1 ተሰሎንቄ 4:3 - Oyda New Testament

³ Xoozii, yin geeshi maaqqade fanan olale hyanttaame fana koyane.

ኦይዳ አዲስ ኪዳን

³ ጾዚ፥ ይን ጌሽ ማቃደ ፋናን ኦላለ Ꮉንታመ ፋና ኮያነ።

1 ተሰሎንቄ 4:3 Iomraidhean Croise

Maatoosa 12:50

Salo yeze ta Aday qoftto oochchize ubbuntsi taas ishe, taas mishon taas inddo» yagayda.

Maatoosa 15:19

Unttin as wozina giddappa kezize iita qofa, wodhe, olale, gome woy7e, kayzo, worddo markkidhe, cashshi.

Maatoosa 5:32

Yezin ta yinttis ohine; fa machchito olalikaayzin billize ooden iza olalode gaar oochchane. Yinnii gaaran, dakinttide machchito ekkize ubba olalida.

Maatoosa 7:21

«Salo yeze ta aday qoftto oochchize asi salo ka7itumo geloddepp attin cer tana ‹Laatstso, Laatstso› gaaze ubba salo ka7itumo geloos.

Marqqoosa 3:35

Xoozze qofa oochchize ubbuntsi taas ishen, taas mishon taas inddo» yagayda.

Wahannisa 4:34

Yesuusa unttago, «Ta katsita tana kiitteze qoftto oochchodannon E oochito faaddodanno.

Wahannisa 7:17

Xoozze qofa oochchodes koyze ooden hyanna timirttita Xoozze kaleppa ye7izakon woy taanii taappa ohizako erane.

ሐዋሩን ኦቻ 15:20

Yezin un eeqas zharshinttii tunidebaz ma7aame gaar, olalaame gaar, bawuta ma7aame gaaran suutsi uzhaame gaaran ma7aame gaar unttis nuunii dabddaabbe xaafodes beezane.

ሐዋሩን ኦቻ 15:29

Eeqas zharshinttii tunidebaz mu7ippete, suutsi uzhippete, bawuta mu7ippete, olalippete. Hyantsi ubbappa yin, yin ommito naagiko lo77o baz oochchane. Lo77o yezote» yagayda.

ሐዋሩን ኦቻ 20:32

«Hyatten yinttana mintsodesin geeshi asuntsara laata immades dandda7ize Xoozzesin E aadho keehatitsi qaalas yinttana hyadara inggane.

ሐዋሩን ኦቻ 26:18

Neenii un aafto bugoda, dhumappa foo7ogo, Xalahe kusheppa Xoozago unttana mahoda. Un tana ammanii nagara atotitsi ekkoda. Xoozii ammanii geezhide asuntsi gidda fa laatto demmada› yagayda.

Rome 1:29

Un qohera, iitatitsara, zhimbbarara, genera, qinaatera, shemppo wodhera, lallera, cimoran iita amora kumida. Un zigirizuntsana,

Rome 12:2

Lo77o, ufayssizen folo maaqqide Xoozze qofa shaakkii erodes yin wozintte laaminttotep attin hyanna alamito aazippete.

Rome 6:22

Yezin yin nagara arotitsappa bilinttii, Xoozze aro maaqqida. Yinna yinttana geeshi mahi medhina de7o kaalitsane.

1 ቆሮንቶሳ 1:30

Yezin Xoozii yinttis Kiristtoos Yesuusara fettetitsa yessade gaar yiizida. E nuus Xoozappa cinccatitsi, xillotitsi, geeshshatitsin wozon maaqqida.

1 ቆሮንቶሳ 7:2

Yezin olaleppa attodes fetes fetes machcha yesse; mahi fettis fettis azinii yesse.

2 ቆሮንቶሳ 12:21

Taanii lam7intsa yinttago hyanggize wode Xoozii yin tiino tana yeellissada ga7i zhashitane. Zaga nagartto oochchii yinna fa oochchide tunatitsappa, olale hyanttafan yeellize oochappa maaqqikaayze asuntsana bi7i azzanikaayzara ashshoos ga7i zhashitane.

Galaatiya 5:19

Asho oochuntsi erinttiduntsana; unttin, olale, tunatitsi, qayxe,

Efesoone 5:17

Yinnii gisho, Laatstse qoftta akko yezako qoppote fattin eeyuntsana maaqqippete.

