1 ጢሞትዮሳ 1:11 - Oyda New Testament

¹¹ Turii timirtte benttize bonchchon anjjinttide Xoozza taanii awaajjode gaar taas hyadara inggide Wonggele gidda yene.

ኦይዳ አዲስ ኪዳን

¹¹ ቱሪ ትምርተ በንትዘ ቦንቾን አንጅንትደ ጾዛ ታኒ አዋጆደ ጋር ታስ Ꮉዳራ እንግደ ዎንገለ ግዳ የነ።

1 ጢሞትዮሳ 1:11 Iomraidhean Croise

Luqasa 2:14

«Bonchcho Xoozzes afa salo, sarotitsi sa7alla afa Xoozii kadhize asis maaqqe.» Yagayda.

Rome 2:16

Ta tamaarsside Wonggele fana Xoozze Yesuus Kiristtoosa baggara as wozintte aachinttide qoftta firddize wode erinttoda.

1 ቆሮንቶሳ 9:17

Taanii Wonggele kadhii sabbakiko taas damooze yene. Yezin taanii Wonggele kadhikaayzara kiittin sabbakizebaz maaqqiko yinno Xoozii taas hyadara inggida.

2 ቆሮንቶሳ 4:4

Hyanna alamito ahize xoozze ammanoose asunts wozintto goozida. Un Xoozze bishshara qonccide Kiristtoosa bonchcho Wonggele foo7ito be7aame gaar kayda.

2 ቆሮንቶሳ 4:6

«Foo7o dhuma gidda foo7o» gayde Xoozze, Kiristtoosa sintto foo7ize Xoozze bonchchito erize foo7ito inggodes fa foo7ito nu wozintte foo7izida.

Galaatiya 2:7

Yezin Phexiroosa, Ayhuduntsis Wonggele ohode fana Xoozii ees hyadara inggidannigaar taasin Ayhude maaqqoosse asuntsis Wonggele ohode hyadara inggidanno un suubappa tiirida.

Efesoone 1:12

Yinnan Kiristtoosalla tiinii ufays gaddide nuunii E bonchchito galatode fanas.

Efesoone 1:6

Xoozze fa siiqize na7ay baggara nuus hyarii inggide aadho keehatitsita bonchchinttode fana yinno oochchida.

Efesoone 2:7

E yinno oochchidanna, Kiristtoosa Yesuusa baggara nuus qonccide fa keehatitsiton likke baayze fa aadho keehatitsi duretitsito yo7ode bere nuna beezodes.

Efesoone 3:10

Xoozii yinno oochchide hyatte wode woosa keetstsi asunts baggara salo yeze hyalaquntsisin ahizuntsis fa dumma dumma qonccitsito erisodes.

Qolaasiyasa 1:25

Xoozze qaala yinttis faaddii ohode gaar taas inginttide adetits wolqqite woosa keetstsis oochanchcho maaqqida.

1 ተሰሎንቄ 2:4

Yezin Xoozii nuna beezuntsana ga7i faydide gisho Wonggele ohode fana nuus hyadara inggide gisho ohine. Nu yinno oochchize nu wozintto be7ize Xoozza ufayssodes fattin as ufayssodes baaya.

1 ጢሞትዮሳ 2:7

Xoozii tana Wonggeles asttamaaren hawaare mahi dooridanna yinnis. Taanii turo ohine; worddidhdhoos; ammanon turii qaala Ayhude maaqqoosse asuntsana tamaarssode fana Xoozii tana shuumida.

1 ጢሞትዮሳ 6:15

Fa xalaala ubba ahize bonchcho Xoozze, kaatuntsi Kaatay, laatstsuntsi Laatstse, fa qoppide qammite Yesuus Kiristtoosa mahi kiittoda.

1 ጢሞትዮሳ 6:20

Ximotiyoosa, neenii fettii fettii asuntsi, «Eratitsi» baayze booza lalleppan maaddoose oheppa hyaako; nees ingginttide hyadarto naago.

2 ጢሞትዮሳ 1:11

Taanii Wonggele sabbakize, hawaaren asttamaare maaqqode gaar Xoozii tana doorida.

2 ጢሞትዮሳ 1:14

Nu gidda yeze Geeshi ayyaana wolqqara nees ingginttide lo77o hyadarto naago.

2 ጢሞትዮሳ 2:2

Gaama markkunts tiino taanii nena tamaarsside timirttito, melluntsana tamaarssodes dandda7ize ammaninttide asuntsis hyadara inggo.

Tito 1:3

Nuna ashshize Xoozze fa wodite hyanno kiitto ohode fana taas hyadara inggi fa qaaltto qonccizida.