St Matthew 8:20 - Ottawa New Testament Penteteuch and Psalms 1874

²⁰ Jesus dush oo‐oo oodenaun, Wahgooshug oowahzhewug, kuhya penasewug kezhegoong ayahjig oowuhseswunewug; owh dush ween Enene oogwissun kahween oodahyaunseen ewh kaähpequashemood.

St Matthew 8:20 Iomraidhean Croise

PSALMS 104:12

Oogijjuhyeëe ahyahwug kezhigoong duhzhe penasheüg: noondahgoozewug nahwuhyeëeng wahtikwunewaud metigoog.

PSALMS 104:17

Mesuh anduhzhe oosuhswunewaud egewh penasheyug: owh ahjechauk duhneze emuh shingwaukoong.

PSALMS 109:22

Debishkoo ahgahwahtashemoowining uhpe apungeshemook nindezhemahjah: nemahjenahzhahoogoo debishkoo ahtessahwuhyasheeng.

PSALMS 40:17

Tahahgujjeähwug egewh nandoonawahjig ninjechaugwun chebahnahjeähwaud: mahnoo tahahzha‐nahzhahwahwug kuhya tahnuhneebikemahwug egewh nanduhwandungig cheähnemezeyaun.

PSALMS 69:29

Nekooduggandum kuhya neketemahgiz: mah, noo ishpeming ningahahsigoon kebemahjeëwawin O Kesha‐Muhnedoo.

PSALMS 84:3

Menungakah, owh penasheense oogemekaun wegewaum kuhya owh shahshahwuhnebesse oogemekaun oosuhswun kaähsaud enewh puhnuhjahyun: kesahsahgewejegunahbikoom O Jehovah dabanemudwah waqueenoojig nindoogemaum kuhya neKesha‐Muhnedoom.

St Matthew 12:32

Ahwagwan dush kamujje‐duhzhemahgwan enewh Enene oogwissun, tahwabenahmahwah; ahwagwan dush ween mujje‐duhzhemahgwan enewh Keche oojechaugwun, kahween tahwabenahmahwahse, oomah uhkeeng, gamuh ewede katuhgweshenoomahguk uhkee.

St Matthew 12:40

Debishkoo muh nesoo‐kezhik kuhya nesoo‐tebik keähyaud owh Jonas emuh oomesudaung owh mesahmag; me nahsaub kuhya ween owh Enene oogwissun nesookezhik kuhya nesoo‐tebik cheähyaud emuh oodaëwung ewh uhkee.

St Matthew 12:8

Owh muh Enene oogwissun oodoogemahkundaun ewh aunwabe‐kezhik.

St Matthew 13:37

Oogenuhquatuhwaun dush, oo‐oo keënaud, Owh suh kahsuhswawabenung ewh wanesheshing menekaun, mesuh owh Enene oogwissun;

St Matthew 16:13

Uhpe Jesus kahtuhgweshing emuh anuhkakummig Ceserea Phillippi, oogeguhgwajemaun enewh ookekenooähmahgunun oo‐oo kekedood, Ahwanan azhewaud egewh enenewug ewh neen Enene ooogwissun ahweyaun?

St Matthew 16:27

Tahpeëzhah suh owh Enene oogwissun emuh oopezhegandahgoozewinening oosun chepeweejewegood dush oodangenemun; medush uhpe kameenaud kuhkenuh enewh bamahdezenejin debishkoo anandahgwudenig oodahnookewinene.

St Matthew 17:9

Magwah dush penesahkewawaud oonje wahjewing, Jesus oogeäungwahmemaun oo‐oo ekedood, Kagoo ahweyah weenduhmahwahkagoon kahwahbunduhmag, nahnauzh egoo keähbejebaud owh Enene oogwissun.

St Matthew 19:28

Jesus dush oo‐oo oogeënaun, Kagate kedenenim, kenuhwah kahnoopenuhzheyag, emuh aunj‐bemahdezewining, uhpe kawuhwanuhbid owh Enene oogwissun emuh pazhegandahgwudenig oodoogemahwewin, kuhya kenuhwah kegahnuhmuhduhbim emuh metahswe‐ahshe‐neezh oogemahwuhbewining, chetebahkoonagwah egewh metahswe‐ahshe‐neezh anduhswayuggezejig Israelitug.

ST. MARK 8:38

Ahwagwan muh kaähguddanemegwan kuhya enewh nindekedoowinun noongoom magwah bemahdezewaud oogoo pazhigwahdezejig kuhya majeëzhewabezejig, mesuh enewh kaähguddanemahjin owh Enene oogwissun, uhpe petuhgwishing emuh oopeshegandahgoozewinening enewh Oosun, weejewegood dush enewh kachetwahwezenejin oodangenemun.

