1 ተሰሎንቄ 1:4 - Oyda New Testament

⁴ Nu ishuntso, Xoozii yinttana kadhizannon fa baz mahi yinttana dooridanno erane.

ኦይዳ አዲስ ኪዳን

⁴ ኑ እሹን፥ ጾዚ ይንታና ካዛኖን ፋ ባዝ ማህ ይንታና ዶርዳኖ ኤራነ።

1 ተሰሎንቄ 1:4 Iomraidhean Croise

Rome 1:7

Roome yeze, Xoozii yiqsinttizuntsana ees geeshi worzha maaqqade fana dooriduntsis. Xoozze nu Adeppan Laatstse Yesuus Kiristtoosappa aadho keehatitsin sarotitsi yinttis maaqqe.

Rome 9:25

Nabe Hose7e maxaafite, «Ta asi maaqqikaayzuntsana, Ta asi ga7i xeegoda. Ta siiqikaayze worzhito, ‹Siiqinttiduntsana› ga7i xeegoda.

Efesoone 1:4

Nuunii E tiino geeshshuntsanan bore baayzuntsana maaqqode fana Xoozii alame medhinttodannippa tiino Kiristtoosa baggara fa siiqite nuna doorida.

Qolaasiyasa 3:12

Yinnii gisho, Xoozara doorinttide asi fana geeshshuntsanan kadhinttiduntsana maaqqii, maarotitsi, keehatitsi, ashkketitsin dandda7a ma77ote.

1 ተሰሎንቄ 1:3

Xoozze nu Aday tiino ammanora yin oochchide oocha, siiqora yin labbide labbitsito Yesuus Kiristtoosara yeze ufayssito ekkodes yin miinggi eqqide eqito ubba wode qoppane.

2 ተሰሎንቄ 2:13

Laatstsa kadhize nu ishuntso, nuunii Xoozza yin gisho ubba wode galatodes beezane. Yin attode fana Xoozii Geeshi Ayyaana wolqqara yinttana geeshidannen yinttin turo ammanidanne E yinttana anggis fana doorida.

1 ጴጥሮሳ 1:2

Xoozii ade tiinii qoppide baggara doorinttiduntsis Yesuus Kiristtoosas kiitinttodesin E suutsite wuxurkkinttiduntsana Geeshi Ayyaanara geezhiduntsis, aadho keehatitsin sarotitsi maaqqe.

2 ጴጥሮሳ 1:10

Yinnii gisho, ta ishuntso, yin xeegintton yin doorintto mintsodes kasennippa aatsii minggote. Yin hyantsesana oochchizebaz maaqqiko, dhubunttaama.