1 ተሰሎንቄ 2:13 - Oyda New Testament

¹³ Yinttisin nuunii Xoozze qaala ohide wode as qaala fana baayzin Xoozze qaala fana si7i ekkide gisho nuunii ubba wode Xoozza galatane. E turii Xoozze qaala; Xoozze qaala ammanze yin gidda oochchane.

ኦይዳ አዲስ ኪዳን

¹³ ይንትስን ኑኒ ጾዘ ቃላ ኦህደ ዎደ አስ ቃላ ፋና ባይዝን ጾዘ ቃላ ፋና ስእ ኤክደ ግሾ ኑኒ ኡባ ዎደ ጾዛ ጋላታነ። ኤ ቱሪ ጾዘ ቃላ፤ ጾዘ ቃላ አማንዘ ይን ግዳ ኦቻነ።

1 ተሰሎንቄ 2:13 Iomraidhean Croise

Maatoosa 10:20

Akkos gayko, yinttana ohize yin Aday Geeshi Ayyaanappa attin yinttana baaya.

Maatoosa 10:40

«Yinttana mokkize tana mokkane, tana mokkize mahi tana kiittidaya mokkane.

Luqasa 11:28

Yezin E, «Anjjinttiduntsi Xoozze qaaltto si7i kiitinttizuntsana» yagayda.

Luqasa 5:1

Fettii wode Yesuusa Gensareexe Abba kale eqqezin gaama asuntsi E kantto wutii eza un7itsi, E tamaarssize Xoozze qaaltto si7ine.

Luqasa 8:11

«Yikke, hyanna aazizitis bilitsita hyanno: budutsi ga7inttide Xoozze qaala.

Luqasa 8:21

Yesuusa mahi, «Xoozze qaala si7i oochalla feeshizuntsi ubba taas inddon taas ishen» yagayda.

Wahannisa 15:3

Ta yinttis ohide qaaltti gisho yin geeshi.

Wahannisa 17:17

Neenii ne turite unttana geesho; ne qaalttan turo.

Wahannisa 17:19

Mahi un turo geeshi maaqqade gaar un gisho ta ta ommito geeshoda.

ሐዋሩን ኦቻ 10:33

Yinnii gisho, ta neego ellisii kiittida; ne yi7idanna lo77o. Yikke, Xoozii nena Kiittidebaz ubba si7odes hyatte nu ubbuntsi hyanne Laatstse tiino yene» yagayda.

ሐዋሩን ኦቻ 13:48

Ayhude maaqqoosuntsi yinno si7ide wode ufaytti Xoozze qaala bonchchida. Mahi medhina de7oos doorinttide ubba ammanida.

ሐዋሩን ኦቻ 16:14

Nuna si7ize asuntsappa fettii Liidiya ga7inttize Tiyaxiroone katamappa yi7ide, Xooz ammanze zoqo ma7o zal77ize, maachita yene. Phawuloosa ohizanno iza si7ode gaar Laatstsii I wozintto bugida.

ሐዋሩን ኦቻ 17:11

Beeriya asuntsi Teselonqe asuntsappa aadhii wozina dalgga. Un qaaltto kumutsi wozinappa ekkida; Phawuloosa gaydanna turo maaqqidanno shaakkii erodes ubba wode Geeshi Maxaafe nabbabane.

ሐዋሩን ኦቻ 17:32

Unttappa fettii fettii asuntsi hyayqoppa denddebaz Phawuloosappa si7i, eza leqqida. Yezin melluntsi, «Nuunii yinno neeppa gujjii si7odes koyane» gayda.

ሐዋሩን ኦቻ 2:41

Phexiroosa ohidanno ekkiduntsi xammaqinttida. Ye wode hyaydzdzii mukul maaqqade asuntsi ammanii gujunttida.

ሐዋሩን ኦቻ 8:14

Yerusalaame yeze hawaaruntsi Samaara asuntsi Xoozze qaala ekkidanno si7ide wode Phexiroosan Wahannisan unttago dakkida.

Rome 10:17

Yinnii gisho, ammano sissappa ye7ine; si7izannan Kiristtoosa qaalappa ye7ine.

2 ቆሮንቶሳ 3:18

Nuunii ubbuntsi goozinttikaayze sinora Laatstse bonchchito be7ada. Nuunii Ayyaana maaqqide Laatstse bishshito aazodes bonchchoppa bonchcho laaminttoda.

Galaatiya 4:14

Ta hyarggita yinttis faatana maaqqikon, tana borikaaya; antsinttikaaya. Yezin tana Xoozze kiitanchcho woy Kiristtoos Yesuusa mokkizannifana mokkida.

Qolaasiyasa 1:6

Yin Wonggele si7ide wode Xoozze aadho keehatitsi turito shaakkii eride wodeppa aykkii yin gidda hyanidanni fana sa7a ubba diccitteran aafitiran yene.

Ibraawe 4:12

Xoozze qaala de7on oochchizaya. Lam77i zalara leefinttide mashshappa aadhii oco. E shemppo, ayyaana, shazhan kolizen yellodes gelii caddane. Mahi as wozintte yeze aachinttide qofan amuto shaakkii firddane.

Ibraawe 4:2

Unttis misiraachcho qaala sabbakinttidannifana, nuusin sabbakinttida. Yezin un si7ide qaaltto ammanii ekkikaayze gisho unttana maaddikaaya.

Yayqooba 1:18

Nuunii, E medhdhide bazis anggis maaqqade fana nuna turii qaalara qoppii yelida.

1 ጴጥሮሳ 1:23

Yin lam7intsa yelinttidanna dhabize kochchappa baayzin medhina yeze Xoozze qaala dhaboose kochchappa yelinttida.

1 ጴጥሮሳ 1:25

Yezin Laatstse qaala medhina yene» yagayda. Yinttis ohinttide Wonggele qaaltta hyanno.

1 ጴጥሮሳ 2:2

Laatstsii dalgga maaqqidanno yin erzanni fana hyatte yelinttide zhooga na7unts fana yin atotitsite E gidda diccitera hyanggodes Xoozze geeshi qaala maatsito ubba wode amudhdhote.

2 ጴጥሮሳ 3:2

Mahi geeshi nabuntsi zaga ohide qaalaran nuna ashshize Laatstse, hawaaruntsi baggara kiitinttide kiitto yin oochchode fana koyane.

1 ዋሐንሳ 3:3

Kiristtoosa be7ada ga7i ufayssar naagize oonin, Kiristtoosa geeshi maaqqizannifana fa ommito geeshane.