1 ተሰሎንቄ 1:1 - Oyda New Testament

¹ Phawuloosa Sillaasen Ximotiyoosa Teselonqe woosa keetstsa yeze asuntsis, Xoozze Adesin Laatstse Yesuus Kiristtoosas maaqqide asuntsis xaafide kiita. Aadho keehatitsin saro yinttis maaqqe.

ኦይዳ አዲስ ኪዳን

¹ ጳዉሎሳ ስላሰን ጢሞትዮሳ ተሰሎንቄ ዎሳ ኬ የዘ አሱንስ፥ ጾዘ አደስን ላ የሱስ ክርስቶሳስ ማቅደ አሱንስ ጻፍደ ኪታ። አ ኬሃትን ሳሮ ይንትስ ማቀ።

1 ተሰሎንቄ 1:1 Iomraidhean Croise

ሐዋሩን ኦቻ 15:22

Yinnippa maaqqii, hawaaruntsin cimuntsi woosa keetstsa as ubbuntsara fettilla fa gidda fa eerats asuntsana doorii Phawuloosaran Barnnabaasara Anxookiya dakkodes qofa accida. Gaama erinttide kaalitsizuntsana Barssabaasa ga7inttize Yihudan Sillaasen doorida.

ሐዋሩን ኦቻ 15:27

Yinnii gisho, nu xaafidanno un fa doonara gujjii yinttis ohode fana Yihudan Sillaasen kiittida.

ሐዋሩን ኦቻ 15:40

Yezin Phawuloosa Sillaase doorida; ammanzuntsi Phawuloosa Xoozze aadho keehatitsi hyadarito inggidannippa maaqqii E kezii qitida.

ሐዋሩን ኦቻ 16:19

Yezin I laatstsuntsi faas bira denggize ogita dhabidanno bi7i, Phawuloosan Sillaasen aykkii, firdda keetstsa daynnuntsi tiino gochchii kanggida.

ሐዋሩን ኦቻ 16:25

Yezin qamma bilahe maaqqize wode Phawuloosaran Sillaaseran woossitteran mazmure yexxitteran Xooz galatane. Achi keetstsite yeze melle asuntsin un gaazanno si7ine.

ሐዋሩን ኦቻ 16:29

Achi keetstsito kafize xomppe woossii ekkii ellisii gidda woxxida. Goqitera Phawuloosa tiinon Sillaase tiino zuggida.

ሐዋሩን ኦቻ 17:11

Beeriya asuntsi Teselonqe asuntsappa aadhii wozina dalgga. Un qaaltto kumutsi wozinappa ekkida; Phawuloosa gaydanna turo maaqqidanno shaakkii erodes ubba wode Geeshi Maxaafe nabbabane.

ሐዋሩን ኦቻ 18:5

Sillaasen Ximotiyoosan Maqedooniyappa yi7ide wode Phawuloosa fa kumutsi wodito inggi Ayhuduntsis Yesuusa E, Kiristtoosa ga7i qaala ohida.

ሐዋሩን ኦቻ 19:22

Mahi fana maaddizuntsappa lam77untsana Ximotiyoosan Erasxoosa Maqedooniya kiittii, faas Isiya gidda eerats wode gam7ida.

ሐዋሩን ኦቻ 20:4

Phawuloosa moyziduntsi Beeriyappa Pharhuusa na7aya Sophaxiroosa, Teselonqeppa Arsxirokoosan Sikondduusa, Derbbeppa Gaayoosa, Iisiyappa Tikiqoosa, Xirofimoosan Ximotiyoosan.

Rome 1:7

Roome yeze, Xoozii yiqsinttizuntsana ees geeshi worzha maaqqade fana dooriduntsis. Xoozze nu Adeppan Laatstse Yesuus Kiristtoosappa aadho keehatitsin sarotitsi yinttis maaqqe.

1 ቆሮንቶሳ 1:2

Qoronttoosa yeze Xoozze woosa keetsitis, Yesuus Kiristtoosara geezhiduntsis unttisin nuus Laatstsi maaqqide nu Laatstse Yesuus Kiristtoosa suntsito ubba bessa xeegize ubbuntsis;

2 ቆሮንቶሳ 1:1

Xoozze qofara Yesuus Kiristtoosa hawaare maaqqide Phawuloosan, nu ishe Ximotiyoosa, Qoronttoosa gidda yeze Xoozze woosa keetsitisin Akkaya gade yeze Xoozze as ubbuntsis xaafide kiita.

2 ቆሮንቶሳ 1:19

Taanin, Sillaasen Ximotiyoosan yinttis markkidhide Xoozze Na7i, Yesuus Kiristtoosa ubba wode «Yee» fattin «Yee» ran «Adera» baaya.

Galaatiya 1:2

taara yeze ammanze ishuntsi ubba, Galaatiya yeze woosa keetsuntsis.

Galaatiya 1:22

Yihuda yeze woosa keetsi asuntsi tana bi7i erikaaya.

Efesoone 1:2

Xoozze nu Adeppan Laatstse Yesuus Kiristtoosappa aadho keehatitsin sarotitsi yinttis maaqqe.

ፍልጵስዩሳ 1:1

Kiristtoos Yesuusara fetto maaqqide gisho Xoozze baz maaqqide, Filphisiyusa katama yeze woosa keetstsi ahizuntsisn daaqonatesin Kiristtoosa Yesuusara yeze geeshshuntsis ubbuntsis. Yesuus Kiristtoosa aro maaqqide, Phawuloosappan Ximotiyoosappa dakinttide kiita.

Qolaasiyasa 1:1

Xoozze qofa Kiristtoosa Yesuusa hawaare maaqqide Phawuloosan nu ishe Ximotiyoosa,

2 ተሰሎንቄ 1:1

Phawuloosa, Sillaasen Ximotiyoosa Teselonqe woosa keetstsa yeze, Xoozze Aday bazin Laatstse Yesuus Kiristtoosa baz maaqqide asuntsis xaafide kiita.

1 ጢሞትዮሳ 1:2

ammanora taas turii na7a maaqqide Ximotiyoosas. Xoozzeppa nu adayppan, nu Laatstse Yesuus Kiristtoosappa aadho keehatitsi, maarotitsin sarotitsi nees maaqqe.

2 ጢሞትዮሳ 1:2

ta kadhize na7ay Ximotiyoosas. Xoozze Adayppan nu Laatstsii Kiristtoosa Yesuusappa aadho keehatitsi, maarotitsin sarotitsi nees maaqqe.

Ibraawe 13:23

Nu ishe, Ximotiyoosa achchappa bilinttidanno erote. E ellisii taago yi7iko ta eera yinttana hyanggi be7ada.

1 ጴጥሮሳ 5:12

Ammaninttide ishe ga7i ta ekkize Sillaase baggara hyay kiitiza yinttis hyaatara xaafida. Ta yinno yinttis xaafidanna, yinttana zorodesin Xoozze aadho keehatitsita turo maaqqizanno markkidhades. Yinna aadho keehatitsite miinggi eqqote.

1 ዋሐንሳ 1:3

Nuura yinttis fettetitsi yessade fana nu bi7idannon si7idanno yinttis ohine. Nuus fettetitsi yezanni fana Adayran E Na7a Yesuus Kiristtoosara fettetitsi yene.

Yihuda 1:1

Taanii Yihuda, Yesuus Kiristtoosa arize, Yayqooba ishay; Xoozii xeegiduntsis, Xoozze Aday kadhizuntsin Yesuus Kiristtoosas naaginttiduntsis hyay kiitiza xaafida.