St Matthew 8:12 - Ottawa New Testament Penteteuch and Psalms 1874

¹² Egewh dush dabandahgoozejig emuh oogemahwewining tahezhesahgejewabenahwug emuh ahgwahjuhyeëe puhsuhgeshkezewining; me emuh kaduhzhe‐wesuhguhdamoong, kuhya kaduhzhe‐muhmahtwayahbetasang.

St Matthew 8:12 Iomraidhean Croise

PSALMS 112:10

Owh maje‐ezhewabezid oogahwahbundaun kuhya tahkushkandum: tahmuhtwayahbidasa kuhya tahningezoo: tahbahnahdudene oonunduhwanduhmoowin owh maje‐ezhewabezid.

St Matthew 13:38

Ewh dush ketegaun, mesuh maunduh uhkee; ewh dush wanesheshing menekaun mesuh oogoo wanejahneseminjig emuh oogemahwewining; enewh dush mujjemezhushkoon, mesuh enewh oonejahnesun owh mujje‐ahyahahweesh.

St Matthew 13:42

Cheähpuhgenahnid dush eshkootawine‐ningezegawining: me emuh kaduhzhe‐ahyahshequang kuhya mahmuhtwayahbettasang.

St Matthew 13:50

Oogahahpuggenahwaun dush emuh ishkootawine ningezegawining: emuh kaduhzhe‐ahyahshequang kuhya kaduhzhe‐mahmuhtwayahbittasang.

St Matthew 21:43

Mesuh ewh wanje‐enenuhgoog, Kegahmuhkummegoom suh kenuhwah ewh oodoogemahwewin owh Kesha‐Muhnedoo, tahmeenahwug dush egewh ahneshenahbag kameenewejig enewh oogemahwewine‐meenewinun.

St Matthew 24:51

Chetaushkekahegood dush, kuhya cheähpuggenegood emuh ahyahnid enewh anuhmeäkahzoonejin: medush emuh kaduhzhe‐mahwing kuhya kaduhzhe‐muhmahtwayahbetasang.

St Matthew 25:30

Ahpuggenik dush owh ningood anahbuttezesig buhmeetahgun emuh ahgwajeeng anduhzhe‐kushke‐tebekuk: emuh kaduhzhe‐mahwing kuhya kaduhzhe‐muhtwayahbetasang.

ST. LUKE 13:28

Ewede tahwesuggedamoom kuhya tahmuhmuhtwayahbetasam, uhpe kawahbuhmag owh Abraham, kuhya owh Isaac, kuhya owh Jacob, kuhya kuhkenuh egewh aunwahchega‐wenenewug, emuh oodogemahwewining owh Kesha‐Muhnedoo, kenuhwah dush sahgeje‐wabenegahzooyag.

OODEZHECHEGAWINEWAH 3:25

Kenuhwah kedoonejahnesemegoowaug egewh aunwahjega‐wenenewug, kuhya kedebandahgoozim emuh kekindewining kahoozhetuhmahwaud owh Kesha‐Muhnedoo enewh koosenahnin, oo‐oo keënaud enewh Abrahamun, Keen kaöonejahneseyun tahoonjeshahwandahgoozewug kuhkenuh ahnooj azheweenzoojig ahnishenahbag oomah uhkeeng.

ROMANUN 9:4

Israelitewewug suh; oodebandahnahwah ewh oonejahnesemegoowin, kuhya peshegandahgoozewin, kuhya kekindewinun, kuhya meegewang ewh tebahkoonegawin, kuhya oobuhmeetahgoowin owh Kesha‐Muhnedoo, kuhya wahweendahmahgawinun;

II. PETER 2:17

Oondahebaunun nabeekahsenoogin ahwewug, enewh ahnuhquudoon kazheähsenoogin oonje keche‐nooding; me suh egewh kaähpuggenindjig emuh akoo‐pesuhgish‐tebekuk kahgenig cheähyahwaud emuh.

II. PETER 2:4

Kishpin muh Kesha‐Muhnedoo kahshahwanemahsig enewh angenun kahmujje‐ezhecheganejin, kahezheneeswabenaud dush ween emuh mujje‐ishkootang puhsuhkishkezewine‐tuhkoobezoowining, cheguhnuhwanemindwah nahnauzh egoo tebahkoonewa‐kezheguk;

JUDE 1:13

Debishkoo tegoowug uhpe kache‐maungaushkaugin petawetoowaud tebenuhwa oodahgujjewinewaun, waneshenoojig ahnungoog, me suh egewh ganuhwanduhmoowindjig ewh keche‐kushke‐tebik kahgegakummig.

REVELATION 22:15

Ahgwahjeeng ahyahwug uhnemooshug, kuhya chahsuhkeejig, kuhya pazhigwahdezejig, kuhya nashewajig kuhya wajecheengwuhnetahwahjig muzzeneneen, kuhya ahwagwan wazhetoogwan kuhya suhyahgetoogwan kuhkenuhwishkewin.