Efesoone 6:6

As tiino saba denggodes un be7ize wode xalaala oochchifite. Yezin Xoozze qofa oochchize Kiristtoosa aruntsana maaqqote.

Qolaasiyasa 1:9

Yinnii gisho, nu yin baz si7ide wodeppa aykkii, Xoozii fa qoftto yinttana beessade fanan, Geeshi Ayyaana inggize eratitsin cinccatitsi ubba yinttana kuntsode gaar ubba wode yinttis Xooz woossane.

Qolaasiyasa 3:5

Yinnii gisho, yin gidda yeze alame amotitsito wodhote. Yentsesin olale, tunatitsi, olalodes amudhdhe, eeqa goyno fana maaqqide qiiridhdhe.

Qolaasiyasa 4:12

Yin baggize, Kiristtoos Yesuusa arize, Ephafira yinttana saro saro gaane. E yin Xoozze tiino miinggi eqqode fanan Xoozze qofa erii folode fana ubba wode Xoozii yin gisho woossane.

1 ተሰሎንቄ 4:2

Nu Laatstse Yesuusa suntsite akko kiita inggezako erane.

1 ተሰሎንቄ 4:4

Yin fetay fetay, yin machchuntsara geeshshatitsaran bonchchora yessades beezane.

1 ተሰሎንቄ 5:18

Ubba baza galatote. Kiristtoos Yesuusa baggara Xoozii yinttappa koyzanna yinno.

1 ተሰሎንቄ 5:23

Saro inggize Xoozze fa ommite yinttana geesho. Nu Laatstse Yesuus Kiristtoosa yo7ode qammas, Xoozii yin ayyaana, yin shemppiton yin kumutsi galtto bore baytsi naago.

2 ተሰሎንቄ 2:13

Laatstsa kadhize nu ishuntso, nuunii Xoozza yin gisho ubba wode galatodes beezane. Yin attode fana Xoozii Geeshi Ayyaana wolqqara yinttana geeshidannen yinttin turo ammanidanne E yinttana anggis fana doorida.

Tito 2:14

Iita oocha ubbappa nuna wozodesin lo77o baz oochchodes ammudhize fa geeshi asi kessodes nu gisho fana aatsii inggida.

Ibraawe 10:36

Xoozze qofa folii, E yinttis inggoda gayde ufayssito ekkode wontsis genccodes koshshane.

Ibraawe 12:16

Yin gidda olalize asi woy fettii tohe muuze katstsas fa anggistimo leqqii bayzide Eesawo fana asi yezaame gaar naaginttote.

Ibraawe 13:21

E qoftto oochchode fana lo77o baz ubbanne E yinttana danccizo. Eza ufayssize baz Yesuus Kiristtoosa baggara nu gidda Xoozii oochcho. Yesuus Kiristtoosa baggara Xoozis medhinappa medhina yellodes bonchcho maaqqe. Amin77e.

Ibraawe 13:4

Machcho ekken gelen as ubba kale bonchchinttidebaz maaqqe. Mahi Xoozii olale hyanttizuntsanan laammizuntsana firddodes yeze gisho azinzen machchita fetay fetes ammaninttodes beezane.

1 ጴጥሮሳ 1:2

Xoozii ade tiinii qoppide baggara doorinttiduntsis Yesuus Kiristtoosas kiitinttodesin E suutsite wuxurkkinttiduntsana Geeshi Ayyaanara geezhiduntsis, aadho keehatitsin sarotitsi maaqqe.

1 ጴጥሮሳ 4:2

Yikkeppa attide wodite Xoozze qofa oochchodes koyo fattin iita asho amo folodes baaya.

1 ዋሐንሳ 2:17

Alamen alame as amo ubba aadhoda, yezin Xoozze qofa oochchize ooden medhina yessada.

ዋሐንሳ ቆንጭ 21:8

Yezin zhashtizuntsin, ammanoosuntsi, tununtsi, shemppo wodhizuntsi, olalizuntsi, amudhizuntsii, bitizuntsii, eeqa goynizuntsin worddidhdhizuntsi ubbunts ixita diinne eexize tama abba maaqqada. Yinna lam7intsa hyayqo» yagayda.

ዋሐንሳ ቆንጭ 22:15

Yezin kanuntsi, bitizuntsii, olale oochchizuntsi, shemppo wodhizuntsi, eeqa goynizuntsi, wordduntsin oochchizuntsi ubba bale yene.