St Matthew 8:13 - Ottawa New Testament Penteteuch and Psalms 1874

¹³ Jesus dush oo‐oo oogeënaun enewh menesenoo‐oogemaun, Mahjaun, kahezhetabwayanduhmun, mesuh kadoodahgooyun. Me dush ewh uhpe kadishk oobuhmeetahgunun kahnoojemooëmind.

St Matthew 8:13 Iomraidhean Croise

St Matthew 15:28

Jesus dush oogenuhquatuhwaun oo‐oo keënaud, Equa, keche‐enandahgwud suh kedabwayanduhmoowin; azhenundahwanduhmun me ewh kadoodahgooyun. Me dush goo uhpe kenoojemooëmind enewh oodahnun.

St Matthew 17:20

Jesus dush oo‐oo oogeënaun, Me suh ewh dabwayanduhsewag: kagate suh kedenenim, Keshpin ahyahmag dabwayanduhmoowin debishkoo anegookoomenahguk ewh oozahwunushke‐menekaun, kegahedahnahwah oo‐oo wahjewh, Oomah oonjemahjaun kuhya ewede ezhaun; tahezhahmahgud dush, kah dush gagoo kedahpwahnuhwetoosenahwah.

St Matthew 8:4

Jesus dush oo‐oo oodenaun, Benuh kagoo weenduhmoowahkan ahweyah; mahjaun dush ween goo, wahbundow keyow owh sahsahgewejega‐wenene, kuhya meegewan ewh meegewawin kahekedoopun owh Moses chemeegewayag, cheöonjedebahjemootahwindwah.

St Matthew 9:22

Jesus dush kequakekahbahwe, uhpe dush wuhyahbuhmaud oo‐oo keëkedoo, Nindahnis menoodaän; kedabwayanduhmoowin kenoojemooëgoon. Medush goo uhpe enoojemooïnd owh equa.

ST. MARK 7:29

Oo‐oo dush oogeënaun enewh equawun, Oo‐oo keëkedooyun, oonjekewan; oosahgejenahwashkahwaun suh owh mujje‐muhnedoo enewh kedahnisun.

ST. MARK 9:23

Jesus dush oo‐oo oogeënaun, Kishpin suh kushketooyun chedabwayanduhmun, ahnooj gagoo ookushketoon owh duhyabwayandung.

ST. JOHN 4:50

Jesus dush oo‐oo oodenaun, Mahjaun, bemahdeze suh owh kegwis. Owh dush enene oogedabwataun ewh ekedoowin kahekedood owh Jesus, kemahjah dush.