St Matthew 9:3 - Ottawa New Testament Penteteuch and Psalms 1874

³ Benuh dush, ahnind egewh oozhebeëga‐wenenewug emuh oodaëwaung keëkedoowug, Mujje‐kezhwa suh wahowh enene.

St Matthew 9:3 Iomraidhean Croise

LEVITICUS 24:16

Owh dush kamujje‐duhzhindungwan Jehovah oodezhenekahzoowin ahbetakummig tahnesah; kuhkenuh dush egewh mahyahwunjeëdejig ahbetakummig oogahpimwuhsinnuhahwaun enewh kishpin mayuggezegwan gamuh uhkeeng kahduhzhenegegwan majeduhzhindung Jehovah oodezhenekahzoowin tahnesah.

NUMBERS 15:30

¶ Owh dush ween wuhnishquauch gagoo azhechegad, kahnegegwan emuh duhnuhkewining, gamuh kuhya mayuhgezegwan oomujjedooduhwaun Jehovahun; owh suh tahkahsewah emuh uhyahnid weejahnishenahban.

St Matthew 26:65

Medush uhpe owh sahsahgewejega‐wenene kekishkepetood oopuhpesekahwahgunun, oo‐oo keëkedood, Kemujje‐kezhwa suh; ahneshwin kayahbe nundahwanemungwahbun egewh kadebahjemoojig? benuh, noongoom kenoondahnahwah oomujje‐kezhwawin.

St Matthew 7:29

Kache‐enandahgoozingin oogeëzhekekenooähmahwaun, kahween goo oozhebeëga‐weneneeng.

ST. MARK 14:64

Kegenoondahnahwah ewh mujje‐kezhwawin; ahneen ananduhmag? Keënahkoonegawug dush kuhkenuh, cheënandahgoozenid cheneboonid.

ST. MARK 3:28

Kagate kedenenim, Egewh enenewug oonejahnesewaun tahwabenahmahwahwug kuhkenuh mujjeëzhewabezewinun kuhya kuhkenuh mujje‐kezhwawinun kaëzhe-mujje‐kezhwawaud:

ST. MARK 3:29

Ahwagwan dush kamujje‐duhzhemahgwan enewh Keche‐oojechaugwun kahween wekah tahahbwayanemahse, chekahgega‐nahneboomind suh goo enandahgooze:

ST. MARK 7:21

Peenjenuh muh, enenewug ooodaëwaung, oonjebahmahgudenewun enewh mujjeënanduhmoowinun, pezhegwahdezewinun, nesedewinun.

ST. LUKE 5:21

Kemahje‐guhnoonindewug egewh oozhebeëga‐wenenewug kuhya Phariseeg, oo‐oo keëkedoowaud, Ahwanan mahbuh maje‐kezhwad? Ahwanan kashkeäwezid chewabenuhmahgad mujje‐ezhewabezewinun, ween atuh Kesha‐Muhnedoo?