2 ጢሞትዮሳ 3:12 - ኦይዳ አዲስ ኪዳን

¹² ክርስቶስ የሱሳ ግዳ ጾዛ ኡፋይስዘ የስ የሳደስ ኮይዘ ኡቡን ባይእንቶዳ።

Oyda New Testament

¹² Kiristtoos Yesuusa gidda Xoozza ufayssize yessi yessades koyze ubbuntsi bay7inttoda.

2 ጢሞትዮሳ 3:12 Iomraidhean Croise

Maatoosa 16:24

ይንፓ ሱባ፥ የሱሳ ፋ ታማሩንጎ፥ «ኦደን ታና ካሎደስ ኮይዘ ባዝ ማቅኮ ፋና ካዶ፥ ፋ ማስቃልቶ ቶኪ ታና ካሎ።

Maatoosa 23:34

ይኒ ግሾ፥ ታ ኦህዛኖ ስኦተ፤ ታኒ ናቡንና፥ ጭንጫ አሱንናን አስታማሩንና ይንታጎ ኪቶዳ። ኡንታፓ ፈታ ፈታ ይን ዎዳን ማስቃላላ አፋ ሱጾዳ። ባጉንና አይሁደ ዎሳ ኬ አላንጋራ ጋራፎዳን ካታማፓ ካታማ ባይኦዳ።

Marqqoosa 10:30

Ꮉተ Ꮉና ዎድተ ጼት ኩሸ ኬቶ፥ እሹንና፥ ምሽቶ፥ እንቶ፥ ናኡንና፥ ኦችዘ ጋድቶ፥ ባይራ ዎላ ኤኮዳ። ቲኖፓ የኦደ ዎደን መዽና ደኦ ኤኮዳ።

Wahannisa 16:2

ኡን ይንታና አይሁደ ዎሳ ኬፓ ከሶዳ። ይንፓን አ፥ ይንታና ዎዘ ኦደን ጾዚ ኮይዘ ባዝ ኦችዛ አዝዘ ዎደ የኦዳ።

Wahannisa 16:33

ይን ታራ የዝን ሳሮ ይንትስ የሳደ ፋና ታ ይኖ ኦህዳ። አላመ ግዳ የዝተር ይን ዋይንቶዳ። የዝን ምንጎተ፤ ታኒ አላምቶ ጋምዳ» ያጋይዳ።

Wahannisa 17:14

ታ ኡንትስ ነ ቃልቶ እንግዳ። ታ አላመፓ ማቅካይዛን ፋና፥ ኡንትን አላመፓ ማቅካይዘ ግሾ አላመ ኡንታና እጽዳ።

ሐዋሩን ኦቻ 14:22

እዘ አማንዙን አማኖራ ሚንግ የሳደ ጋር ዞሪ፥ «ጾዘ ካእቱሞ ገሎደስ ኑኒ ጋማ ማ ኤኮደስ ቤዛነ» ያጋእ ታማርስዳ።

1 ቆሮንቶሳ 15:19

ኑኒ Ꮉና አላምተ ደኦ ጻላላስ ክርስቶሳ ግዳ ኡፋይስ ኦችደባዝ ማቅኮ፥ Ꮉና አላምተ የዘ አስ ኡባፓ ኑ ባዝታ አደ ኢታ።

2 ቆሮንቶሳ 1:12

ኑኒ ኑ ጌሽ ዎዝንተ ጬቅንታነ። ኑኒ Ꮉና አላምተ የዝደ የስተ አ ኑ የዝደ የስተ ቱረትራን ሱረትራ ይንታራ የዝዳ። ይናን፥ Ꮉና አላመ ጭንጫትተ ማቅካይዝን ጾዘ አ ኬሃትተ።

2 ቆሮንቶሳ 4:9

ኑ፥ ሞርኩንራ ባይእንትዳ፥ የዝን ላገ ብካያ። ኑ ሞርኩንራ ጉዱንቲ ጎልእዳ፥ የዝን ብካያ።

1 ጢሞትዮሳ 2:2

ኑ ቱሪ አያና ደኦ ጌሻትራ ጾዛ ጎይንተራ ሳሮትራ ዎፑ ጋእ የሳደ ጋር ካቱንስን ሹሙን ኡቡንስ ዎሶተ።

1 ጢሞትዮሳ 3:16

ኑ አማንትስ ሳዛ ቆፍታ ሶኤ ባይ ዳማ። ክርስቶሳ አሾር ቆንጭዳ፤ ኤ ቱረትቶ ጌሽ አያና ማርክዳ። ኪታንቹንስ በንትዳ፤ ኤ ካእቱምታ ዎርዣ ኡባስ ሳባክንትዳ። አላመ የዘ አሱን አማንዳ፤ ቦንቾር ሳሎ ኤክንትዳ።

1 ጢሞትዮሳ 6:3

ኦንን ዱማ ትምርተ ታማርስኮ፥ ኑ ላ የሱስ ክርስቶሳ ቱሪ ቃላራን ኑ አማኖ ትምርተራ ጊጎስ።

Tito 1:1

የሱስ ክርስቶሳ ሐዋረን ጾዘ አሮ፥ ጳዉሎሳ፥ ጻፍደ ኪታ። ጾዚ ዶርደ አሱን አማኖ ድቾደ ጋራን ቱሪ አያና ደኦ ዋይዝ የሳደ የዛኮ ቱሪ ኤራጎ ኡንታና ካልደስ ታ ኪትንትዳ።

Tito 2:12

የ አ ኬሃትዘ፥ ኑ ናጋርቶን Ꮉና አላመ አሙቶ አሺ፥ Ꮉና ዎድተ ኑ ኦምቶ ናጊ፥ ቱሪ አያና የሳራን ጽሎትራ የሳደ ፋና ኑና ታማርሳነ።

1 ጴጥሮሳ 3:14

መለ አቶ የዝን፥ ጽሎት ግሾ ይን ማኮ አንጅንትዱንና። አስስ ዣሽትፐተን ይርግፐተ።

2 ጴጥሮሳ 3:11

ይኬ፥ ኡባ ባዝ ይኒ ጋር ዪእ ብዘባዝ ማቅኮ ይን ዋኮ የዘ አስ ማቃደስ ቤዘ? ይን ጌሽን ጾዚ ኡፋይስዘ የሲ የሳደስ ቤዛነ።

ዋሐንሳ ቆንጭ 12:4

የ ዳውዘ ፋ ኡንክተ ጾሉንቶ Ꮉይፓ ፈቲ ኩሽቶ ሳሎፓ ጎች ሳአ ኦልዳ። የ ዳውዘ ናአይ የልንት ዎደ ፋና ቆደስ ኮይ፥ የሎደስ እንትዘ ማችት ቲንተ ኤቅዳ።

ዋሐንሳ ቆንጭ 7:14

ታኒ ማህ፥ «ላ፥ ነ ኤራነ» ጋይዳ። ኤዝን ታጎ፥ «Ꮉንስ ጋማ ዋየ ዋይ አዱንና። ኡን ፋ ማእቶ ዱርዘ ሱተ ሜጪ ቦዳ።