1 ተሰሎንቄ 1:5 - Oyda New Testament

⁵ Akkos gayko, nuunii Wonggele doonara xalaala baayzin wolqqara, Geeshi Ayyaanaran Wonggele mintsii ammanora yinttis ki7ida. Nuunii yinttara gam77ide wode ubba yin gisho wayzi yezezako yin erane.

ኦይዳ አዲስ ኪዳን

⁵ አኮስ ጋይኮ፥ ኑኒ ዎንገለ ዶናራ ጻላላ ባይዝን ዎልቃራ፥ ጌሽ አያናራን ዎንገለ ምን አማኖራ ይንትስ ክእዳ። ኑኒ ይንታራ ጋምእደ ዎደ ኡባ ይን ግሾ ዋይዝ የዘዛኮ ይን ኤራነ።

1 ተሰሎንቄ 1:5 Iomraidhean Croise

Marqqoosa 16:20

E tamaaruntsi qitide bessa ubba qaala ohida. Laatstsin unttara wolla oochchane. Unttii ohize qaaltta turo maaqqidanno Xoozii unttis inggide mallite miintsane.

Luqasa 1:1

Bonchcho Tewofiloosa, nu gidda folinttide bazis gaamuntsi, faas dandda7inttide gaar xaafida.

ሐዋሩን ኦቻ 11:21

Laatstse wolqqa unttara yene; mahi gaama asuntsi ammanii Laatstsago maaqqida.

ሐዋሩን ኦቻ 16:14

Nuna si7ize asuntsappa fettii Liidiya ga7inttize Tiyaxiroone katamappa yi7ide, Xooz ammanze zoqo ma7o zal77ize, maachita yene. Phawuloosa ohizanno iza si7ode gaar Laatstsii I wozintto bugida.

ሐዋሩን ኦቻ 2:33

Yinnii gisho, Xoozze mizaqi zalara eza dhoqi dhoqi yiizii, ees inggoda ga7inttide Geeshi Ayyaan Adeppa ekkii, hyanno yin hyatte be7izannon si7izanno nuulla afa gussida.

Rome 1:16

Tiinidhii Ayhuduntsana, mahi Ayhude maaqqoosuntsanan ammanza ubba ashshodes Wonggele Xoozze wolqqa maaqqide gisho ta Wonggelera yeellidhoos.

Rome 15:13

Geeshi Ayyaana wolqqara yin diccode fana ufayssi inggide Xoozze, yin ammanttii baggara yinttis ufayssin sarotits kumutsi imme.

Rome 2:16

Ta tamaarsside Wonggele fana Xoozze Yesuus Kiristtoosa baggara as wozintte aachinttide qoftta firddize wode erinttoda.

1 ቆሮንቶሳ 1:24

Yezin Xoozii xeeginttiduntsis, Ayhude maaqqin, Girike maaqqin Kiristtoosa Xoozze wolqqan Xoozze cinccatitsi.

1 ቆሮንቶሳ 10:33

Taanii ubba wode gaamuntsi attode fana un maaddinttode oge koyane fattin tana maaddode oge koyoos.

1 ቆሮንቶሳ 3:16

Yin Xoozze keetsi maaqqidannon Xoozze Ayyaana yinttara yezanno erosaane?

1 ቆሮንቶሳ 3:6

Ta tukkida; Aphiloosa hyaatsi ushshida, yezin dichchide Xoozii.

1 ቆሮንቶሳ 4:20

Xoozze ka7itumo wolqqara fattin ohera baaya.

1 ቆሮንቶሳ 9:14

Yinnii fana, Wonggele markkidhizuntsi yessis koshshize baz Wonggeleppa ekkode fana Laatstsii kiittida.

2 ቆሮንቶሳ 3:6

Nu kille caaqos kiitinttizuntsana maaqqade fana nuna yiizida. Yinna kille caaqita Geeshi Ayyaanara benttida fattin xaafinttide higge gidda baaya. Higge wodhane, yezin Geeshi Ayyaana de7o inggane.

