyatte baaya, yezin tiinos yo7oda.

ዋሐንሳ ቆንጭ 2:13

Taanii ne yeze besito erane; ne Xalahe araata yeze bessa yene; ta suntsito mintsii naagida. Melle atto yezin, Xalahe yeze yin katamite hyayqqide taas ammaninttide markka, Antiphaasa, yeze woden ammano kaddikaaya.

ዋሐንሳ ቆንጭ 21:14

Katama gasitis taphpho lam77i baasa yene. Unttalla afa taphpho lam77i Durize hawaaruntsi suntsita xaafintti yene.

ዋሐንሳ ቆንጭ 22:4

Ezan be7ada; E suntsita un sintte maaqqada.

ዋሐንሳ ቆንጭ 3:8

«Ta ne oochito erida; yikke ta ne tiino ooden gorddodes dandda7oosse bugunttide furtsi gaddida. Ne wolqqita eeratsi maaqqikon, ta qaaltto naagida; tana kaddikaaya.