ST. LUKE 12:8

Kedenenim suh dush, Kuhkenuh egewh kawahweezhejig emuh anahsuhmuhbenid enenewun, mesuh enewh kawahweenahjin owh Enene Oogwissun anahsuhmuhbenid Kesha‐Muhnedoo oodangenemun:

ST. LUKE 18:8

Kedenenim suh, waweeb oogahtebahkoonuhmahwaun. Uhpe dush Enene Oogwissun kapeëzhaud oogahmekaun enuh ewh tabwayanduhmoowin oomah uhkeeng?

ST. LUKE 2:12

Mesuh maunduh kekenoowahjechegun kaähyahmag; kegahmekahwahwah owh ahbenooje takoobezood, kuhya shangeshing emuh anduhzhe‐wesenewaud egewh ahwahkaunug.

ST. LUKE 2:16

Medush kepewaweebishkahwaud, kemekahwahwaud dush enewh Maryun, kuhya Josephun, kuhya ahbenoojeün shingeshinenid emuh anduhzhe‐wesenenid ahwahkaunun.

ST. LUKE 2:7

Oogenegeäun dush oonetummoozhaunun oogwissun, oogetuhkoobenaun dush, kuhya oogeähsaun emuh anduhzhe‐wesenenid enewh ahwahkaunun; kah muh kemeenahsewug uhbenahsoowin emuh ahshunde‐weguhmigoong.

ST. LUKE 21:36

Ahkahwahbeyook, kuhya ahnuhmeähyook moonzhug, ewh dush cheënandahgoozeyag cheoozhinduhmag kuhkenuh oonoo uhyeëen wahtuhgwishenoomahgukin, kuhya chenebahweëgooyag enahsuhmuhbid owh Enene Oogwissun:

ST. LUKE 8:3

Kuhya Joannah, wewun owh Chusa ooguhnuhwanjega‐wenenemun owh Herod, kuhya Susanna, kuhya nebewah ahnind, kahmeenahjig enewh ootebenuhwawezewinewaun.

ST. LUKE 9:58

Jesus dush oogeënaun, Oowahzhewug egewh wahgooshug, kuhya oowussissoonewug egewh kezhegoong duhzhe penazheyug; Owh atuh Enene Oogwissun kahween oodahyaunseen ewh kaähpequashemood.

ST. JOHN 1:51

Oo‐oo dush oodenaun, Kagate, kagate, kedenenim, Bahnemah kegahwahbundahnahwah ewh kezhik chenesahkoosing, kuhya enewh oodangenemun owh Kesha‐Muhnedoo oombishkahwashkahgood kuhya nesaundahwashkahgood Enene Oogwissun.

ST. JOHN 12:34

Egewh dush ahnishenahbag oogeëzhenuhquatuhwahwaun, Emuh suh tebahkoonegawining ningeöonjenoondahmin ewh kahgenig ahyah owh Christ; ahneen dush keen wanjeëkedooyun, Nundahwandahgoozid owh Enene Oogwissun cheöombenind? ahwanan wah‐owh Enene Oogwissun?

ST. JOHN 13:31

Uhpe dush kahsahgahung, Jesus dush oo‐oo keëkedoo, Mesuh zhuhyegwah peshegandahgooïnd owh Enene Oogwissun, kuhya dush owh Kesha‐Muhnedoo ween oonjepeshegandahgoöah.

ST. JOHN 3:13

Kah dush ahweyah Keëzheoombishkahse ewede keche‐kezhegoong ween atuh keche‐kezhegoong kahpeöonjenesid, owh Enene oogwissun keche‐kezhegoong ayaud.

ST. JOHN 3:14

Kahezheöombahkoonaud suh owh Moses enewh kenabigoon emuh buhgwuhduhkummig, me suh ewh nahsaub kaëzheöombahkoonind owh Enene oogwissun:

ST. JOHN 6:27

Kagoo ahnookeetunkagoon ewh meejim kabahnahduk, ewh atuh meejim kaähtag emuh kahgega‐bemahdezewining, mesuh ewh kaähshumenag owh Enene Oogwissun: me muh enewh kahkekenoowahjeähjin owh Kesha Muhnedoo.

ST. JOHN 6:53

Jesus dush oo‐oo oogeënaun, Kagate, kedenenim, Kishpin meejesewag ooweyaus owh enene oogwissun, menequasewag dush oomisqueem, kahween keduhyaunsenahwah ewh bemahdezewin peenjenuh.

ST. JOHN 6:62

Kishpin wahbuhmag owh Enene Oogwissun cheëzheoombishkaud ewede wahyashkud kahahyaud?

OODEZHECHEGAWINEWAH 7:56

Oo‐oo dush keëkedood, Benuh, newahbundaun kezhik nesahkoosing, kuhya enene Oogwissun nebahwenid emuh ookechenikaung owh Kesha‐Muhnedoo.

II. CORINTHIANUN 8:9

Kekekandahnahwah muh ooshahwanjegawin owh Tabanemenung Jesus Christ, ahnoo goo kewahnuhdezid, kenuhwah keöonje‐ketemahgezeïnd, ween ooketemahgezewining kenuhwah cheöonje‐wahnuhdezeëgooyag.