Galaatiya 2:2

Ta hyanggidannan Xoozii taas qonccizide ogera. Hyannippa tiino zaga ta oochchidannan hyatte ta oochchizanna cer maaqqaame fana Ayhude maaqqoosse asuntsis sabbakida. Woosa keetsi kaalitsizuntsana ga7i xeeginttizuntsana dumma shiishii ohida.

Galaatiya 5:5

Yezin nuunii Xoozze Ayyaana baggara ammanora xillodanno ufayssara naagane.

Efesoone 2:10

Nuunii Xoozze medho; E nuus tiinii giigizii gaddide lo77o oocha oochchode fana Kiristtoos Yesuusa baggara kille medhinttida.

Efesoone 3:20

Yikke, nu gidda oochchize wolqqiti baggara nuunii woossizannippa woy qoppizannippa ubba aatsii oochchodes dandda7izes,

ፍልጵስዩሳ 2:13

E koyze qoftto oochchode fanan koyode fana yin gidda oochchize Xoozii.

ፍልጵስዩሳ 4:9

Yin taappa tamaaridanno, ekkidanno, si7idannon bi7idannon ubba oochchote. Sarotitsi inggize Xoozze yinttara wolla maaqqada.

Qolaasiyasa 2:2

Ta olinttize mikinaatan un fa wozintte miinggi, siiqora acinttii, folo maaqqide kumutsi qofa duretitsi denggi Xoozze saza qofito Kiristtoosa erode fana.

1 ተሰሎንቄ 2:13

Yinttisin nuunii Xoozze qaala ohide wode as qaala fana baayzin Xoozze qaala fana si7i ekkide gisho nuunii ubba wode Xoozza galatane. E turii Xoozze qaala; Xoozze qaala ammanze yin gidda oochchane.

2 ተሰሎንቄ 2:14

Xoozii, nu yinttis ohize Wonggele baggara yinttana xeegide, yin nu Laatstse Yesuus Kiristtoosara wolla bonchchito shaakkinttode fana.

2 ጢሞትዮሳ 2:10

Yinnii gisho, Xoozze dooride asuntsi Kiristtoos Yesuusa gidda yeze atotits baggara medhina bonchcho ekkode fana un gisho ubba baza minggane.

2 ጢሞትዮሳ 2:8

Taanii markkidhize Wonggele fana hyayqoppa denddide, Dawute kochchi maaqqide Yesuus Kiristtoosa qoppo.

Ibraawe 10:22

Yinnii gisho Nuunii iita qofappa geeshshades nu wozintto wuxurkkintti, nu gallito xillo hyaatsara meeccii, luule wozinaran folo ammanora Xoozago shiiqoda.

Ibraawe 6:11

Yin ubba ufayssara naagizanno denggode wontsis hyanna mintsitumtto folo yellodes beezode gaar nu amudhdhane.

1 ጴጥሮሳ 1:12

Nabuntsi ohide tinbbita fa ommas baayzin yinttis maaqqidanno Xoozii yinttis qonccizida. Hyatte asuntsi yinttis ohide Wonggele saloppa kiitinttide Geeshi Ayyaana wolqqara yinttis ohida. Kiitanchchuntsin yinno be7ades amudhdhida.

1 ጴጥሮሳ 1:3

Yesuus Kiristtoosa hyayqoppa dentside baggara fa damma maarotitsi kille yelinttera dhaboose ufayssi inggide nu Laatstse Yesuus Kiristtoosa Aday, Xoozze galatintto.

1 ጴጥሮሳ 5:3

Yin adetitsappa oomora yeze wuduntsis aazize maaqqote fattin laatstsii maaqqippete.

2 ጴጥሮሳ 1:10

Yinnii gisho, ta ishuntso, yin xeegintton yin doorintto mintsodes kasennippa aatsii minggote. Yin hyantsesana oochchizebaz maaqqiko, dhubunttaama.

2 ጴጥሮሳ 1:19

Nuus hyannippa aadhize ammaninttide tinbbite qaala yene. Sa7a wonttode wontsisin goolixe yin wozintte dolode wontsis, dhuma bessa yeze foo7oos asi naaginttize fana, yin hyanna qaaltto naagiko lo77o oochchane.