1 ጢሞትዮሳ 4:10 - Oyda New Testament

¹⁰ Nuunii as ubba, ubbappa aatstsii ammanzuntsana ashshize de7o Xoozza ufayssara naagize gisho, yinnis nuunii oochara labbanen butunttane.

ኦይዳ አዲስ ኪዳን

¹⁰ ኑኒ አስ ኡባ፥ ኡባፓ አ አማንዙንና አሽዘ ደኦ ጾዛ ኡፋይሳራ ናግዘ ግሾ፥ ይንስ ኑኒ ኦቻራ ላባነን ቡቱንታነ።

1 ጢሞትዮሳ 4:10 Iomraidhean Croise

Maatoosa 16:16

Simoon Phexiroosa mahi, «Neenii Kiristtoosa, de7o Xoozze na7a» yagayda.

Maatoosa 27:43

Xoozalla E ammaninttane, Xoozii eza ashshodes koyko ane ashsho. Akkos gayko, E fana, ‹Taanii Xooz Na7a› gaane» yagayda.

Wahannisa 1:29

Wahannisa wonttisti wode Yesuusa faago ye7odera bi7i, «Alame nagara uccize Xoozze Durzay hyaychche!

Wahannisa 4:42

Mahi un maachitigo, «Hyatte nu ammanidanna nu ommite E gaazanno si7ide gishop attin ne markkidhide gisho baaya. Mahin E turo hyanna alamito ashshiza maaqqizanno nu erida» yagayda.

Wahannisa 5:24

«Ta yinttis turo turo gaane; ta qaaltto si7izes tana kiitteza ammanzes medhina de7o yene. E hyayqoppa de7o fiinggide gisho firddinttoos.

1 ቆሮንቶሳ 15:10

Yezin Xoozze aadho keehatitsite ta hyatte yezanni gaar maaqqida; E taas inggide aadho keehatitsiti hyarii attikaaya. Taanii mellunts hawaaruntsappa aadhii labbida. Yezin taara yeze Xoozze aadho keehatitsite fattin tana baaya.

2 ቆሮንቶሳ 1:10

Xoozii yinnii gaar iita hyayqoppa nuna ashshida; hyatten ashshoda; tiinosin E nuna ashshoda ga7i E gidda ufayssi gaddane.

1 ጢሞትዮሳ 2:3

Yinnii gaar woossize nuna ashshize Xoozze tiino lo77on ufayssize baz.

1 ጢሞትዮሳ 2:4

Xoozii asi ubba attode fanan turtto erode fanan koyane.

1 ጢሞትዮሳ 2:6

Ezii asi ubba wozodes fana aatsii inggida. Xoozii fa wodite asuntsana ubba wozodes koyzanno beezize markkatitsita hyanno.

1 ጢሞትዮሳ 3:15

Yezin taanii hyanggaanxi gam7iko, Xoozze keetstsa asuntsi wayzi yessades beezizako erode fana hyanno nees xaafida. De7o Xoozze keetsita turetitsis tuusin baasan.

1 ጢሞትዮሳ 6:17

Hyanna alame duruntsi cer dhabize qolora uturaame, ceeqqaamen ufayssi gaddaame fana oho. Nuus koshshize baz gaantsi inggize nuna anjjize, dure Xoozze gidda ammaninttode fana unttana kiitto.

Ibraawe 11:26

E tiinoppa denggode anjjito phircci yiizii bi7ide gisho Gibxxe qoloppa aatsii Kiristtoosa gisho borinttodanno gaama aadhize duretitsi maaqqidanno erida.

Ibraawe 13:13

Yikke, nuunii E bortto tookkii gaseppa bale eego yedhdhote.

1 ጴጥሮሳ 1:21

Yin ammanttan yin ufayssita Xoozara maaqqade fana eza hyayqoppa dentsii, bonchchide Kiristtoosa baggara Xoozze gidda ammanane.

1 ዋሐንሳ 2:2

Nu nagartta Kiristtoosa baggara atto ga7inttida. E nu nagartti xalaalas baayzin as ubba nagaras.

1 ዋሐንሳ 4:14

Aday fa Na7aya, hyanna alamito ashshode fana kiittidanno nuunii bi7i markkidhane.