St Matthew 9:16 - Ottawa New Testament Penteteuch and Psalms 1874

¹⁶ Kahween ahweyah oopuhgwahegaseen ewh ooshke‐mahnetoowagin emuh kata‐ahgwewining, ewh muh uhyeëe kahahjegahdag ashkum tahoonje‐pegooshkah ewh ahgwewin.

St Matthew 9:16 Iomraidhean Croise

GENESIS 33:14

Mahnoo nindoogemaum kepahgoosanemin uhnenegauneen: neen dush kebuhmeetahgun bakah ningahuhnemoosa, azhekushketoowaud egewh ahwahkahnug nahgaunejig kuhya egewh ahbenoojeyug, peenish tuhgwishenaun emuh ahyaud nindooogemaum emuh Seir.

PSALMS 125:3

Ooodoogemah‐suhkuhoonahwah egewh maje‐ezhewabezejig kahween tahduhgoomahgussenoon emuh ooduhkeewewaung egewh manoo‐ezhewabezejig: oodahgetaungenahnahwah mujje‐ezhewabezewin.

St Matthew 9:15

Jesus dush oo‐oo oogeënaun, Tahkushkanduhmoog nuh egewh dabandahgoozejig emuh nahaunge‐weguhmegoong, magwah weejewahwaud enewh nahaungeshun? Tahtuhgweshenoomahgudoon enewh kezhegudoon, uhpe chekemuhkummindwah enewh nahaungeshun, me dush uhpe kapuhkuddaëdezoowaud.

St Matthew 9:17

Kah kuhya oosegenunsenahwah ewh ooshke‐shoowemenahboo emuh kata‐puhshquagenoo‐moodying; keshpin keëzhechegawahpun tahgepegooshkahwun enewh oomoodyun, kuhya dush tahgesekesa ewh shoowemenahboo, kuhya bahnahdudoon enewh oomoodyun: oosegenahnahwah dush ween ewh ooshke‐shoowemenahboo emuh ooshke-puhshquagenoo‐oomoodying, medush nuhyazh chemenoo-guhnuhwanduhmoowaud.

ST. MARK 2:21

Kahween ahweyah oodahpahgwahunseen ewh ooshke‐mahnetoowagin emuh kata‐ahgwewining: mahgeshah ewh ooshkegin kaoonje‐pegooshkahgebun ewh kata‐uhyeëe, nahwuj dush tahgepegooshkahmahgud.

ST. LUKE 5:36

Oowahweenduhmahwaun dush ewh ahwajegun; Kahween ahweyah oopahgwahunseen ewh ooshke‐mahnedoowagin emuh kata‐ahgwewining; mahgeshah ewh ooshkegin bahnahjechegamahgud, kah suh dush ewh ooshkegine-puhgwahegawin menoosasenoon emuh kata uhyeëeng cheähtag.

ST. JOHN 16:12

Nebewah kayahbe keweweenduhmoonenim, kah dush noongoom muhshe kekushkoonduhsenahwah.

I. CORINTHIANUN 13:13

Noongoom dush duhgoomahgudoon oonoo neswe, dabwayanduhmoowin, ahpanemoowin, kuhya sahgeëwawin; mahmahwe suh goo keche‐enandahgwud ewh sahgeëwawin.

II. CORINTHIANUN 9:12

Maunduh meegewawin mahkinduhmaung kahween atuh enahbuttussenoon cheähyahmoowaud egewh anuhmeahjig enewh uhyeëen manazewaud, kuhya keche‐enahbuttud chepeshegandahgooïnd owh Kesha‐Muhnedoo nebewah mahmooyahwawinun;