St Matthew 8:9 - Ottawa New Testament Penteteuch and Psalms 1874

⁹ Neen mah nendebandahgooz, netebanemaug dush egewh shemahguneshug; nendenah dush mahbah enene, Mahjaun, medush azhemahjaud; bakahnezid dush, Oondaus, medush azhepenaunzekahwid; kuhya owh nebuhmeetahgun, Oo‐oo doodun, medush andoodung.

St Matthew 8:9 Iomraidhean Croise

PSALMS 119:91

Oonje mah ketebahkoonegawin ahyahmahgudoon noongoom kezheguk: kebuhmeetahgoonun mah kuhkenuh:

PSALMS 148:8

Oogahmahmooyahwuhmegoonun ishkootan kuhya sasagun: koon kuhya puhquanawin: keche‐nootin ewh azhechegamahguk ween anandung.

St Matthew 8:10

Uhpe dush Jesus kahnoondung, kemahmahkahdandum, oo‐oo dush oogeënaun enewh nwahpenuhnegoojin, Kagate kedenenim, kah nahnauzh nengemekunse oo‐oo menik dabwayanduhmoowin, kahween kuhnuhga emuh Israëling.

St Matthew 8:8

Owh dush menesenoo‐oogemah oogenuhquatuhwaun oo‐oo dush oogeënaun, Tabanengayun kahween nentaäh-petandahgoozese chepeendegayun emuh newegewauming; kekedoon suh goo atuh, me dush chenoojemooïnd owh nebuhmeetahgun.

ST. MARK 1:27

Kuhkenuh dush kemahmahkahdanduhmoog, keguhgwajindewaud, oo‐oo akedoowaud, Wagoonanedoog maunduh? ahneen azhewabuk maunduh ooshke‐kuhgequawin? kushkeäwezewining muh oodezhekuhgaunzoomaun enewh wahnezenejin muhnedoon, oobezindahgoon dush.

ST. LUKE 4:39

Kenebahwe dush emuh ahyahnid, oogenuhneebekindaun ewh niningebenegoowin, me dush kahezhenuhguh-negoonid: bahbega dush kepuhsegwe owh equa, kebuhmeetahwaud dush.

ST. LUKE 7:8

Kuhya neen muh nindebandahgooz, kuhya nindoogemahkundahwaug enewh shemahgunishug, Mahjaun nindenah owh pazhik, mesuh dush azhemahjaud; menuhwah dush, Oondahshaun nindenah pazhik, mesuh dush azhe penaunzekahwid; kuhya Oo‐oo ezhechegan, nindenah nindooshkenegeem, me suh goo azhechegad.

ST. LUKE 9:1

Uhpe dush kahmahwunzoomaud enewh metahswe‐ahshe‐neezh kekenooähmahgunun, oogemeenaun kushkeawezewin chesahgeje‐wabenahnid kuhkenuh enewh mujje‐muhnedoon, kuhya chenoojemooähnid ahnooj anahpenanejin ahyahkoosenejin.

COLOSSIANUN 3:22

Buhmeetahgunedoog, nuhittahwik egewh kedoogemahmewaug emuh weyausemaung kuhkenuh menik kaenenenagwah; kahween ween ooshkinzhegoo‐buhmetahgawin nahsaub azhebuhmeetahgawaud egewh manwanduhmeähjig enewh enenewun; emuh dush kedaëwaung menoo‐ezhewabezeyag, koosag Kesha‐Muhnedoo:

ENEWH TITUSUN 2:9

Ahyaungwahmim egewh bameetahgajig chenuhittahwahwaud enewh tebenuhwa oodoogemahmewaun, kuhya cheminwanduhmeähwaud kuhkenuh enewh uhyeëen menik egoowaud enewh, cheähzhittamahsigwah;